1 Corintios 16:20 - Biblia Dc en Mixe de Quetzaltepec

²⁰ Kupëktë ja kajpxpo'kxën mëti'ipë ja nmëku'uk'ajtëmë ni'ëmukë kyäjxtëpën. Näkyajpxpo'kxëtë nixim niyam wa'ats aaw wa'ats jot.

Biblia Mixe de Quetzaltepec

²⁰ Kupëktë ja kajpxpo'kxën mëti'ipë ja nmëku'uk'ajtëmë ni'ëmukë kyäjxtëpën. Näkyajpxpo'kxëtë nixim niyam wa'ats aaw wa'ats jot.

1 Corintios 16:20 ပူးပေါင်းရင်းမြစ်များ

Romanos 16:16

Neykajpxpo'kxëtë nixim niyam oyjyot oywyinma'any mëët. Pën maajëty ja'ay ye'eymyuktë mëti'ipë Kristë myëpëjktëpën, ni'ëmukë ntuknikäxtë ja kajpxpo'kxën.

1 Pedro 5:14

Näkyajpxpo'kxëtë mëët ja oyjyot oywyinma'any nixim niyam. Wä'än ja Dios mmo'ojëtë ja jotkujk'ajtën jënu'un ja Kristë miits mëët m'itën.

1 Tesalonicenses 5:26

Kajpxpo'kxtë ni'ëmukë ja nmëku'uk'ajtëmë ijxtëm ja Dios tsokyën.

Hebreos 13:24

Kajpxpo'kxtë ni'ëmukë mëti'ipë jam mtu'uwinye'eyëtëpën ets ni'ëmukë mëti'ipë ja Dios kyajpn'ajtypyën. Mëti'ipë Italia tsënaaytyëpën yë'ë mkajpxpo'kxëtëp.

Filipenses 4:22

Näyjyëtu'un mtuknikäxëtë ja kajpxpo'kxën ni'ëmukë mëti'ipë ja Dios kajpn'ajtëtëpën, yë'ë ni'ik mëti'ipë tuuntëpën ma ja Roma yajkutujkpë ja kyutujktaknën.

Romanos 16:23

Mkajpxpo'kxëtëp ja Gayo, jam maas nja'ajtä'äkyën, ma ja mëpëjkpëtëjk ye'eymyuktën. Mkajpxpo'kxëtëp näjyëtu'un ja Erasto, mëti'ipë ja kajpn meeny pyëjkë'kpyën ets ja nmëku'uk'ajtëm Cuarto.

Romanos 16:21

Timoteo, mëti'ipës mëët ntunyën, mtuknikäjxëtëp ja kajpxpo'kxën ets näjyëtu'un ja Lucio, Jasón ets ja Sosípatro, ëjts ja nmëku'uktëjkës.

Mateo 5:47

Ets pën yi'iyë miits mkajpxpo'kxtëp ja mmëkä'äxëty ¿Tii oyajtën tääpë xyajnätyijëtë? Yë ja'ay ka'apë Dios tmëpëkyën yë'ë jëtu'un ëtëtstëp.