1 Corintios 15:52 - Biblia Dc en Mixe de Quetzaltepec

⁵² tim pojën, tu'kwinmi'kxyë je'eyë, ko ja xuxn tu'k'okyë xyu'uxëty. Jä'ä ko nëjkxëp ja xuxn xyu'uxy ets ja o'kpë jyuukpyëktëty ets ka'ap y'ëk'o'knëtëty; ets ni'ëmukë nëjkx ntëkajtsëmë.

Biblia Mixe de Quetzaltepec

⁵² tim pojën, tu'kwinmi'kxyë je'eyë, ko ja xuxn tu'k'okyë xyu'uxëty. Jä'ä ko nëjkxëp ja xuxn xyu'uxy ets ja o'kpë jyuukpyëktëty ets ka'ap y'ëk'o'knëtëty; ets ni'ëmukë nëjkx ntëkajtsëmë.

1 Corintios 15:52 ပူးပေါင်းရင်းမြစ်များ

Mateo 24:31

ets tkäxa'any ja anklëstëjk mëët ja pujxnxuxn mëti'ipë mëk tyukxu'uxantëpën ets myujkta'aja'antë xiitsow yaatsow ja ja'ayëty mëti'ipë ënety të yajwin'ixtën, tyso'onta'akëty ma xëëw pyëtsimyën ets jampaat ma kyëtä'äkyën.

Juan 5:25

Tëy miits nëëmëtë ko tää wyinkony ja xëëw jëmëjt ets tyamën jä'ä, ko ja o'kpë tmëtowtëty ja Dios U'unk ja y'aaw y'ayuk, ets mëti'ipë y'amëtoow'ijtëp, pyaatëp y'ixtëp ja juukyajtën.

Juan 5:28

Këtii nëkoo mjotmaypyaatëty, jä'ä ko pyaatäämpy ja xëëw jëmëjt ma tu'kë'ëyë ja o'kpë tmëtowa'antën ja aaw ayuk,

Isaías 27:13

Jä'ä xëëw nëjkx yajtukxu'uxy ja xuxn ets myiinta'atëty ja ja'ayëty mëti'ipë jam tsënaaytyëpën Asiria ets Egiptë, ets yaa myina'antë Wintsën ëwtajtpë, yaa Jerusalén ma yajpaatyën ja kopk wa'atspë ets kënu'kxypyë.

2 Pedro 3:10

Ko ënety ja Wintsën myiny, jëtu'un nëjkx myiny ijxtëm ja mä'tspën tsuu koots tyëjktëkën. Ënet ja tsajp nëjkx mya'ta'ay, pëmiimpën nëjkx yajmëtoy, näjyëtu'un nëjkx tyooytyëkooytyä'äy mëët yë jëën ets ja naaxwiinyëtë mëët tu'kë'ëyë winë nëjkxëp ja Dios tpaye'eytyä'äy.

1 Corintios 15:42

Näyjyëtu'un jyata'any ko ënety ja o'kpë jyuukpyëktë. Ko nyaaxtëkëtë, tëkooytyëp jä'äjëty; e mëti'ipë juukpyëjkpën ka'ap ja y'ëktëkoyanë.

Zacarías 9:14

Yë Dios yë'ë nänyikëxë'ëkanëp ma nyaax kyajpnën; jëtu'un ti'pxë'ëka'any yë tyi'pxn wëtsukën. Dios mëti'ipë Wintsën'ajtpën yë'ë tyukxu'uxäämpy yë xyuxn ets mëët yë mëkpoj tyu'uye'eyä'äny mëti'ipë ëpa'tkë'ëytsyow tso'onpën.

Apocalipsis 8:13

Tam ënety jëtu'un n'ixyës koos n'ijxpaty tu'uk ja witsn kyäknaxy tsajp'itkujkm ets nmëtooyës mëk y'ënä'äny: Tyaapë ja'ayëty ëyo'onjëjp'am yajpaatë, mëët yi'iyë ko ënät yë nitëkëëkpë ja tsajpjotmëtë kukäjpxy tukxu'uxtëty ja pyujxn xuxnëty.

1 Corintios 15:50

Mëku'uktëjkëty, yë'ëjës ntijpy, ko ja ni'kx kopk mëët ja ne'pyny ets ja xixy, mëti'ipë nmëët'ajtëmën, ka'ap nëjkx yë'ëjëty nyijkx ma ja Dios ja kyutujktaknën; ets mëti'ipë o'kpën, ka'ap nëjkx xëmëkyëjxm y'ity.

Apocalipsis 8:2

Etsës n'ijxy niwëxtujk ja tsajpjotmëtë kukäjpxy jam tyänëtë Dios wintum, mëti'ipë yajmooytyën këëktu'uk ja xuxn.

Ezequiel 33:6

E ko ja këwent'ajtpë t'ixëty ko tam ja mëtsip wyinkony ma ja naax kajpnën ets ka'ap tukxu'uxëty ja xyuxn ets ja ja'ay nijawëtëty ets ja mëtsip kyajpntëkëty tyaj'ookëty ja ja'ay, yë'ë kopkpëky ko yë pyoky tku'ookëty ets nëjkxëpës ja këwent'ajtpë ntukumëtoy ko ja ja'ay ënety të y'ooky.

Isaías 18:3

Tëkokyë miitsëty naax kajpnëty nëjkxëp xy'ixtë xymyëtowtë ja xuxn ets ja ijxpäjtën ko ja tsip ënety tyuna'anyë.

Éxodo 19:16

Ko tyëkëëkxëëwpejty, ënät ojts yajmëtoy y'ënaantä'äky y'ëtëtstä'äky yë ënääw wëtsuk ets nyäkyo'ktaayë jam kopkkëjxm yë yoots nëma'a, je'eyë yaj'ijxnë koots pëmiinë, e ko yajmëtoowpaty, jëtu'un tä ja'ay yë pujxnxuxn mëk tukxu'uxyën, ënät ojts yë tsë'ëkë tyuktëjkëtya'ajëtë ja ja'ayëty.

Ezequiel 33:3

Ets ko ja këwent'ajtpë t'ixy ko tam wyinkony ja mëtsip ma ja naax kajpnën, yë'ë tyukxuxyp ja xyuxn ets ja ja'ay tnijawëtë.

Salmos 73:19

Tsojkyë nëjkx kyutëkoytyë. Yë tsë'ëkë yë'ë nëjkx yajkëxëtë.

Éxodo 20:18

Nitëkokyë yë Israel ja'ayëty y'ijxtaaytyë ko ojts ja ënääw wëtsuk y'ëti'itsy y'ënä'äny, ko ja pujxnxuxn mëk jyänty xyuxy ets ko ja jëënjok tyajnitujktaay ja tun kopk. Ojts ja ja'ayëty may tsyë'ëkëtë ets ka'ap ojts nëkooyë wyinkontë ma kopkën.

Éxodo 33:5

Jä'ä ko yë Dios tyaa ënety yë Moisés të t'ënëëmë: Ënëëmë yë Israel ja'ayëty: Miitsëty ka'ap ninu'un mkäjpxyjyä'äkyukëtë, yajxon mjanty kyujuun'atë. Koos tu'ktsojkyë nyajpaatëty ma miitsëtyën poj'am yaa nyajkutëkooytya'atëty. Paaty tyam yajjënaktë yë mtatsktëyëty, mkë'ëjiitsëty ets mnantsëmëty ets n'ixëtyës wi'ix yam miits nmëwinma'anypyaatë.

1 Corintios 15:23

Tuknipëjktaakë y'ity nitu'ukjaty. Ja Kristë jëyëjp ets ok nimina'any ja jyä'äy.

1 Tesalonicenses 4:15

Paaty miitsëty ntuk'ëwaanëtë wi'ix ja Wintsën y'ënä'änyën. Mëti'ipë juuky'ajtëpën koonëm ja Wintsën myinëty, ka'ap tjëkyepy yë'ë nwinaxa'anmëty ja tëëpë y'ooktën.