1 Corintios 16:19 - Biblia Dc en Mixe de Quetzaltepec

¹⁹ Mkajpxpo'kxëtëp ja mëpëjkpëtëjkëty mëti'ipë tsënaaytyëpën jam Asia. Aquila ets ja Prisca mëët ja mëpëjkpëtëjkëty mëti'ipë ye'eymyujktëpën jam ma tyëjkën, yë'ë mtuknikäjxëtëp ja kajpxpo'kxën Wintsën xyëëwkëjxm.

Biblia Mixe de Quetzaltepec

¹⁹ Mkajpxpo'kxëtëp ja mëpëjkpëtëjkëty mëti'ipë tsënaaytyëpën jam Asia. Aquila ets ja Prisca mëët ja mëpëjkpëtëjkëty mëti'ipë ye'eymyujktëpën jam ma tyëjkën, yë'ë mtuknikäjxëtëp ja kajpxpo'kxën Wintsën xyëëwkëjxm.

1 Corintios 16:19 ပူးပေါင်းရင်းမြစ်များ

Hechos 18:2

Jam mëët nyäpyatë tu'uk ja jutiis ja'ay, Aquilo'ajtp, Ponto kyukajpnëty, Priscila ja tyo'oxytyëjk xyëëwajtyp. Naamnëm ënety jya'të jam Corinto, jam tsyoontë Italia. Paaty jam Italia tsyo'ontë jä'ä ko tëë ënety ja yajkutujkpë kopk Claudio tni'ënä'ämë ets ja jutiis ja'ayëty pyëtsëëmta'atëty Roma. Tääts ja Pablo ojts tkukajpxë ja Aquila ets ja Priscila,

Apocalipsis 1:11

mëti'ipës xynyëmaayën: Kuja'a nokyjoty tiijaty m'ijxypyën ets tuknikäx ja mëpëjkpëtëjk mëti'ipë yajpatëpën ma ja niwëxtujkpë ja kajpnën jam Asia y'itjotm: jam Éfeso, Esmirna, Pérgamo, Tiatira, Sardis, Filadelfia ets Laodicea.

1 Pedro 1:1

Yë Pedro, Wintsën Jesukristë y'ayuk kajpxnajxpë, tyam mtuknikäxëtë kajpxpo'kxën mëti'ipë kujë kääkë yajpatëpën ma Ponto y'itjotm, Galacia, Capadocia ets Bitinia y'itjotmën,

Filemón 1:2

näjyëtu'un yajtuknikäxtë ja kajpxpo'kxën ja nmëku'uk'ajtëmë mëti'ipë jam ye'eymyujktëpën ma tyëjkën, näjyëtu'un ja ntsë'ë'ajtëmë Apia ets ja n'ajty'ajtëmë Arquipo, mëti'ipë ka'ap pyo'kxyën.

2 Timoteo 4:19

Kajpxpo'kxtëkës ja Priscila ets ja Aquila, näjyëtu'un ja Onesíforo myëku'uktëjk.

Colosenses 4:15

Kajpxpo'kxtë ja nmëku'uk'ajtëm mëti'ipë tsënaaytyëpën jam Laodicea, kajpxpo'kxtë ja Ninfa mëët ja mëpëjkpëtëjk mëti'ipë ye'eymyujktëpën jam ma tyëjkën.

Romanos 16:15

Kajpxpo'kxtë ja Filólogo, ja Julia, ja Nereo ets ja myëkä'äx to'oxytyëjkpë, ja Olimpas ets ni'ëmukë ja mëpëjkpëtëjk mëti'ipë jam mëëtëtyën.

Hechos 19:10

jëtu'un ojts jam tyuny mäjtsk jëmëjt, paaty ja ja'ay ojts tnija'awëtya'atë ja Wintsën ja y'aaw y'ayuk jam Asia, mëti'ipë jutiis ja'ayën ets mëti'ipë ka'ap jyutiisëty.

Hechos 18:26

Tääts ja Apolo ojts ja Dios ja y'aaw y'ayuk amëk jotmëk tnikajpxtso'onë jam tsajptëkotm. Ko ja Priscila ets ja Aquila tmëtoowtë, tää ojts ja Apolo twowtë ma tyëjkën ets ja Dios ja nyë'ë tyu'u wäänë kä'pxy tjaaktuk'ëwa'anëtyë.

Hechos 18:18

Ënet ja Pablo ojts jyaak wë'ëmy kanaak xëëw jam Corinto. Ok ojts nyäjyëkajpxënë ma ja mëpëjkpëtëjkëtyën, ets mëët ja Priscila ets Aquila tyëjkëy jap kepy nëëwinye'epyëjoty ets nyëjkxtë jam Sirië y'itjotm. Jam Cencreas, jam ojts nyäkyukeepyë, ka'anëm ënety tyëkë kepy nëëwinye'epyëjoty, jä'ä ko ojts tja'amyetsy ko ënety jëtu'un ja waantakën të tpëjktä'äky.

Hechos 2:9

Tääts yë ja'ay mëti'ipë tso'ontëpën Partia, Media, Elám, Mesopotamia, Judea, Capadocia, Ponto, Asia,

Hechos 16:6

Tääts ja Pablo mëët ja myëku'uktëjk tsyo'ontë ets ojts nyëjkxtë Frigia ets Galacia, jä'ä ko ka'ap ja Kënu'kxymyëkajtën ojts tyajkutuky ets ja Dios ja y'aaw y'ayuk tkajpxwa'kxtëty jam Asia.