1 Corintios 16:6 - Biblia Dc en Mixe de Quetzaltepec

⁶ Wä'än nëjkx jeky nyajpaatyës ma miitsëtyën, ëkë nyajnaxëtyës jam ja potmjot, ënät miits xypyutëkëtëtyës pën maas ënety njaaknëjkxy.

Biblia Mixe de Quetzaltepec

⁶ Wä'än nëjkx jeky nyajpaatyës ma miitsëtyën, ëkë nyajnaxëtyës jam ja potmjot, ënät miits xypyutëkëtëtyës pën maas ënäty njaaknëjkxy.

1 Corintios 16:6 ပူးပေါင်းရင်းမြစ်များ

Hechos 15:3

Tääts ja mëpëjkpëtëjkëty ja Antioquíapë yajpaatën ojts kyäjxtsoonëtë ets ojts nyëjkxtë Fenicia ets Samaria. Jamts tkajpxtë tmëtyaktë wi'ix ja y'ëxëëk winma'any të t'ëxmatstën mëti'ipë ka'ap jyutiis'atën ets wi'ix ënety të tmëpëktën ja Dios ja y'aaw y'ayuk. Tääts ja myëku'uktëjk xyoontaktë ko jëtu'un tmëtoowtë.

Romanos 15:24

njëjp'ijxypës ko jääjës jam nnëjkxëty koos ënety nnëjkxy España. Ko ënety miits wäänë mëët të n'it të nxontë, xypyutëkëtëpës etsës nja'tëty maas ntijyën.

Tito 3:12

Ko mijts ntuknikäxëty ja Artemas ëkë ja Tíquico, tun mëyajtën mnëjkxëp jam Nicópolis, jëtu'unës të ntuknipëjktaakë koos jam nyaxa'any ja potm.

2 Corintios 1:16

Jëtu'unës ojts n'ëk'ënaanpë ko ënety miits jam ninaxa'antë koos nnëjkxëty Macedonia ets jatëkok koos nwinpitëty. Jëtu'un xypyutëkëtëtyës koos ënety nnëjkxy jam Judea.

1 Corintios 16:11

Jëtu'unts ka'ap pën xypyäxtëty. Putëkëtë miits wäänëni'ik etsës yam xynyiminëty mëët ja myëku'uktëjk, maas yam njëjp'ixtën.

Hechos 28:11

Tëës ënety n'ijnëtë tëkëëk po'o jam Malta, koos tu'uk ntuktëjkëtyë ja kepy nëëwinye'epyë mëti'ipë ënety jam të tyajnaxyën ja potm. Jamts ja kepy nëëwinye'epyë mäjtsk tmëëtëty ja y'awinax mëti'ipë tyijtëpën tu'uk Cástor ets tu'uk Polux, Alejandría ja kepy nëëwinye'epyë tsyoony.

Hechos 27:12

Jam ma txëëwatyën Oyëtypë Ja'ajtakn, kä'äp jam y'oyëty ets ja potm jam pën tyajnaxëty, paaty nimay y'ënantë ko nikë oy ko nyëjkxtëty Fenice, Creta y'itjotm ma ja mejyën mëti'ipë kuye'eyëpën xëëwpëtsëmy ets jam ja potm tyajnaxtëty.

Hechos 21:5

Ko wëxtujk xëëw nyäjxy, ni'ëmukës ojts ntsoontë. Ni'ëmukë ja mëpëjkpëtëjk mëët ja y'u'unk tyo'oxytyëjkëty ojts xypyatso'otës ets xynyaswo'owëtyës jam kajpnpë'am. Jam mejy ëkë'ëm ja Dios ojts nja'amyätstës.

Hechos 20:38

Mon tuk ojts wyë'ëmtë ko ënety tëë ja Pablo y'ënä'äny ko nijëna'a tka'ëk'ixanëtë. Tääts ojts tnajtswowëtë ma ja kepy nëëwinye'epyën.

Hechos 17:15

Mëti'ipë ja Pablo jyämyëët'ajtëpën, Atenas paat ojts tpaja'të. Ko wyimpijnëtë, ënät ja Pablo tuknikejxy ja ayuk ets nëëmëtëty ja Silas ets ja Timoteo ets ënätyë myintëty.