1 Corintios 15:41 - Biblia Dc en Mixe de Quetzaltepec

⁴¹ Wiink ja xëëw y'äny, wiink ja po'o y'äny ets wiink ja matsa'a y'äny; ets matsa'apaat tëkatsy y'antë aak yë'ëjëty.

Biblia Mixe de Quetzaltepec

⁴¹ Wiink ja xëëw y'äny, wiink ja po'o y'äny ets wiink ja matsa'a y'äny; ets matsa'apaat tëkatsy y'antë aak yë'ëjëty.

1 Corintios 15:41 ပူးပေါင်းရင်းမြစ်များ

Génesis 1:14

Ënet ja Dios y'ënaankojnëpë: Wä'än tjää'aty ja të'kxën jajën jam tsajpwinm ma niwits nijuuxën, mëti'ipë kyutë'kx kyujajëpën ja naaxwiinyëtë. Ets tyajnäywyä'kxëtëty ja xëënyajtën ets ja kootsajtën ets yë'ë yajtuk'ixëty ja xëëw jëmëjt, xëëw po'o ets ko jyää'atëty ja nyipo'o nyijëmëjt tiijaty tuunëp jajtëpën. Jëtu'un ojts tyunyë jyätyë.

Job 31:26

Tëës n'ixy yë xëëw po'o wi'ix tyi'kxy jyäjyën,

Salmos 8:3

Koos n'ixy ja xëëw po'o ets ja mëtsa'a jam tsajpjotm mëti'ipë të xyajkojyën,

Isaías 24:23

Ko ënety ja Wintsën mëti'ipë maaytyääyëpën winë yë'ë yajkutuky jam Sión; pi'itsaanp yë xëëw ets po'o ets ja wintsëntëjkëty mëti'ipë jam kukajpnajtëpën y'ixantëp ja Wintsën ja myëj'ajt y'oyajtën.

Lucas 19:19

Näyjyëtu'un ya'atë yaj'ëtsooy: Mëkoxk ja kajpn xy'ënä'ämëty.

1 Corintios 15:40

Näyjyëtu'un mëti'ipë tsajpwinm ets naaxkëjxy ijtëpën; wiink ja tsujajtën jam tsajpwinm ets naaxwinm.

1 Corintios 15:42

Näyjyëtu'un jyata'any ko ënety ja o'kpë jyuukpyëktë. Ko nyaaxtëkëtë, tëkooytyëp jä'äjëty; e mëti'ipë juukpyëjkpën ka'ap ja y'ëktëkoyanë.

Deuteronomio 4:19

Ets ko näjyëtu'un mpa'at'ixtëty tsajpkëjxm ets xy'ixtëty yë xëëw po'o, ëkë matsa'a, këtii m'ëna'antëty ets ënät yë'ë xy'ëwtatantëpëty. Jä'ä ko yë Wintsën mëti'ipë miits mTiosajtëpën, yë'ë ojts yajkojëtë ets tëkokyë ja ye'etyëjk tuk'oy'atëty.