1 Corintios 15:33 - Biblia Dc en Mixe de Quetzaltepec

³³ Këtii myajwin'ëëntëty, ijxtëm ja ayuk y'ënä'änyën: yë ëxëëk ja'ayëty yajma'tëp ja oypyë tsëna'ayën.

Biblia Mixe de Quetzaltepec

³³ Këtii myajwin'ëëntëty, ijxtëm ja ayuk y'ënä'änyën: yë ëxëëk ja'ayëty yajma'tëp ja oypyë tsëna'ayën.

1 Corintios 15:33 ပူးပေါင်းရင်းမြစ်များ

Proverbios 13:20

Yë'ë oyjyawë yë wijyjyä'äytyëjk ets wijy m'awinpitëty; yë'ë oyjyawë tsuuja'aytyëjk ets tsuu m'awinpitëty.

Mateo 24:4

Ënet ja Jesús y'ëtsoowëtë: Näkyëwent'atëtë ets ka'ap pën mwin'ëënëtëty.

1 Corintios 5:6

Paaty miits ka'ap tii mnätyukyajmëjnaxëtëty mëti'ipë jam mtuuntëpën. Tëë xynyijawëtë ko ja ayuk y'ënä'äny: ja poky jëtu'un yë'ë ijxtëm ja tsajpkääky tsyooyën, yajma'tääpy ja jëtsy.

Proverbios 9:6

Këtii xëmë tsuu myajpaatë, oy mjuuky'atëty: jëtu'un mnaxtëty mtëkëtëty tä ja'ayën mëti'ipë niwijy nikujk yajpatpën.

Efesios 5:6

Këtii pën mnätyukwin'ëënëtëty mëët ja aaw ayuk mëti'ipë ka'ap tyunyën; jä'ä ko yë'ëkyëjxm jëtu'un ja Dios ja tsyäätsy tyu'unën myina'any ma ja ja'ayëtyën mëti'ipë ka'ap të myëmëtoyën.

Gálatas 6:7

Ka'ap mnäwyin'ëënëtëty, ni pën mëpaat ja Dios ja jyä'ä tkatukxikë. Mëti'ipë yajnip yajkojpën, yë'ë yajpëjkmujkp.

1 Corintios 6:9

¿Ka'ap xynyijawëtë ko yë ëxëëkja'aytyëjk ka'ap jyuuky'ata'antë ma ja Dios ja kyutujktaknënë?

Mateo 24:24

Jä'ä ko minantëp ja ja'ayëty mëti'ipë nëjkx nyätyijëtën Kristë ets mëti'ipë nätyijëtëpën Dios kyäjpxynyajxpë; nëjkxëp tyaj'ixëtë ja mëj'ajtën ets wi'ix kawi'ixëty nëjkx winë tuntë ets yë'ëpaat nëjkx yajwin'ëëntë mëti'ipë ënety ja Dios të twin'ixyën.

2 Pedro 2:2

May ja ja'ay tpanëjkxa'antë mëët ja y'ëxëëk juukyajtënëty ets yë'ëkyëjxm ja Dios tyiyajtën ëxëëk yajnikajpxa'any yajnimëtya'aka'any.

Hebreos 12:15

Nämyëjotëkoyëtë këtiipë pën tyëkoy'ajtxëtëty ja Dios ja tsyojkën jya'awën. Nitu'uk mka'itëty ijxtëm ja ta'am ujtsën mëti'ipë pa'amtuunpën ets mayjyä'äy tukpaaty.

Mateo 24:11

May nëjkx nyätyijëtë Dios kyäjpxynyajxpë ets may ja ja'ay nëjkx twin'ëëny.

2 Tesalonicenses 2:10

Ya'atë mëjku'u tu'kë'ëyë tyajtuunta'aja'any mëti'ipë poky'ajtpën ets twin'ëëna'any mëti'ipëty ënety nëjkxantëpën ëyoowtakntum, jä'ä ko ënety ka'ap të tkupëktë ni të tkatsoktë ja mëtëypyë ets jeexyë tpaatë ja nitsokën.

Apocalipsis 12:9

Jëtu'un yaj'ixkejxy ya'atë mëj tsa'any, mëti'ipë yajtijpën mëjku'u ets Satanás, mëti'ipë wyin'ë'ëmpyën ni'ëmukë ja naaxwiinyëtë ja'ay. Yë'ëts ojts naaxwiinyëtë yajkujëpijpnaxy mëët ja ëxëëkpë ja anklëstëjk.

Proverbios 22:25

këtiipë jä'ä xyjyatëty ja ëxëëk jot ëxëëk winma'any mëti'ipë myëët'ajtypyën, këtiipë jëtu'un mjatëty tä jeexyë kë'ëm ja tejpxy mnätyukyo'ktsumyën.