1 Corintios 2:7 - Biblia Dc en Mixe de Quetzaltepec

⁷ Yë'ë yajtijp ja Dios ja wyijy'ajtën kyejyajtën mëti'ipë ijty kayajnija'apën, mëti'ipë ja Dios tyuknipëjktakëyën tëëyëp ma ja naaxwiinyëtë ënety ka'ap tyajkojynyëmën ets ëëtsajtëm ntuk'oy'ajtmëty.

Biblia Mixe de Quetzaltepec

⁷ Yë'ë yajtijp ja Tios ja wyijy'ajtën kyejyajtën mëti'ipë ijty kayajnija'apën, mëti'ipë ja Tios tyuknipëjktakëyën tëëyëp ma ja naaxwiinyëtë ënäty ka'ap tyajkojynyëmën ets ëëtsajtëm ntuk'oy'ajtmëty.

1 Corintios 2:7 ပူးပေါင်းရင်းမြစ်များ

Salmos 78:2

Yë'ëjës yam nkajpxäämpy nmëtya'akäämpy yë winma'any tsipë etsës yam nikajpxa'any tëkokyë mëti'ipë yu'utsy'ijtpën, mëti'ipë ka'ap pën të tnijawën tëëyëp ets tyampaat.

Mateo 11:25

Näy jä'ä xëëw ja Jesús y'ënäny: Tatë, nmëjja'ap nkënu'kxyjya'ap mijts; tsajpjotmëpë ets naaxwiinypë Wyintsën'atyën, jä'ä ko tëë ja ja'ay yu'unkpë naxymyëpë jyuuky'atën xytyuknijawë ja winma'any tsippëpë, ja winma'any mëti'ipë të xytyukwinkuyu'utsyën ja ijxpëkyjyä'äytyëjkëty ets wijyjyä'äytyëjk.

Mateo 13:35

Paaty ya'atë tyuunë jyajtë ets y'atëwëty mëti'ipë Dios tyukkajpxnajxën ja kyäjpxynyajxpëtëjkëty: Mëëtës yë Ijxpät nmëtya'aka'any; nikajpxëpës mëti'ipë ka'anëm yajnijawën ko naaxwiinyëtë tsyo'ontäky ets tyampaat.

Romanos 11:25

Mëku'uktëjkëty, yë'ëjës ntsojkpy ets miits xynyijawëtëty mëti'ipë ijty ka'ap yajnijawën, jëtu'unts ka'ap mnämyëjpëjkta'akëtëty. Yë jutiis ja'ay juun yë y'aaw jyot të tpëjkta'aktë, ka'ap yë Dios të tmëmëtowtë, jëtu'un y'ita'antë koonëm tpata'atëty ja oyajtën mëti'ipë ka'ap jyutiis'atën.

Romanos 8:29

Mëti'ipë tëëyëp ja Dios y'ixy'äjtypyën ets ojts tuknipëjktaakë ko t'u'unk'ata'any; jëtu'un ja y'u'unk mëj y'itëty ma nimay ja myëkä'äxtëjkën.

Romanos 8:30

Mëti'ipë ja Dios tëëyëp wyin'ijxën tëë ja tmëkäjpxy; mëti'ipë ojts tmëkäjpxyën ojts wa'ats tyajnaxy ets mëti'ipë wa'ats yajnajxën ojts mëj'äämpy tpëjktä'äky.

1 Corintios 2:1

Mëku'uktëjkëty, koos ojts jam n'otsy ma miitsëtyën ets ntukmëmëtyaktë ja Dios mëti'ipë ijty ka'ap yajnijawën, ka'apës ojts nyajtuny ja aaw ayuk tsipëtypë.

Efesios 1:4

Dios të xywyin'ijxëmë ko ja Kristë të nmëpëjkëmë naamka'anëm ënety ja naaxwiinyëtë tsyo'ontä'äkynyëm ets jëtu'un wa'ats n'ijtmëty wyintuuy mëët ja tsyojkën jya'awën.

Efesios 3:10

Jëtu'un'äämpy tyam, mëët ja mëpëjkpëtëjkëty, nijawëtëty ja tsajpjotmëpë yajkutujkpëtëjk ja Dios ja wyijy'ajtën kyejyajtën mëti'ipë kanaakjëjp nikëxë'kpën.

2 Timoteo 1:9

Dios të xyajtsokëm ets të xywoowtso'owëm tääts npatmëty ja juukyajtën wa'atspë, ka'ap yë'ëkyëjxmëty ko tii oy ntu'unëm, yë'ë ko jëtu'un tëëyëp tuknipëjktaakë mëët ja Kristë Jesús.

Hebreos 1:2

Tyam ma kyëxanën ja xëëw jëmëjt, tëë xymyëkajpxëmë mëët ja y'U'unk, mëti'ipë ojts mëët tyajkojyën ja naax tsajp, mëti'ipë të tukumaaytyä'äyën winë.

Hebreos 11:3

Mëpëjkën ojts mëët nnija'awëmë ko ja Dios ojts tyajkojy ja naaxwiinyëtë mëët ja y'aaw y'ayuk, paaty mëti'ipë tyam n'ijxëmën, ka'ap ijty tëëyëp yaj'ixy ma ka'ap kyojynyëmën.

1 Pedro 1:11

Ja Kristë ja myëk'ajtën yë'ë ijty tyuknija'ap ja käjpxynyajxpëtëjk wi'ix ja Kristë y'ëyowa'anyën ets ja mëj'ajtën oyajtën mëti'ipë ok minaanpën; yë'ëjëty ojts tjanijawëja'antë ja xëëw po'o jëna'a jëtu'un jyata'any kyëpäta'any mëti'ipë ja Kristë ja myëk'ajtën ënety jyanikäjpxypën.

1 Pedro 5:1

Nkajpxwijäämpyës tyam ja mëjja'aytyëjkëty ma miits jam mye'eymyuktën, ëjts mëja'aynyës näjyëtu'un ijxtëm yë'ëjëtyën ets n'ijxës ja Kristë ko y'ëyooy; xypyatpës näjyëtu'un tä yë'ëjëtyën ja mëj'ajtën oyajtën mëti'ipë ok nikëxë'ëkaanpën.

1 Pedro 5:10

E ko ënety të m'ëk'ëyowtë, ko wäänë ja tiempo nyaxëty, ënät ja Dios mpokymyä'kxa'anëtë ets jotmëk m'itëty ets mëtëy winë xytyuntëty. Yë'ë ja Dios mëti'ipë të xyaxtso'owëmën ets xëmëkyëjxm nyajpatmëty mëët ja Kristë.

2 Pedro 1:3

Mëët ja Dios ja myëk'ajtën, tëë xymyo'oyëmë tëkokyë mëti'ipë nyajmëyajtëmën ets ntukjuuky'ajtmëty ijxtëm tsokyën, ets n'ixy'ajtmëty ja mëti'ipë të xymyëkajpxëmën mëët ja myëj'ajtën kyutujkën ko winë të tyaj'ixyë.

Apocalipsis 13:8

Ja naaxwiinyëtë ja'ayëty wyintsë'ëkëjantëp ja mëj jëyujk, mëti'ipë ja xyëëw ka'ap jap myintën kuja'ay ma ja nokyën mëti'ipë myë'ijtypyën ja Kupixyny U'unk ja jyuukyajtën, mëti'ipë ja ja'ay yajkruuts päjtën.