1 Corintios 16:2 - Biblia Dc en Mixe de Quetzaltepec

² Wintu'ktominkë xynyikoonpätëty ja putëjkën, jëtu'un xypyukontëty wi'ix ënety tii xypyaatën ets xypyëjkë'ëktëty. Koos nja'tëty, ka'ap jää myukëty ja putëjkën.

Biblia Mixe de Quetzaltepec

² Wintu'ktominkë xynyikoonpätëty ja putëjkën, jëtu'un xypyukontëty wi'ix ënäty tii xypyaatën ets xypyëjkë'ëktëty. Koos nja'tëty, ka'ap jää myukëty ja putëjkën.

1 Corintios 16:2 ပူးပေါင်းရင်းမြစ်များ

Génesis 26:12

Jä'ä jëmëjt ojts yë Isaac nyi'ipy ma jam ja naax kamën ets janty may ojts tyajmuky ja jyi'kxy pyiky. Jëtu'un ojts ja Dios mëj këjää kyënu'kxyë.

Génesis 30:27

E ja Labán tyaa ja ojts y'ëtsoy: Wë'ëm yaa maas yë njëën ntëjkën, tun yë mëyajtën, tëës nijawë mëët yë nkë'ëmjot nkë'ëmwinma'anyës ko yë Dios mëj këjää të xykyënu'kxyës mëët mijtskyëjxm.

Génesis 30:30

Koos yaa nmiiny nja'ajty wäänë ënety winë xymyëët'aty, e tyam ix jënu'un të nyimayënë. Tää ënät yaj'ixy, ko Dios jëtu'un kyënu'kxën të tyajkëtä'äky ma mijtsën, e yë'ëjës ënät tyam nyajtëëpy, jëna'ajës yë nkë'ëmtuunk nyajtso'onta'akëty mëti'ipës yë n'u'unk n'ëna'k ntuk'ixëpën.

Génesis 32:10

Ëjts ka'apës xyjyapaaty, je'eyë mijts oy tsuj xymyëët'atyës. Koos ya'atë Jordán mëjnëë ntuknajxy, yi'iyës ënety nkë'ëkap'ajtypyës yë ntajkës, nitiijës ënety nkamëëtëty. E tyam mäjtskpëkyës të nyajwä'kxy mëti'ipës nmëët'ajtypyën.

Génesis 33:11

Mëyajtënës mpëjktsoopy ets ya'atë xy'ëxajëty mëti'ipë yam ntuknimiimpyën, mëti'ipë yam namo'ojäämpyën. Ëjts tëëjës yë Dios xypyutëk xypyupety, tëës xyajjotkujktä'äky ets nitiijës tyam xykyatëkoy'ajtxë. Yë Jacob ni'ikyë tjanty'ënëmaay'ëti'itsy ja y'äjty Esaú, koonëm tukkupëjky ja mëti'ipë nyamo'ojäämpyën.

2 Crónicas 31:10

ets y'ëtsoowë ja teety Azarías, ja Zadoc ja jyä'äy: Maju'unëm ja'ay may winë tmëmintën, ka'apës tii të xytyëkoy'ajtëtë, ni'ikyënëm winë të nyatëkë may'äämpy; tëkokyë mëti'ipë të nyatëkën aakyë'ë mëti'ipë Wintsën të tkënu'kxyën.

Marcos 14:8

Ya'atë to'oxytyëjk yë'ë të tuny mëti'ipë të myäyën tunëty, tëëjës xytyukkuutsy yë pa'akxu'kpë nëë ets jëtu'un nipëjktaakë koos naaxtëkëja'any.

Lucas 16:10

Pën oy yajtuunpy ja wit meeny wäänëpë, näjyëtu'un tyajtuna'any ja maypyë. Pën ka'ap tyajtuny oy ja wit meeny wäänëpë, nän ka'ap tyajtuna'any oy ja maypyë.

Lucas 24:1

Tominkë, sëmaan ëjxy ënety ko ja to'oxytyëjkëty jatëkok ojts nyëjkxtë tsojktsojk ma ja o'kpëjutën, mëët ja pya'ak xu'kpë mëti'ipë ënety të tnipëjktaakëtën.

Juan 20:19

Ko ojts kyootsënë jä'ä xëëw, sëmaan'ëjxy. Tëë ënety ja Jesús ja y'ijxpëjkpëtëjk jam tyu'ukmuktë ma tu'uk ja tëjkën, je'eyëp ko ëtuky ja tëjk'aaw tyaj'itë jä'ä ko yë'ë tsyë'këtëp ja myëjutiis ja'ayëty; tääts ja Jesús nyänyikëxë'kë jam ma ja y'ijxpëjkpëtëjkën, itkujky ojts wya'ak'oyë ets ojts tkajpxpo'kxy, jëtu'un t'ënëmaay: Jotkujk yajpaatë.

Juan 20:26

Kom tuktujk xëëw, tëë ënety ja Jesús ja y'ijxpëjkpëtëjk jatëkok jam ye'eymyuktë tëkotm, tam ënety ja Tomás näjyëtu'un yajpaaty, ëtuky ja tëjk'aaw tyaj'itë. Ënet ja Jesús nyänyikëxë'kë, itkujky ojts wya'ak'oyë ets ojts tkajpxpo'kxy ja y'ijxpëjkpëtëjk, ets t'ënëmaay: Jotkujk yajpaatë.

Hechos 20:7

Sëmaan'ëjxy ojts nye'eymyuktës ets ja tsajpkääky yajkayä'äny ijxtëm ja Wintsën Jesús tnajtstu'unëyën. Tu'ktsu'um ojts ja Pablo yaj'ixpëky, jä'ä ko ënety tsyoona'any komjëpom.

2 Corintios 8:10

Miits mtuk'oy'atantëp mëti'ipës yam nikäjpxypën ets xyajwintu'upëktëty mëti'ipë junktë'ëy myajtso'ontaktën; ojts miits jëyëjp xyajmujktsoontë ja putëjkën ets tsojkënkyëjxm ojts jëtu'un mmaytyë mtajtë.

Deuteronomio 8:18

Ja Wintsën mëti'ipë mTiosajtëpën yë'ë xëmë mja'amyätstëp. Jä'ä ko yë'ë mooyëtëp ja oyajtën mëk'ajtën ets winë xypyaatë xy'ixtëty. Ttuny jëtu'un ja mëti'ipë tyukwinwa'anëyën ja m'ap m'okëty.

Apocalipsis 1:10

Wintsën ënety ja xyëëw ko ja Kënu'kxymyëkajtën ojts xynyikëtä'äkyës ets janty mëk nmëtooyës ja ayuk njëxkë'ëmës ijxtëm tu'uk yë pujxnxuxn y'ënä'änyën,