1 Corintios 15:57 - Biblia Dc en Mixe de Quetzaltepec

⁵⁷ Yajkukajpxëp ja Dios ko ja myëk'ajtën tyäky Wintsën Jesukristë mëët ets ja o'kën ka'ap xymyëmëtakmëty.

Biblia Mixe de Quetzaltepec

⁵⁷ Yajkukajpxëp ja Tios ko ja myëk'ajtën tyäky Wintsën Jesukristë mëët ets ja o'kën ka'ap xymyëmëtakmëty.

1 Corintios 15:57 ပူးပေါင်းရင်းမြစ်များ

2 Corintios 2:14

Nkukajpxëpës ja Dios ko xëmë xyajmëtakëmë mëët ja Kristë ja xyëëw, ets yajnijawë ja y'aaw y'ayuk ko ëëtsajtëm nkajpxwa'kxëmë, mëti'ipë ye'eywya'kxpën ijxtëm ja pa'akxu'kpë nëëjën.

Romanos 8:37

Ko tii xyjyajtëm xykyëpäjtëm, nmëmëtakëm, jä'äkyëjxm ko ja Kristë xypyutëjkëmë, mëti'ipë ni'ik xytsojkëmën.

Proverbios 21:31

Yë ja'ay ko nyëjkxa'any tsiptuunpë jëyëjp tnipëjktaakë yë kwaay; e yë Dios yë'ë y'ëwatsyp ko ja'ay myëtä'äky tsipjoty.

Apocalipsis 12:11

Tëë ja nmëku'uk'ajtëm tmëmëta'aktë ja mëjku'u mëët ja Dios U'unk ja nye'pyny ets mëët ja tëyajtën mëti'ipë nyikajpxtën; ka'ap të tsë'ëkëtë ja o'kën, ni'ikyënëm të y'ëna'antë oy tyimwi'ix'atëty.

Juan 16:33

Ntuk'ëwa'anëtëp miits tyam ya'atë tu'kë'ëyë ets ja kijpxyajtën jyää'atëty ma miitsëtyën. M'ëyowantëp miits yaa naaxwiiny, je'eyëp ko amëk jotmëk myajpaatëty, ëjts tëëjës nmëmëtä'äky ja naaxwiinyëtë winma'any.

2 Corintios 9:15

Yajkukajpxëp ja Dios ko tëë xymyo'oyëm ja mëj näynyamo'ojë ets ka'ap yajpaaty ja aaw ayuk wi'ix yajnimëtya'akëtyën.

Salmos 98:1

Tukwin'ëwtë ja Wintsën ja ëy yä'äxy jempyë, jä'ä ko mëj këjää myëj'ajtën të tyaj'ixyë. Tëë myëtä'äky jam tsipjotm mëët ja myëk'ajtën ets ja kyutujkën wa'atspë.

Efesios 5:20

Xëmë ja Dios xykyukajpxëtëty mëët ja Wintsën Jesukristë ja xyëëw.

Romanos 7:25

Nkukajpxëpës ja Dios, yë'ëjës xytyukniwatsp, koos të nmëpëky ja Wintsën Jesukristë. Ëjts, njanija'apës ko yë'ë oy ko ja Dios ja y'ënä'ämën ntuk'ijtëmëty, e ëjts jä'ä ko npokytyunyës paaty ja poky yë'ë ja y'ënä'ämën ntuk'ijtëyës.

1 Crónicas 22:11

E tyam ënät n'ënëëmë u'unk maay ets Wintsën mputëkëtëty ets xykyojëty ja mWintsën ja tsyajptëjk, jëtu'un ijxtëm yë'ë të y'ënä'änyën ko mijts xykyojëty.

2 Corintios 1:11

pën miitsëty xypyutëjkëtëpës mëët ja mjëëytyak mnu'kxtakënëty ma Tiosën. Pën nimay mëti'ipë xykyënu'kxtaktëpës, näjyëtu'un nimay tkukajpxëja'antë ja Dios ko ënety ëëtsëty ja Dios nmëtuntës.

1 Corintios 15:51

E yë'ëjës ntsojkpy ets miits xynyijawëtëty mëti'ipë ijty ka'ap yajnijawën, ka'ap nëjkx ni'ëmukë n'o'këmë, je'eyë nëjkx ni'ëmukë ntëkajtsëmë,

2 Reyes 5:1

Jam ijty tëëyëp tu'uk yë ja'ay txëëwaty Naamán, yë'ë nyiwintsën'ajtyp ja tsiptuunpëtëjkëty mëti'ipë myëtuuntëpën ja yajkutujkpë jampë y'ëne'emyën Sirië, mëk ijty ja yajkutujkpë tsyokyë jä'ä ko mëët yë'ëkyëjxm ënety may ja tsip të tuknaxtë ets të myëta'aktë ma ja Wintsën të yajmëta'akëtën Wintsën xyëëwkyëjxm. Je'eyëp ko ya'atë ja'ay pëjkëp ijty, yë'ë pya'am'ajtyp yë pu'uts pa'am mëti'ipë tyijtëpën amëxan lepra.

Hechos 27:35

Ko ja Pablo jëtu'un y'ënäny, tääts ja tsajpkääky tu'uk tkoonë'ky ets ja Dios tkukajpxëy ma ënety japëtyën ni'ëmukë ets ojts kyääytsyoony.

Hebreos 2:14

Jëtu'un ijxtëm ja ja'ay tu'kjëëky tu'kmëku'ukpë ja jot ne'pyny tmëët'atën, jëtu'un ja Jesús y'ijty mëët ja Dios ets mëët ja o'kën tmëmëtaktaay ja ëxëëkpë, mëti'ipë ijty o'kën tëko'oyën myëët'ajtypyën.

Apocalipsis 21:4

Yajtëkooytya'ajäämpy ja Dios tu'kë'ëyë ja jë'ëyën yaxën ets ka'ap ma nyäky'ita'any ja o'kën tëko'oyën, ni ja amay jotmay ets ni ja pëjkën ato'onën, jä'ä ko mëti'ipë të y'ityën, tëë ja nyäxy.