1 Corintios 3:3 - Biblia Dc en Mixe de Quetzaltepec

³ jä'ä ko miitsëty ëmuumnëm xymyëët'atë ja naaxwiinyëtë winma'any. Ko tii mkanätyukmë'ixëtë, ko mtsiptuntë ets ko mnäy'ëxëëk'ixëtë nixim niyam, mmëët'ajtëpnëm ja naaxwiinyëtë winma'any ëmuumnëm ets jëtu'un mtu'uye'eytyë ijxtëm ja ja'ay tyu'uye'eytyën mëti'ipë ja naaxwiinyëtë winma'any yajtuuntëpën.

Biblia Mixe de Quetzaltepec

³ jä'ä ko miitsëty ëmuumnëm xymyëët'atë ja naaxwiinyëtë winma'any. Ko tii mkanätyukmë'ixëtë, ko mtsiptuntë ets ko mnäy'ëxëëk'ixëtë nixim niyam, mmëët'ajtëpnëm ja naaxwiinyëtë winma'any ëmuumnëm ets jëtu'un mtu'uye'eytyë ijxtëm ja ja'ay tyu'uye'eytyën mëti'ipë ja naaxwiinyëtë winma'any yajtuuntëpën.

1 Corintios 3:3 ပူးပေါင်းရင်းမြစ်များ

Oseas 6:7

E ëjts yë nnaax nkajpnës, nän timjëtu'un të y'ëti'itsy Adankën, tëë tkäjpxykyumëtoownaxtë ja käjpxytyu'unën ets wiink winma'any të tpatnëtë.

Romanos 13:13

Tsojk winë oy ntu'unëm ijxtëm xëëny tii yajtunyën. Ka'ap je'eyë xëmë n'ukmëty nmukëmëty, ka'ap xim yam yë ye'etyëjk t'ixëty yë to'oxytyëjk ëkë yë to'oxytyëjk xim yam yë ye'etyëjk, ëkë xim yam pën mëët ntsiptu'unmëty.

1 Corintios 1:10

Mëku'uktëjkëty, Wintsën xyëëwkyëjxm miits tyam nmënu'kxta'aktë ets mnäkyäjpxyjyä'äkyukëtëty këtiipë mnäpyëjkwa'kxëtëty. Tu'ukyë mëpaat mjuuky'atë, tu'ukyë mmaytyëty mtajtëty, tu'ukyë tii xytyuknipëjktaakëtëty.

1 Corintios 1:11

Paatyës jëtu'un n'ëna'any jä'ä ko tëëjës xytyuk'ëwaanëtë ja Cloé jyiiky myëku'ukëty ko miits mnämyëtsip'atëtë.

1 Corintios 11:18

Mëtu'kpëky ëjts të nyajtukmëmëtyä'äky ko miits mye'eymyuktë, ma ja Dios xywyintsë'ëkëja'antën, këëkjä'ä xyajtu'uye'eytyë ja mtuunkëty; e ëjts nmëpëjkpyës.

1 Corintios 3:4

Jä'ä ko miits m'ëna'antë: Pablo yë jyä'ä npanëjkxëpës; ets ja wiinkëtypë y'ëna'antë: Apolo jyä'ä npanëjkxëpës. Jëtu'un yajja'akyukë ko miitsëty ëmuumnëm xymyëët'atë ja naaxwiinyëtë winma'any.

2 Corintios 12:20

Tsë'këpës ko ënety nëjkx nku'ixëtë ets nkapaatëty ijxtëmës njatsokyën ets ko miits nëjkx mjamintë nän ka'apës xypyaatëty ijxtëm xyjyatsoktën. Tsë'këpës ko wä'änxyëp ënety miits jam xymyëët'atë ja tsip äkë, näkya'oy'ixë; ëkë pi'tskäjpxy pi'itsmëtyä'äky, xim yam myajpaatë, mnäy'ëxëëk'ijxëtëp, nixim niyam; mnanyi'oj mnanyiyaaxëtë ets je'eyë tii të xyajma'ta'atë.

Gálatas 5:15

Ko aak miitsëty kë'ëm mnäykyäy mnätsyu'utsëtë ijxtëm ja tënë'k nyätsyu'uts nyäwyëtsëtën winpity atëjy, kë'ëm nëjkx mnäyajkutëkoyëtë.

Tito 3:3

Tëëyëp näjyëtu'un ijty ntsuu'ajtëmë, ka'ap nmëmëto'owëm ja Dios, tëkoy ijty nyajpatëmë. Ja atsojkën ets mëti'ipë ni'ik ntukjotkëtakëmën yë'ë ijty xyaj'ijtëm ijxtëm ja mëtuunpën ëne'empyë y'ityën. Ëxëëk ijty nja'ay'ajtëmë, ntuk'ëxëëk'ijxëm ijty winë ja nmëku'uk'ajtëmë, ëxëëk ijty nyajpatëmë ets ëxëëk näy'ijxëmë xim yam.

Santiago 3:16

Ko ja'ay tii nyätyukmëku''oy'ixëtë ets aak mëj nyäyajnaxa'anëtë, xit ko'ow je'eyë nyäyajjatëtë ko ëxëëk winë tuntë;

1 Pedro 4:2

ets jyuuky'atëty ijxtëm ja Dios tsokyën mapaat yaa naaxwiiny yajpaatyën ets ka'ap jyëtu'unëty ijxtëm kë'ëm tsokyën.