1 Corintios 3:10 - Biblia Dc en Mixe de Quetzaltepec

¹⁰ Ëjts jëtu'unës të ntuny ijxtëm tu'uk yë pojtspën, maas ja Dios të xypyëjktä'äkyën ets ja potsy ëjx nyajtso'onta'akëtyës ets ja wiinkpë të myintë mëti'ipë të tjëjpëtën. Je'eyëp ko nitu'ukjaty mëk ja tyuunk tkëwent'atë.

Biblia Mixe de Quetzaltepec

¹⁰ Ëjts jëtu'unës të ntuny ijxtëm tu'uk yë pojtspën, maas ja Tios të xypyëjktä'äkyën ets ja potsy ëjx nyajtso'onta'akëtyës ets ja wiinkpë të myintë mëti'ipë të tjëjpëtën. Je'eyëp ko nitu'ukjaty mëk ja tyuunk tkëwent'atë.

1 Corintios 3:10 ပူးပေါင်းရင်းမြစ်များ

2 Crónicas 2:12

Ets ëpëky, ja aaw ayuk tjaaknikajpxëy ets y'ënäny: Kënu'kxy mëjjawë y'ity yë Wintsën, mëti'ipë y'ëwtajtëpën yë Israel ja'ayëty, mëti'ipë yajkoj pyëjktakën ja tsajp ets naaxwiinyëtë, jä'ä ko tëë tmo'oy yë yajkutujkpë David, tu'uk myaank mëti'ipë wijyën kujkën ets nyija'ap winë, mëti'ipë tyam tyuknipëjktakëpën tkoja'any tu'uk yë tsajptëjk, mëti'ipë tyukmëyoxäämpyën yë Wintsën ets näjyëtu'un tkojja'any tu'uk yë kutujkëntëjk ma y'ënä'äm yajkutukëtyën yë'ë kë'ëm.

Éxodo 36:4

Ja tuunpëtëjkëty mëti'ipë yaj'o'oyëtëpën tiijaty jam tunaanpën ma tsajptëjkën ojts ja tyuunk t'ëxmatstë ets ojts tninëjkxtë ja Moisés,

Proverbios 12:8

Yë'ë muum yë ja'ay yajtuk'oyjya'ap ko wyijyëty kyujkëty; e yë ja'ay mëti'ipë winma'anytyukën, ixtijy ëxwa'any nyäxy.

Proverbios 9:1

Ja ixpëkyajtën ojts ja tyëjk tkojy, ets tpëjktäky wëxtujk yë nyixeny.

Eclesiastés 12:9

Ko ja kë'ë ëmaaypyë tjak ni''ijxpëjkëy winë, ni'ik ojts winë tkajpxwä'kxy ma ja ja'ayën. Ojts näjyëtu'un may ja aaw ayuk tmä'kxy mëti'ipë juukyajtën nyimëtyäkpyën ets t'oytyuuntaay ijxtëm oy yajmëtowëtyën.

Daniel 12:3

Ja wijyjyä'äytyëjkëty, mëti'ipë ojts may ja ja'ay oy tu'uwinwowtën, jëtu'un nëjkx tyë'kxtë jyajtë ja niwits nijuuxën, ja tsajp; xëmëkyëjxm nëjkx yaj'ixtë mëtsa'ajën.

Zacarías 4:9

Yë Zorobabel yë'ë të tyajtso'ontä'äky ya'atë tuunk ma ja tsajptëjk kyojyën ets nän yë'ë nëjkx tyajwintu'upëky. Jëtu'un xynyijawëtëty ko yë Wintsën mëti'ipë maaytyääyëpën winë yë'ëjës të xykyexy.

Mateo 24:45

¿Pën jëtää ja tuunk oy y'ëkmëpëtsëmëp? ko ja Wintsën tyajwë'ëmëty tu'uk ja tyuunpë ma ja tyëjkën mëti'ipë yajja'akyäyëpën tiempëpaaty.

Mateo 7:24

Paaty n'ënëëmëtë, pën y'amëtoow'ijtypyën ëjts ja n'ayuk ets tpatuny mëti'ipës nkäjpxypën, jëtu'un jä'ä ijxtëm ja ja'ay wijypyë kujkpën mëti'ipë ja tyëjk kyojën ets tsaakëjxy tpojtsë'ky.

Lucas 11:35

Näkyëwent'atëtë këtiipë pyi'itsëty ja kutë'kxn mëti'ipë mmëët'ajtëpën.

Lucas 21:8

Ets ja Jesús y'ënäny: Näkyëwent'atëtë ets këtii pën mnätyukwin'ëënëtëty. Yë'ë ko nimay ja ja'ay myina'antë ets y'ëna'ana'antë: Ëjts jëtu'un Kristë ets Tëë ja tiempo tpatnë. Miitsëty këtii xymyëpëktëty.

Hechos 18:27

Ko ja Apolo nyëjkxany jam Acaya, ënät ja mëpëjkpëtëjk ojts jyotmëkwinkajpxëty ets nyëjkxëty jam, ets tnija'ayëtë ja mëpëjkpëtëjk ets oy tsuj tkupëktëty ja Apolo. Ko ja Apolo jam jyä'äjty, ojts mëkk tputëkë ja mëpëjkpëtëjkëty, mëti'ipë ënety ja Dios të tsyokëtën.

Romanos 1:5

Jesukristë mëyajtën të tuny etsës të xyajnaxy oy ayukkajpxwa'kxpë, jëtu'unts oymyaatsowëty ja ja'ay tmëpëktëty ja Jesukristë ets tmëmëtowtëty.

Romanos 12:3

Jä'äkyëjxm ko ja Dios ja mëyajtën të tuny ma ëjtsën, paaty miits nëëmëtë ko ka'ap je'eyë mnämyëmay mnämyëtajëtëty ets mnämyëjpëjkta'akëtëty. Yë'ë mëmay mëët'ajtëp wi'ix ja Dios të mmo'ojëtën ja wijyajtën kejyajtën mëët ja mëpëjkën.

Romanos 15:15

Paaty miits tyam ya'atë noky ntuknijayëtë ets ntukja'amyätstë. Jä'äkyëjxmës jëtu'un ntuny ko ja Dios të xytyuknipëkyës mëët ja y'oyjyot y'oywyinma'any

Romanos 15:20

Xëmës ntsoky etsës nkajpxwa'kxëty ja oy aaw oy ayuk ma ka'anëm yajnijawën ja Kristë. Ka'apës jyamëty të ntëkë ma ja ja'ay të yajtuk'ëwaanëtën ja Kristë këtiipës nyajpaatëty jëtu'un ijxtëm ja ja'ayën mëti'ipë jyëjpkojëpën tu'uk ja tëjkkojtuk ma wiink ja'ay të tkojtso'ontä'äkyën.

1 Corintios 3:11

Ni pën mëpaat wiinkpë potsy tkapëjktä'äky ijxtëm ya'atë potsy të tsyo'ontä'äkyën. Jesukristë yajtijp potsy.

1 Corintios 9:2

Wä'än jëtää ja wiinkpë ka'ap xy'ixkaptës koos n'ayuk kajpxwa'kxpëty, e miitsëty xynyija'awëtëp jä'ä ko tëë xymyëpëktë ja Wintsën ko të ntuk'ëwaanëtë, yë'ë yajtuknija'ap koos n'ayukkajpxwä'kxy.

2 Corintios 10:15

Ka'apës yë'ëjëty ntukxoonta'aktë ja tuunk mëti'ipë wiinkëtypë të tuntën, yë'ëjës njëjp'ijxtëp ets miits mwinpätëty mëpëjkënkyëjxm etsës njaaktuntëty mëët miitsëty ijxtëm ja Dios tsokyën.

Efesios 2:20

Jëtu'un miitsëty ijxtëm ja potsyën; ets ja ijxpëjkpëtëjk ets ja Dios ja kyäjpxynyajxpëtëjk jëtu'un ijxtëm ja potsy ëjxën; ja Jesukristë yë'ë jëtu'un ijxtëm ja tsaajën mëti'ipë ja potsy myëtënääpyën.

Colosenses 1:29

Paatyës mëk ntuntë ets npajotëkoytyës mëët ja mëjaaw mëk'ajtën mëti'ipës ja Kristë xymyooytyëpën.

Colosenses 4:17

Tukmëmëtya'aktë ya'atë yë Arquipo: Kä'pxy xypyatunëty ja mtuunk ijxtëm ja Wintsën të mtuknipëkyën.

1 Tesalonicenses 3:2

ets nkäjxtës ja nmëku'uk'ajtëm Timoteo, mëti'ipë Dios myëtuumpyën ets mëti'ipës mëët nkajpxwä'kxtën ja aaw ayuk oypyë ma Kristë yajnimëtyä'äkyën. Paatyës nkäjxtë ets nëjkx mku'ixëtë, mjotmëkwinkajpxëtë wi'ix tu'ukyë ja mëpëjkën xymyëët'attëty,

1 Timoteo 4:16

Mnäkyëwent'atëtëp kë'ëm ets mëk xykyëwent'atëty mëti'ipë ja'ay mtuk'ijxpëjkpyën ets jotkujk myajpaatëty. Pën mtuumpy jëtu'un, mpaatëp ja nitsokën ets myajnitso'okëp ja mëti'ipë ënety mëtoow'ijtëpën.

2 Timoteo 2:15

Tun tu'kë'ëyë mëti'ipë Dios y'oyjya'apën mapaat mmëtä'äkyën, jëtu'un ijxtëm tu'uk yë ja'ayën tëëpë Dios y'ëxajëtyën, ijxtëm tu'uk yë mëtuunpën ka'apë tii tmëët'atyën tii nyatuktsëtyunëp, mëti'ipë ja tëyajtën nyikäjpxyp nyimëtyäkpyën.

Santiago 3:1

Mëku'uktëjkëty, ka'ap may xymyëët'atëty ja yaj'ijxpëjkpë. Tëë xynyijawëtë ko ëëtsëty nyaj'ijxpëktë wäänë ni'ikës nyajtukumëtowa'antë koos ënety tii oy nkayaj'ijxpëktë.

1 Pedro 4:11

Pën jää pën kyäjpxy myëtyä'äky, jëtu'un kyajpxëty ijxtëm ja Dios ja y'aaw y'ayuk y'ënä'änyën. Pën jää pën myëku'uk tii tukputëkëja'any, yajtunëp ja myëjaaw mëti'ipë ja Dios mooyëpën. Tu'kë'ëyë tiijaty mtuuntëp mkajpxtëp, tuntë winë ijxtëm mëpaat ja Dios yajmëjjaw yajjaantyjawën ma ja Jesukristë ja xyëëwën, mëti'ipë ijta'ayxyëyëp ja mëj'ajt oyajtën. Jëtu'un y'itëty.

2 Pedro 3:15

Ja'aykyukëtë mëtoowkukëtë ja Dios ja myä'kxtujkën ko kyatsojkminy, yë'ë jëtu'un jyatuumpy ets ja nitsokën ni'ëmukë npatmëty, ijxtëm näjyëtu'un ja nmëku'uk'ajtëmën Pablo të mnijayëtën mëët ja wyijy'ajtën kyejyajtën mëti'ipë Dios të mye'eyën.

Apocalipsis 21:14

Ja potsy mëti'ipë nyapots'ajtypyën ja kajpn, majkmäjtsk ja tsaa tmëëtëty mëti'ipë y'ëjx'ajtypyën. Japts kyuja'ayëty ja Jesús ja y'ijxpëjkpëtëjk ja xyëëwëty.

Apocalipsis 21:19

Ja tsaa mëti'ipë y'ëjx'ajtypyën ja potsy, aak oypyë tsaa mëët y'oytyunyëty: Ja mëtu'ukpë yë'ë mëët ja nëtë'kxy tsyaa, ja mëmäjtskpë yë'ë mëët ja tsuxk uky tsyaa, ja mëtëkëëkpë yë'ë mëët ja yëktsapts tsaa, ja mëmajktaxkpë yë'ë mëët ja tsuxktsaa,