1 Corintios 16:15 - Biblia Dc en Mixe de Quetzaltepec

¹⁵ Mëku'uktëjkëty, mnija'awëtëp ko ja Estéfanas ja myëku'uktëjk yë'ë ojts jëyëjp tmëpëktë ja Dios ja y'aaw y'ayuk jam Acaya y'itjotm ets yë'ë tyam pyutëjkëtyëp ja ja'ayëty mëti'ipë mëpëjktëpën.

Biblia Mixe de Quetzaltepec

¹⁵ Mëku'uktëjkëty, mnija'awëtëp ko ja Estéfanas ja myëku'uktëjk yë'ë ojts jëyëjp tmëpëktë ja Tios ja y'aaw y'ayuk jam Acaya y'itjotm ets yë'ë tyam pyutëjkëtyëp ja ja'ayëty mëti'ipë mëpëjktëpën.

1 Corintios 16:15 ပူးပေါင်းရင်းမြစ်များ

1 Corintios 1:16

Näyjyëtu'un ojts nyajnëëpetyës ja Estéfanas jyiiky myëku'uk, je'eyëp ko ka'ap njämyetyës ojts pën wiinkpë njaakyajnëëpetyës.

Romanos 16:5

Kajpxpo'kxtë näjyëtu'un ja mëpëjkpëtëjkëty mëti'ipë niye'eypyäjtëpën ma ja Priscila ets Aquila ja tyëjkën. Kajpxpo'kxtë ja Epeneto, mëti'ipës nmëku'ukja'apën, yë'ë ojts tmëpëky ja Kristë jëyëjp jam Asia y'itjotm.

1 Pedro 4:10

Këëkjä'ä miits xytyuntëty ja mtuunk ijxtëm ja Dios të mmo'ojëtën. Näpyutëkëtë nixim niyam wi'ixëty ja Dios ja kënu'kxën mtukpaatëtën.

2 Corintios 9:1

Ja näypyutëkë mëti'ipë jam myajmujktëpën mëti'ipë mmo'ojantëpën ja mëpëjkpëtëjk jampë Jerusalén yajpaatën, ka'ap y'ëkkopkpëky'ajnë ets miits ntuknijayëtëty jatëkok.

2 Corintios 8:4

Mëk'äämpyës të xymyënu'kxta'aktë etsës nkupëktëty ja putëjkën mëti'ipë ja Dios ja jyä'äy yajtukputëkëtëpën.

Romanos 16:2

Kupëktë yajxon Wintsën xyëëwkëjxm, jëtu'un ijxtëm pyaat'atyën ma nxëëw'ajtëmën mëpëjkpëtëjk. Putëkëtë ma tii tyajmëyätyën, jä'ä ko tëë ja ja'ay may tputëkë, ëjtspaat kë'ëm.

Romanos 15:25

E jam Jerusalén tyam nnëjkxyës, yë'ëjës ja näypyutëkë nmënëjkxyp ma ja nmëku'uk'ajtëmën mëti'ipë ëyoopëja'ayëtyën.

Romanos 12:13

Näpyutëkëtë nixim niyam ma myajpaatën wa'ats kajpn. Oy tsuj xy'ëxajëtëty mëti'ipë mnimiinëtëpën.

Apocalipsis 14:4

Yë'ë mëti'ipë oy tsuj të jyä'äy'atën ets ka'ap të nyäyaj'ëxëëkëtë mëët ja to'oxytyëjk. Wa'ats yë'ëjëty të nyäyaj'itëtë, pyanëjkxtëp oy tyimmaajëty mëti'ipë yajtijpën Kupixyn U'unk. Yë'ë jëtu'un jëwyiin të nyätyukmëyoxëtë ja Dios ets mëti'ipë yajtijpën Kupixyny U'unk ets të tuknitso'oktë.

Hebreos 6:10

Jä'ä ko yë Dios mëtëy nyipaye'ey, ka'ap tja'atyëkoyä'äny mëti'ipë të xytyuntën ets wi'ix të xypyutëkëtën ja Dios ja nyaax kyajpn ijxtëm tyampaat xytyuun'ëtë'ëtstën.

Filemón 1:7

Akujk jotkujk ets xoontä'äkyës nnäjyawëty ko xytsyoky xyjyawë ja mëku'uk, ets të xyajjotkujktä'äky ja mëpëjkpëtëjk mëtipë yajpatëpën ma ja Dios ja nyaax kyajpnën.

1 Timoteo 5:10

Yajnija'awëp ko oy ënety winë tuny, pën tëë ja y'u'unk y'ëna'k tsuj tyajyeeky, pën tëë ja ja'ay oy tsuj tyajja'ty ma tyëjkën, pën tëë ja mëpëjkpëtëjk ja tyeky tpujë, pën tëë tputëkë mëti'ipë ëyo'onpatëpën. Ets pën tëë winë oy tuny.

1 Corintios 16:17

Jotkujkës näjyawëty ko të myintë ja Estéfanas, Fortunato ets ja Acaico. Yë'ës të xypyutëkëtë ets të xyjyotmëkmo'otës ko miits të mkamintë.

Romanos 15:31

Amëtowtë pëjktsowtë ja Dios etsës xy'akëëytyuk xy'axajtukëty ma ja ja'ayëtyën mëti'ipë Judea yajpatëpën mëti'ipë ka'ap tmëpëktën ja Kristë ets näjyëtu'un oy yajkupëkëty ja putëjkën mëti'ipë yajtuknikäjxtëpën ja mëpëjkpëtëjk jampë tsyëënëtën Jerusalén.

Hechos 18:12

E ko ja Galión ojts tyuny yajkutujkpë jam Acaya, ënät ja jutiis ja'ay nyimiinëtë ja Pablo, ets tyukjoot'anpëjkëtë. Tää yajmënëjkxnë ma ja yajkutujkpën,

1 Corintios 16:1

Ko ja putëjkën xyajmuktëty ets yajmo'otëty ja nmëku'uk'ajtëmë, tuntë ijxtëmë të ntuk'ëwaanëtën ja mëti'ipë tsënaaytyëpën jam Galacia y'itjotm.