1 Corintios 2:1 - Biblia Dc en Mixe de Quetzaltepec

¹ Mëku'uktëjkëty, koos ojts jam n'otsy ma miitsëtyën ets ntukmëmëtyaktë ja Dios mëti'ipë ijty ka'ap yajnijawën, ka'apës ojts nyajtuny ja aaw ayuk tsipëtypë.

Biblia Mixe de Quetzaltepec

¹ Mëku'uktëjkëty, koos ojts jam n'otsy ma miitsëtyën ets ntukmëmëtyaktë ja Tios mëti'ipë ijty ka'ap yajnijawën, ka'apës ojts nyajtuny ja aaw ayuk tsipëtypë.

1 Corintios 2:1 ပူးပေါင်းရင်းမြစ်များ

Éxodo 4:10

Ay Wintsën. Jëtu'un y'ëtsooy ja Moisés. Ëjts nijënu'unës nkatukjaty nkajpxëty ets ko jyëtu'unëty ka'ap tyamnëmëty maas yam mijts jëtu'un xymyëkäjpxyën, ëjts jëtu'unyëmës ka'ap oy n'ëy nkäjpxy, koos ënät ëjts njaakajpxpë, je'eyës nëkoo ntyäty y'awë'ëmë.

Isaías 8:20

Wä'än jëtää jëtu'un y'ëna'antëty, je'eyëp ko ja mëti'ipë ënety nyikajpxtëpën, aakjä'ä ka'apë tyunëtyën.

Hechos 20:21

Wä'än tjutiis ja'ayëty tkajutiis ja'ayëty, ni'ëmukës të nëëmëtë ets mwinpitëty ma Tiosën, xy'ëxmatstëty ja ëxëëk winma'any ets xymyëpëktëty ja Wintsën Jesús.

Hechos 22:18

N'ijxyës ja Wintsën ets xynyëmaayës: Jotëkoy ets mpëtsëmëty yaa Jerusalén. Ka'ap yë ja'ay tmëpëka'antë koos mijts xyjyanikäjpxy xyjyanimëtya'akëty.

Romanos 16:18

Ka'ap yë Wintsën Jesukristë yë'ëjëty tmëtuntë, kyë'ëm tsojkën yë'ë myëmaay myëtajtëp ets ja ja'ay twin'ëëntë ko janty yujy janty tëtä'äky myëtya'aktë; yë'ë wyin'ë'ëntëp mëti'ipë ka'ap oy tnijawëtën tii ja Dios tsyojkpyën.

Romanos 16:25

Nmëjja'aw njaantyjya'awëm ja Dios. Wä'än yë'ë mputëkëtë ets tu'ukyë xymyëpëktëty ja oy aaw oy ayuk mëti'ipës të nkajpxwä'kxyën. Näy yë'ë mëti'ipë ja Dios ja ja'ay tyuknija'awëyën mëti'ipë ijty kayajnija'apën ma kanaak xëëw kanaak jëmëjt të y'ityën,

1 Corintios 1:17

Ka'ap ja Kristë ojts xykyexyës yajnëëpäjtpë, yë'ëjës xytyuknikäjx etsës nkajpxwa'kxëty ja oy aaw oy ayuk, ka'ap myëëtëty yë naaxwiinyëtë ja'ay wyijajtën, këtiipë ja Kristë wyë'ëmëty tukxi'iky ko të y'ooky kruutskëjxm.

1 Corintios 1:6

Jä'ä ko tëë yajxon ja Jesukristë ja y'aaw y'ayuk xymyëpëjkëtë.

1 Corintios 2:13

Yë'ë nimëtyakëm ja aaw ayuk mëti'ipë ja Dios ja Jya'awën të xytyuknija'awëmën, ka'ap yë'ëty ja naaxwiinyëtë y'ijxpëjkën të xytyuknija'awëm. Jëtu'un ja ja'ay ntukmëmëtyakmëty ja Dios ja y'aaw y'ayuk mëti'ipë ja Kënu'kxymyëkajtën myëët'ajtëpën.

1 Corintios 2:4

Ko miits ja Dios ntukmëmëtyaktë ets ntukmëpëkantë, ka'apës ojts nyajtuny ja aaw ayuk këjxmëtypë ëkë tëkatsyëtypë. Yë'ë ojts ntuk'ixtë ja Dios ja myëk'ajtën jyääntyajtën,

1 Corintios 2:7

Yë'ë yajtijp ja Dios ja wyijy'ajtën kyejyajtën mëti'ipë ijty kayajnija'apën, mëti'ipë ja Dios tyuknipëjktakëyën tëëyëp ma ja naaxwiinyëtë ënety ka'ap tyajkojynyëmën ets ëëtsajtëm ntuk'oy'ajtmëty.

2 Corintios 10:10

Jä'ä ko tam mëti'ipë ënaanpën: Yë Pablo nëkoo y'ëk'ënä'ämnë mëët yë noky, koos muum nyajpaaty ka'apës pën tii ntuk'atsip'aty ets ka'apës pën tii atsip ntuktuny.

2 Corintios 11:6

Oyës nyajtijy koos n'awë'ëmë, nija'apës mëti'ipës nikäjpxypën. Miitsëty tëë wa'ats ntuk'ix ntuknijawëtë wi'ixës winë të ntuntën.

2 Tesalonicenses 1:10

Jëtu'un jyata'any jä'ä xëëw ko ënety ja Wintsën myiny, ko jyä'äy myëjjaw jyääntyjawëtëty ets tyukxoonta'akëtëty ni'ëmukë. Jam miits näjyëtu'un myajpaatëty, jä'ä ko tëë xymyëpëktë mëti'ipës të nkäjpxy të nmëtya'aktën.

1 Timoteo 1:11

Ya'atë mëtëypyë ijxpëjkën yë'ë mëët nyäpyäätyë ja oy aaw oy ayuk mëti'ipës të xytyuknipëkyën ja Dios kënu'kxypyë.

2 Timoteo 1:8

Këtii mtsëtyunëty ko ja Jesukristë xynyikajpx xynyimëtya'akëty ets ëjts nän këtiis xytyuktsëtyunëty koos yap tsumy nku'itë ja Wintsën. Nikë yë'ë mmëmay mmëtaj ja mëk'ajtën mëti'ipë ja Dios mmooyëpën ets xymyëmëta'akëty ja ëyo'on jotmay mëti'ipë mpatypyën mëët ko ja oy'aaw oy'ayuk të xypyääty.

1 Juan 4:14

Tëë kë'ëm n'ijxëmë, paaty nikajpxëmë ko ja Dios Teety ja y'u'unk të tkexy ets ja naaxwiinyëtë ja'ay të tyajnitso'oky.

Apocalipsis 1:2

ets të tnikäjpxy tëkokyë mëti'ipë të t'ixyën, ets ko yë'ë wa'ats nyija'ap ja Dios ja y'aaw y'ayuk mëti'ipë ja Jesukristë nyimëtyakën.

Apocalipsis 1:9

Ëjts Juan, miits yë mmëku'ukëty, ets koos tu'ukyë nyajpaaty mëët yë Jesús, xypaat'ajtpës mëët miitsëty ja Dios ja kyutujkën, ma n'ëyo'onpatëmën ets ma akujky jotkujk n'ijtëmën ets tu'ukyë jotmëk nyajpatmëty. Jä'äkyëjxm koos ja Dios ja y'aaw y'ayuk të nimëtyakë mëti'ipë ja Jesús ojts nimëtyä'äkyën, jamës ënety nyajpaaty Patmos, ma tu'kkëëyi'ikpyën ja naax jam mejyjyotm.

Apocalipsis 19:10

Täätsës nnäkyoxtënaaytyakë tsajpjotmëtë kukäjpxy wyintum ets nwintsë'ëkëja'anyës e yë'ë je'eyës xynyëmaay: Këtii jëtu'un m'ëtë'ëtsy. Tiosës näjyëtu'un xytyuunpë'ajtp, ijxtëm mijtsën ets ijxtëm ja mmëku'uktëjkën mëti'ipë pyanëjkxtëpën ja aaw ayuk mëtëypyë, mëti'ipë ja Jesús kyajpxwa'kxën. Winjawë wintsë'ëkë ja Dios y'itëty. Ets jyaak'ënany: Ya'atë tëyajtën, yë'ë ja Dios ja kyäjpxynyajxpëtëjk winma'anymyooyë.