1 Corintios 3:12 - Biblia Dc en Mixe de Quetzaltepec

¹² Pën jää pën ja potsy yë'ë tukjëjpëja'any ja pu'ts pujxn, ja poop pujxn, tsujëtypë tsaa, kepy, mëëy ëkë waxk aay, ma ya'atë tuunk të tsyo'ontä'äkyën,

Biblia Mixe de Quetzaltepec

¹² Pën jää pën ja potsy yë'ë tukjëjpëja'any ja pu'ts pujxn, ja poop pujxn, tsujëtypë tsaa, kepy, mëëy ëkë waxk aay, ma ya'atë tuunk të tsyo'ontä'äkyën,

1 Corintios 3:12 ပူးပေါင်းရင်းမြစ်များ

Salmos 119:72

Mëët ëjts, ni'ikës njawë tsyowpaaty yë m'ijxpëjkën mëti'ipë mijts mnikäjpxy mnimëtyäkpyën, këtiinëm jyëtu'unëty mëjpë këjääpë wit meeny, ijxtëm pu'ts pujxn poop pujxnën.

Salmos 19:10

Tsoowpatp ni'ik këtiinëm jyëtu'unëty yë pu'ts pujxn. Ni'ik pya'akëty këtiinëm yë jompya'ak.

Éxodo 5:12

Ënet ja Israel ja'ayëty tukye'eyëtyääytyë ja itjot jap Egiptë. Yë'ë y'ëxtaaytyëp yë kepywyäy ets ja mëëy, mëti'ipë yajtunantëpën ets ja mo'onts mëët tukyaj'ooka'antë.

Proverbios 16:16

Jaakni'ik y'oyëty ko wijyajtën yajmëët'aty këtiinëm yë pu'ts pujxn. Jaakni'ik y'oyëty ko tii yajja'akyukë këtiinëm yë poop pujxn.

Proverbios 30:6

Nijënu'un xykyayajni'ikëty ja ayuk mëti'ipë yë'ë të tnikäjpxyën; jä'ä ko jëtu'un xytyunëty, tsojk ëxëëk mtunëtëty ets nëjkx mtijyë win'ë'ëmpë.

Proverbios 8:10

Yë'ë wijyajtën jëtu'un jawëtë, tä yë pu'ts pujxn ets poop pujxn.

Isaías 60:17

Yë'ë nmo'ojäämpy yë pu'ts pujxn tä jeexyë tsyuxk pujxnëtyën, poop pujxn nmo'ojäämpy tä jeexyë jyuunpujxnëtyën, tsuxkpujxn nmo'ojäämpy tä jeexyë kyëpetyën, juunpujxn nmo'ojäämpy tä jeexyë tsyaajëtyën. Ëjts kë'ëm ntuknipëjktaakëjäämpy ets yë'ë m'ënä'ämëtëty ja jotkujk'ajtën, ets mtu'uwinye'eyëtëty ja tëyajtënpë.

Jeremias 23:28

Ko tu'uk yë käjpxynyajxpë wyinkuma'ajëty, wä'än t'ëna'any ko tëë wyinkuma'ay; e pën tëë t'ëxajë yë n'aaw n'ayukës, wä'än mëtëy tnimëtyä'äky. Ka'ap tu'knax tsyowpaaty yë tsajpmok ets nyikepy. Tä jëën tsyä'äyën jëtu'un yë n'aaw n'ayukës yajmëtoy ets tä pujxnka'tsnën mëti'ipë piw nuuk yë tsaa tyuunpyën. Ëjts Wintsën, ëjts ënaanp.

Hechos 20:30

Näy tam jënaakën ma miitsëtyën mëti'ipë nëjkx wyin'ëënyën ets jëtu'un yaj'ixpëka'any ets ja mëpëjkpë pyanëjkxëtëty.

Romanos 16:17

Mëku'uktëjkëty, m'ixtëp mtuntëp ja ja'ay mëti'ipë tyuunk'ajtëpën ja näy'ëxëëk'ixë ets t'ixkukëtë ja tsip. Mëti'ipë jëtu'unpë tyuuntëpën, ka'ap yë'ë jyëtu'unëty ijxtëm ja ijxpëjkën mëti'ipë miits të xynyijawëtën. Nikë oy ko xywyinye'eytyu'utëty.

1 Corintios 3:11

Ni pën mëpaat wiinkpë potsy tkapëjktä'äky ijxtëm ya'atë potsy të tsyo'ontä'äkyën. Jesukristë yajtijp potsy.

1 Corintios 3:13

jäänëm nëjkx yaj'ixy yajnijawë ko ja näpyaye'eyë tyunëtëty pën wi'ixjaty ënety pën të tyuny, jä'ä ko jëën jää nëjkx tyuny ets tyajnikëxë'ëka'any wi'ixjaty ënety pën të tyunyën.

2 Corintios 2:17

Ka'apës ja Dios ja y'aaw y'ayuk nyajtuunëtë etsës ja wit meeny npaatëty ijxtëm may y'ëtë'ëtstën; ni'ikyë ëmuumtu'ukjot nikajpx nimëtya'aktës ja Dios ja y'aaw y'ayuk, ko yë'ë të xykyäxtës ets ko tu'ukyë mëët n'itës ja Kristë.

2 Corintios 4:2

Ka'apës tii ayu'utsy të ntuntë jëtu'un tä jeexyë tii yajtsëtyu'unjawën; ka'apës pën je'eyë të nwin'ëëntë ets ja Dios ja y'aaw y'ayuk të nyajtëkajtsëtë, tëy jaantyës të nnikäjpxy të nnimëtya'aktë mayjyä'äyjoty Dios wyintum.

Colosenses 2:8

Näkyëwent'atëtë këtiipë mwin'ëënëtëty mëti'ipë yaj'ijxpëjktëpën tëkatsy ets je'eyë mwin'ëënëtë; jä'ä ko yë'ëjëty ka'ap ja wyinma'any jam tpëjkta'aktë ma ja Kristën, jam ja wyinma'any tpëjkta'aktë ma ja ja'ay ja jyot wyinma'anyëtyën ets ma ja mëti'ipë mëj këjxm ijtëpën naaxwiiny.

1 Timoteo 6:3

Pën jam pën tyaj'ijxpëky ja wiink ijxpëjkën ets ka'ap tyu'knaxë mëët ja Wintsën Jesukristë ja y'ijxpëjkën ets mëti'ipë ëëtsajtëm nmëpëjkëmën,

2 Timoteo 2:20

Ma tu'uk ja mëj tëjkën, ka'ap jap yi'iyëty yajpaaty yë pu'ts pujxn ets poop pujxn, tap näjyëtu'un kepytyexy, naax texy. Jënaakën mëti'ipë tuunpën jëna'ajëty ets jënaakën mëti'ipë tuunpën xëmë.

2 Timoteo 3:13

E ja ëxëëkja'aytyëjkëty ets ja win'ë'ëmpëtëjkëty ni'ikyë y'o'ktëwa'antë, win'ëënantëp ni'ikyë ets näjyëtu'un yajwin'ëëna'antë.

2 Timoteo 3:7

xëmë yaj'ixtë y'ijxpëktë, je'eyëp ko ka'ap tja'akyukëtë wi'ix ja Dios ja tyiyajtën jya'ëna'anyën.

2 Timoteo 4:3

Jä'ä ko pyatäämpy ja xëëw po'o ko ja ja'ay ka'ap tmëmëta'aka'antëty ja oypyë ijxpëjkën, kyë'ëm tsojkën yajtuna'antëp ets t'ixta'aja'antë kanaakjëjp ja yaj'ixpëjkpëtëjk ets tyuk'ijxpëkëtëty mëti'ipë yë'ë tsyojktëpën.

Hebreos 13:9

Këtii myajwin'ëëntëty mëët ja wiinkëtypë ja ijxpëjkën ets mëti'ipë wiinktsow tso'onpën. Yë'ë ni'ik oy ko amëk jotmëk nyajpatmëty ma ja Dios ja tsyojkën jya'awënën ets këtii ko npatu'unmëty ja ënä'ämën mëti'ipë nyikäjpxypën wi'ix ja ka'ayën ukën mëpaat yajjë'kxy yajpëkyën; jä'ä ko tääpë ënä'ämën ka'ap nimaa tyuny.

1 Pedro 1:7

Jä'ä ko jëtu'un miits ja mëpëjkënëty ijxtëm ja pu'ts pujxnën mëti'ipë jëwyiin nitoopyën ets yaj'ixy pën oy. Ja mëpëjkpë mëti'ipë myëtënääpyën ja ëyo'on jotmay, yë'ë wäänëni'ik tsoowpatp këtiinëm ja pu'ts pujxn mëti'ipë wintëkoopyën; ko miits näjyëtu'un myaj'ijxmatstëty ets xymyëtänëtëty ja ëyo'on jotmay, kumay miits mnaxa'antë, mëj'äämpy ets wyintsë'ëkë ko ënety ja Jesukristë myiny.

Apocalipsis 2:14

E tam wäänë mëti'ipës ka'ap n'oyjyawën ma mijtsën: tam ma mijtsën jënaakën yë ja'ay mëti'ipë ka'ap t'ëxmatstën ja Balaam ja y'ijxpëjkën, mëti'ipë ojts t'akajpxën ja Balac ets ja Israel ja'ay pyokytyuntëty ets tjë'kxtëty ja mëti'ipë yajtukwintsë'këpën ka'apë Tyiosëty ets ko pyokytyuntëty mëët ja wiinkpë to'oxytyëjkëty.

Apocalipsis 21:18

Ja potsy, yë'ë mëët y'oytyunyëty yë nëëtë'kxy tsyaa ets ja kajpn aak pu'ts pujxn mëët y'oytyunyëty ijxtëm yë ijxnën tëëpë wyä'ätsyën.

Apocalipsis 3:18

Paaty mijts nkajpxwijy ets xyjyuyëty ma ëjtsën ja pu'ts pujxn tëëpë wyinkë'ëyën jap jëënjoty ets myajtijëty kumeenyjyä'äy; ets ma ëjtsën xyjyuyëty yë poop wit ets mnätyukxoxëtëty këtiipë niwa'ats ëxwa'ats myajpaatëty, jëtu'un xywyitnijuuxëty mëti'ipë myajtsëtyuunëpën; ets näjyëtu'un xypaatëty ja wiin tsooy ets ka'ap m'ëk ijnëty wiintsën.