1 Corintios 3:6 - Biblia Dc en Mixe de Quetzaltepec

⁶ Ëjts ojts ni'ipy nkojy ets Apolo të tyajxooky, e yë Dios yë'ë të tyajyony të tyajjiitsy.

Biblia Mixe de Quetzaltepec

⁶ Ëjts ojts ni'ipy nkojy ets Apolo të tyajxooky, e yë Tios yë'ë të tyajyony të tyajjiitsy.

1 Corintios 3:6 ပူးပေါင်းရင်းမြစ်များ

Salmos 127:1

Pën yë Wintsën ka'ap yë'ë kë'ëm tkojy yë tsajptëjk, natëkë tyuntë mëti'ipë tëjkkojtëpën; pën yë Wintsën ka'ap kë'ëm tkëwent'aty yë naax kajpn, oy jënu'un yë ja'ay kyëwent'atëty ka'ap nitii tuntëty.

Salmos 62:11

Ka'apës tyëkokpajkëty je'eyë të nmëtoy, ko yë Dios y'ënä'äny: Yë mëk'ajt oyajtën ets tsojkën ja'awën yë'ë jyä'ä'ajtääpy, yë'ë nitu'ukjaty kyumaaytyääpy wi'ixjaty pën të tyuny të kyäjpxyën.

Salmos 62:9

Yë naaxwiinyëtë ja'ay ka'ap nitii tsowëty, yë kumeenyjyä'äy ets ëyoopëja'ay tu'knax yë'ëjëty; ko jeexyë y'ëk'yaj'akijpxnaxtë yë naaxwiinyëtë ja'ay ni'ik to'tyk jeexyë pyëtsëmtë këtiinëm tii mëti'ipë to'tykyën.

Proverbios 11:25

Ja'ay mëti'ipë ayajk ako'onëpën, ni'ikyë jyotkujktä'äky; mëti'ipë winë yäjkpyën, näjyëtu'un winë t'ëxajë.

Isaías 61:11

Jä'ä ko jëtu'un tä yë aay ujts yoontä'äkyën naaxwiiny ets ënät jyiitsy jam kamjotm, jëtu'un yë Wintsën tyaj'ita'any yë jyä'äy ets myëta'aktëty xëmë, ets y'ëwtëty ya'axtëty mëët ja jotkujk'ajtën.

Hechos 11:18

Ko jëtu'un tmëtoowtë ja Jerusalenkëtë mëpëjkpëtëjkëty, tää amonyë wyë'ëmtaaytyë ets ja Dios tmëjja'awëtyë: Tyam yajja'akyukë ko tëë jëtu'un ja Dios tuknipëjktaakë ets näjyëtu'un tpaatëty ja juukyajtën xëmëkyëjxmëpë mëti'ipë ka'ap jyutiis'atën, ko ja y'ëxëëk winma'any të t'ëxmatstë.

Hechos 14:27

Ko jyajtë jam Antioquía, ënät ojts tyajmujkta'atë ja mëpëjkpëtëjk ets tukmëmëtyaktaaytyë wi'ix ënety ja Dios të tyunyën ma yë'ëjëtyën ets wi'ix ja Dios ja nyë'ë tyu'u të tyaj'ëwa'atsyën ko näjyëtu'un të myëpëktë mëti'ipë ka'ap jyutiis'atën.

Hechos 16:14

Tam ënety tu'uk ja to'oxytyëjk mëti'ipë xyëëwajtypyën Lidia, Tiatira kyukajpnëty, wit to'kp, aakjä'ä ijty tyo'kpy ja tsu'unk wit. Ya'atë to'oxytyëjk wyintsë'këp ijty ja Dios. Wintsën ojts winma'any myo'oyë ets tja'akyukëty wi'ix ja Pablo y'ënä'änyën.

Hechos 18:24

Näy jää tiempo tu'uk jyä'äjty ja jutiis ja'ay jam Éfeso, mëti'ipë xyëëwajtypyën Apolo, Alejandría kyukajpnëty. Oy ijty kyäjpxy myëtyä'äky ets nyija'ap ja Dios ja y'aaw y'ayuk.

Hechos 19:1

Naamtamnëm ënety ja Apolo y'itynyëm Corinto ko ja Pablo tuknajxy ja tunjot kopkjot ets jyä'äjty Éfeso ma tpatyën ja mëpëjkpëtëjk.

Hechos 21:19

Ojts ja Pablo tkajpxpo'kxy mëti'ipë ënety japëtyën, tääts tukmëmëtyaktaay wi'ix ja Dios ojts pyutëkëtyën ko tyajmëpëjky ja ja'ay ka'apë jyutiis'atën.

Romanos 15:18

Ka'apës nnätyuk'a'ixëty tii nimëtya'aktëty, yi'iyës nimëtyäkpy mëti'ipë ja Kristë të tunyën ëjtskyëjxm etsës nputëkëty mëti'ipë ka'ap jyutiis ja'ay'atën ets ja Dios tmëmëtowtëty. Ya'atë yë'ë mëët wyintu'upëky ja käjpxy mëtyä'äky ets ja tuunk,

1 Corintios 1:12

Yë'ës ntijpy ko miits jënaakën m'ëna'antë: Pablo jyä'ä npatuunëtëpës; wiinkpë y'ëna'antë: Apolo jyä'ä npatuunëtëpës; wiinkpë: Pedro jyä'ä npatuunëtëpës; ets wiinkpë: Kristë jyä'ä npatuunëtëpës.

1 Corintios 1:30

Dios miits kë'ëm të mpëjkta'akëtë tu'ukyë mëët ja Kristë Jesús. Kristë Jesús mëët ëëtsajtëm nwijëm nkäjëm ets nän yë'ëkyëjxm ja Dios mëët oy nwë'ëmëm, jëtu'unts ja Dios xyjyä'äy'ajtmëty ets najtspëkë n'ijtmëty.

1 Corintios 3:22

yë Pablo, yë Apolo, yë Cefas, yë o'kën, yë xëëw po'o, yë miinpë wiinkoonpë, aak miits yë mjä'äjëty,

1 Corintios 3:7

Mëti'ipë niptëpën ets mëti'ipë yaj'ujtsxo'ktëpën, ka'ap yë'ëty nätyu'uk myëta'aktë; Dios tu'uk tyuuntääpy winë, yë'ë yajyoomp ja aay ujts.

1 Corintios 9:1

Oy ayuk kajpxwa'kxpës ëjts, ëwaatsëtumës n'ity jä'ä ko tëëjës n'ixy ja Wintsën Jesús, ets miitsëty mëët ko të mëpëktë yë'ë yajnikëxë'kpy ko tëëjës nmëtuny ja Wintsën Jesukristë.

Efesios 3:17

wä'än ja Kristë t'ity ma miitsëtyën ko të xymyëpëktë, ets ja tsojkën ja'awën yajpaatëty xëmë ma miitsëtyën.

1 Tesalonicenses 1:5

paaty ko ojts miits ntuk'ëwaanëtë ja oy aaw oy ayuk, ka'ap ojts je'eyë nwinmëtya'aktë, ja Dios yë myëjaaw myëk'ajtën ets ja Kyënu'kxymyëk'ajtën ojts xyajtuntës ets tsyojkën jya'awën. Wa'ats miits xynyijawëtë wi'ixës ojts winë ntuntën ma miitsëtyën ets xytyuk'oy'attëty.