1 Corintios 15:4 - Biblia Dc en Mixe de Quetzaltepec

⁴ ko ojts tyajnaaxtëkëtë ets jyuukpyijky kom tëkëëk xëëw, ijxtëm näjyëtu'un ja Dios ja y'aaw y'ayuk kyëxja'ayëtyën;

Biblia Mixe de Quetzaltepec

⁴ ko ojts tyajnaaxtëkëtë ets jyuukpyijky kom tëkëëk xëëw, ijxtëm näjyëtu'un ja Tios ja y'aaw y'ayuk kyëxja'ayëtyën;

1 Corintios 15:4 ပူးပေါင်းရင်းမြစ်များ

Oseas 6:2

Wäänë y'ita'any tääts xyajtso'oka'anëmë, xyajpëtë'ëka'anëmë ets nyajpatmëty ma yë'ëjën.

Mateo 12:40

Jëtu'un ijxtëm ja Jonás ojts tëkëëk xëëw tëkëëk tsuu y'ijtyën jap ajkx jootjoty, näjyëtu'unës tëkëëk xëëw tëkëëk tsuujës n'itëtä'any naaxjoty. Ëjts, naaxwiinyëtë ja'ay y'U'unk.

Jonás 1:17

E yë Wintsën tëë ënety jap nëëjoty tnipëjktaakë tu'uk mëjnëë jëyujk ets ja Jonás jyëënëtëty. E ja Jonás tëkëëk xëëw tëkëëk tsu'um jap y'ijty nëë jëyujk jootjoty.

Salmos 2:7

Yë'ëjës nikajpxäämpy nimëtya'akäämpy mëti'ipë yë Wintsën të tuknipëjktaakën; yë'ëjës të xy'ënëëmë: Mijts n'U'unk'ajtyp, ëjts yë njot ne'pny mmëët'ajtyp.

Hebreos 13:20

Ja Dios mëti'ipë yäjkpyën ja jotkujk'ajtën ets mëti'ipë ojts tyajjuukpyikyën ja Wintsën Jesús, jëtu'unpë yajpaatyën tä kupixyny këwent'ajtpën, mëti'ipë mëët ja nye'pny ja käjpxytyu'unën të tyaj'apaatën xëmëkyëjxm,

Romanos 6:4

Ets ko nyajpatëmë jëtu'un ijxtëm jeexyë tu'ukyë të n'o'këmën ets të nnaaxtëjkëmë mëët ja Kristë, jëtu'un të njuukpyëjkëmë näjyëtu'un ijxtëm ja Kristë ojts jyuukpyikyën, mëët ja Dios Teety ja myëj'ajtën ets nmëët'ajtmëty ja jempyë juukyajtën.

Lucas 24:46

ets y'ënëmaayëtë: Jëtu'un kyëxja'ayëty ko ja Kristë y'ookëty ets kom tëkëëk xëëw jyuukpyëka'any,

Lucas 24:26

Ko jëwyiin ja Jesús y'ëyowëty ets ok tpëkëty ja myëj'ajt y'oyajtën.

Lucas 9:22

Ets t'ënëmaay: Yë naaxwiinyëtë ja'ay y'U'unk mëk y'ëyowa'any; ka'ap yë mëjja'aytyëjk, teety wintsëntëjk ets ja tsajptëkotyëtë yaj'ijxpëjkpëtëjk kyupëka'anyë. Yaj'ookantëp, je'eyëp ko kom tëkëëk xëëw jatëkok jyuukpyëka'any.

Colosenses 2:12

Jëtu'un miitsëty ijxtëm ja Kristë jeexyë mëët të mnaaxtëkëtën nëëpäjtënkyëjxm ets tëë mëët mjuukpyëktë jä'ä ko të xymyëpëktë ja Dios ja myëk'ajtën, ja Dios mëti'ipë Kristë yajjuukpyëjkën.

Hechos 17:31

Jä'ä ko tëë ja Dios tuknipëjktaakë jëna'a ja naaxwiinyëtë ja'ay tpaye'eyä'änyën ijxtëm pyaat'atyën. Yë'ë të tuknipëky tu'uk ja ja'ay mëti'ipë të twin'ixyën; ets tëë xytyuk'ijxëmë ja myëk'ajtën ko ojts tyajjuukpyiky jatëkok oy ënety të y'ëk'ooky.

Hechos 1:3

Tëë ënety y'ooky, ko jatëkok nyänyikëxë'kë juuky kanaak ok, ets jëtu'un ja y'ijxpëjkpëtëjk ojts tuknijawë ko juuky'ajtp ënety. Wëxtyikxy xyëëw ja y'ijxpëjkpëtëjk nyätyuk'ijxë, tukmëmëtyä'äky ja Dios ja kyutujkën.

Marcos 9:31

jä'ä ko aak ayi'iyë ënety ja y'ijxpëjkpëtëjk jam tyaj'ijxpëky, ets t'ënëmaay: Yajkë'ëyakaanpës ma naaxwiinyëtë ja'ayëtyën ets xyaj'ooka'antës, je'eyëp ko kom tëkëëk xëëw jatëkok njuukpyëka'anyës.

Mateo 20:19

tkë'ëyaka'antë ma jaaypyaat jaaypyo'kxyën, mëti'ipë nëjkx nyëxi'iky tyukxi'ikyën, twoptën tka'atstën ets tyajkruutspätën, e kom tëkëëk xëëw tääts ja tëkëëk jyuukpyëka'any.

Mateo 16:21

Tääts ja Jesús ja y'ijxpëjkpëtëjk tmëmëtyaktso'ony ets t'ënëmaay ko kwanë nyëjkxa'any jam Jerusalén ets ja mëjja'aytyëjk, ja teety wintsëntëjk ets ja tsajptëkotyëtë yaj'ijxpëjkpëtëjk yaj'ëyowa'anyë ets ja ja'ay yaj'ooka'anyë, je'eyëp ko kom tëkëëk xëëw jyuukpyëka'any jatëkok.

1 Pedro 1:11

Ja Kristë ja myëk'ajtën yë'ë ijty tyuknija'ap ja käjpxynyajxpëtëjk wi'ix ja Kristë y'ëyowa'anyën ets ja mëj'ajtën oyajtën mëti'ipë ok minaanpën; yë'ëjëty ojts tjanijawëja'antë ja xëëw po'o jëna'a jëtu'un jyata'any kyëpäta'any mëti'ipë ja Kristë ja myëk'ajtën ënety jyanikäjpxypën.

Juan 19:38

Ko jëtu'un jyäjty kyëpejty, ja José mëti'ipë kukajpn'ajtpën jam Arimatea, ojts t'amëtoy ja Pilato ets myo'ojëtëty ja Jesús ja nyi'kx kyopk. Yë José yë'ë ijty yë Jesús ijxpëjkpë'ajtëp, je'eyëp ko ayu'utsy jä'ä ko yë'ë tsyë'këp ja kutuunktëjk, jutiis ja'ayëty. Ojts ja Pilato myo'oyë ja kuttujkën ets tyajënakëty ja Jesús ja nyi'kx kyopk jam kruutskëjxm.

Salmos 16:8

Yë Wintsën yë'ëjës xëmë ntukjotkujk'ajtyp; ko yajpaaty mëët ëjts maas n'a'oykyë'ëjën ni pënës xykyatsuu'ixëty.