1 Corintios 2:4 - Biblia Dc en Mixe de Quetzaltepec

⁴ Ko miits ja Dios ntukmëmëtyaktë ets ntukmëpëkantë, ka'apës ojts nyajtuny ja aaw ayuk këjxmëtypë ëkë tëkatsyëtypë. Yë'ë ojts ntuk'ixtë ja Dios ja myëk'ajtën jyääntyajtën,

Biblia Mixe de Quetzaltepec

⁴ Ko miits ja Tios ntukmëmëtyaktë ets ntukmëpëkantë, ka'apës ojts nyajtuny ja aaw ayuk këjxmëtypë ëkë tëkatsyëtypë. Yë'ë ojts ntuk'ixtë ja Tios ja myëk'ajtën jyääntyajtën,

1 Corintios 2:4 ပူးပေါင်းရင်းမြစ်များ

Proverbios 20:19

Ja'ay mëti'ipë winë poj'am yajnajxypyën, ka'ap tukjaty wi'ix winë yu'utsy tmëët'atëtyën, paaty këtii jëtu'unpë ja'ay mëët mnämyäyëtëty.

Proverbios 7:21

Mëët yë'ë ko yajmëtoy janty'oy kyäjpxy myëtyä'äky ets ko jyänty wyoy jyänty wyity, ojts ja yä'äy ëna'k tukupëky.

Jeremias 20:10

Nmëtoopyës ko ja'ay ame'tsyë myëtya'aktë ets y'ëna'antë: kutsë'ëkë yajpaaty oymyaajëty. Ënet y'ëna'antë: Mintë, tsojk npoky'ixta'ayëmë. Yë'ëpaat mëti'ipës mëët oy nämyäyën näjyëtu'un t'ëwxitë jëna'ajës muum n'ëktëkoy. Jëtu'un y'ëna'antë: Jääpëk jeexyë y'ëkyajwin'ëëny; tääts nmëmëtakmëty ets ëxëëk ntu'unmëty.

Ezequiel 13:6

Mëti'ipë wyin'ijxtëpën ka'ap myëtëyëty ets mëti'ipë y'akajpxtëpën ka'ap jyääntyëty. Jëtu'un y'ëna'antë koos xynyikajpx xynyimëtyaktëp, ka'ap y'ëjtsëty nkäxtë. Y'ëwxijtëp ets y'atëwëty yë y'aaw y'ayukëty.

Hechos 20:27

jä'ä ko tëë xëmë ntuk'ëwaanëtë mëti'ipë ja Dios tsyojkpyën, ka'apës tii të nkuyu'utsy.

Hechos 26:28

Tääts ja yajkutujkpë Agripa y'ëtsooy: Jëtu'un mmay mtajy ¿ko poj'amës mijts xyajmëpëka'any ma Kristënë?

Romanos 15:13

Ja Dios, mëti'ipë njëjp'ijxëmën, wä'än yë'ë ni'ëmukë mmo'ojëtë ja xoontakën ets ja jotkujk'ajtën mëët ko yë'ë xymyëpëktë ets wä'än mmo'ojëtë ja jotkujk'ajtën mëët ja myëk'ajtën ja Kënu'kxymyëkajtën.

Romanos 15:19

ets mëët yë myëk'ajtën ja Kënu'kxymyëkajtën ko yajtuny ja mëj'ajtën. Jëtu'unës të nkajpxwä'kxy ja oy aaw oy ayuk ma ënety ka'anëm ja Kristë yajnimëtyä'äkyën, jam Jerusalén ets Lirië y'itjotm.

Romanos 16:18

Ka'ap yë Wintsën Jesukristë yë'ëjëty tmëtuntë, kyë'ëm tsojkën yë'ë myëmaay myëtajtëp ets ja ja'ay twin'ëëntë ko janty yujy janty tëtä'äky myëtya'aktë; yë'ë wyin'ë'ëntëp mëti'ipë ka'ap oy tnijawëtën tii ja Dios tsyojkpyën.

1 Corintios 1:17

Ka'ap ja Kristë ojts xykyexyës yajnëëpäjtpë, yë'ëjës xytyuknikäjx etsës nkajpxwa'kxëty ja oy aaw oy ayuk, ka'ap myëëtëty yë naaxwiinyëtë ja'ay wyijajtën, këtiipë ja Kristë wyë'ëmëty tukxi'iky ko të y'ooky kruutskëjxm.

1 Corintios 2:1

Mëku'uktëjkëty, koos ojts jam n'otsy ma miitsëtyën ets ntukmëmëtyaktë ja Dios mëti'ipë ijty ka'ap yajnijawën, ka'apës ojts nyajtuny ja aaw ayuk tsipëtypë.

1 Corintios 2:13

Yë'ë nimëtyakëm ja aaw ayuk mëti'ipë ja Dios ja Jya'awën të xytyuknija'awëmën, ka'ap yë'ëty ja naaxwiinyëtë y'ijxpëjkën të xytyuknija'awëm. Jëtu'un ja ja'ay ntukmëmëtyakmëty ja Dios ja y'aaw y'ayuk mëti'ipë ja Kënu'kxymyëkajtën myëët'ajtëpën.

1 Corintios 4:20

Jä'ä ko yë Dios yë kyutujkën ka'ap je'eyë yaj'ixkäjpxy, mëk'ajtën mëët yë tyuny.

2 Corintios 6:6

Näjyëtu'unës të nyajnikëxë'ëktë ko wa'ats aaw wa'ats jotës të njuuky'atë, koos nijawëtë ja tëyajtën, ko yajmëët'aty ja mä'kxtujkën ets ja oyjyot oywyinma'any; ko yajpaaty ja Kënu'kxymyëkajtën ma ëëtsëtyën, mëët ja tsojkën ja'awën winë aaw winë jotpë.

Gálatas 1:10

Ëjts ka'apës yë'ëjëty n'ixta'ay etsës yë ja'ay xykyumayëty, yë'ëjës ntsojkën'ajtyp etsës yë Dios xykyumayëty. Ka'apës yë'ëkyëjxmëty winë ntuny ets naaxwiinyëtë ja'ay xy'oyjyawëtyës. Koos jeexyë ëjts oy nwë'ëma'any ma naaxwiinyëtë ja'ayëtyën, ka'ap ënety ja Kristë ëjts xy'ëktuunpë'ajnë.

Colosenses 2:4

Paaty miits ya'atë ntuk'ëwaanëtë ets ka'ap pën mwin'ëënëtëty mëët ja aaw ayuk mëti'ipë oy tsuj je'eyë yajmëtoopën.

1 Tesalonicenses 1:5

paaty ko ojts miits ntuk'ëwaanëtë ja oy aaw oy ayuk, ka'ap ojts je'eyë nwinmëtya'aktë, ja Dios yë myëjaaw myëk'ajtën ets ja Kyënu'kxymyëk'ajtën ojts xyajtuntës ets tsyojkën jya'awën. Wa'ats miits xynyijawëtë wi'ixës ojts winë ntuntën ma miitsëtyën ets xytyuk'oy'attëty.

1 Pedro 1:12

Dios tyuk'ijx tyuknija'awëy ja kyäjpxynyajxpëtëjk ko ka'ap yë'ëjëty tuk'oy'ata'antë mëti'ipë kyajpxwa'kxtëpën, miits mtuk'oy'atantëp. Tëë ënät tyam miits xy'ixtë xypyaatë mëti'ipë ojts yë'ë tkajpxwa'kxtën ko ojts yajtuk'ëwaanëtë ja aaw ayuk oypyë Kënu'kxymyëkajtën mëët mëti'ipë tsajpjotm tso'onpën. Kukäjpxy paat ojts jëtu'unpë tjanijawëja'antë.

2 Pedro 1:16

Ja ijxpëjkën mëti'ipë tmooytyën ko ja Wintsën Jesukristë myina'any yaa naaxwiiny jatëkok mëët ja myëk'ajtën, ka'apës kë'ëmwinma'any ojts nma'kxtë etsës jëtu'un n'ëna'antëty, nwiinës mëët ntimy'ijxtë ja Wintsën ja myëj'ajtën jyääntyajtën.

2 Pedro 2:18

Amëj akëjxm tii tkajpxtë mëti'ipë ka'ap tyunyën, wyin'ë'ëntëp ja ja'ay ko y'ëna'antë ko ka'ap pyokyëty ko ja'ay kyë'ëm winma'any tyajtuny. Jëtu'un ja ja'ay tyajpokytyuntë tyam ënety jemnyëm t'ëxmatstë ja ëxëëk juukyajtën.

Jueces 14:15

Paaty ojts tninëjkxtë ja Sansón ja tyo'oxytyëjk ma tyaxkxëëpetyën ets t'ënëmaaytyë: Ënëëmë yë mniye'etyëjk ets tnikajpxëty tiitën jyatijäämpy. Jä'ä ko pën ka'ap tnikäjpxy mnitoyëp yam mijts ets näjyëtu'un yë mteety mtaak. Jëtu'un yajja'akyukë ko je'eyë yowë yajxon të xynyimay të xynyitajëtë ko yaa xywyowa'antës ets xypyëjkëja'antës mëti'ipës njä'ä'ajtëpën.

Jueces 16:5

Ko ja ja'ayëty tnija'awëtyë mëti'ipë ënety jam mëj'äämpy ijtëpën ma tampë ja filistejë kajpnën, ënät ojts tninëjkxtë ja Dalila ets t'ënëmaaytyë: Win'ëën yë Sansón ets tuknikajpx ma myëjaaw tpëky ets wi'ix mëpaat nmëmëtakëmën ets ntsu'umëty nmajtsmëty. Ko jëtu'unpë ja tuunk xytyunëty nëjkxëp myajmëjuy, nitu'ukjaty ëëts nyaktëty yë poop pujxn meeny tu'kmiljaty.