1 Corintios 15:3 - Biblia Dc en Mixe de Quetzaltepec

³ Mëtu'kpëky, yë'ë miits të ntuk'ëwaanëtë mëti'ipës të nyajtuk'ëwaanën näjyëtu'un. Yë'ë të ntuk'ijxpëktë ko ja Kristë ja npoky'ajtëm të tku'ookë, ijxtëm ja Dios ja y'aaw y'ayuk kyëxja'ayëtyën;

Biblia Mixe de Quetzaltepec

³ Mëtu'kpëky, yë'ë miits të ntuk'ëwaanëtë mëti'ipës të nyajtuk'ëwaanën näjyëtu'un. Yë'ë të ntuk'ijxpëktë ko ja Kristë ja npoky'ajtëm të tku'ookë, ijxtëm ja Tios ja y'aaw y'ayuk kyëxja'ayëtyën;

1 Corintios 15:3 ပူးပေါင်းရင်းမြစ်များ

Génesis 3:15

Mijts ets to'oxytyëjk xëmë mnämyëtsip'atëtëty. Ets jëtu'un y'itëty ma m'u'unk m'okën ets ma to'oxytyëjk näjyëtu'un yë y'u'unk y'okën. Mkutä'änë'ëkëtëp yë y'u'unk y'ok ma nkëpajkën. Ets mijts nëjkxëp xytyekymyëtsu'utsë ma tyeky'ixpo'kxën.

Ezequiel 3:17

Mijts, ye'etyëjk, të mpëjktä'äky ijx'ijtpë këwent'ajtpë ma Israel kajpnën. Ko ntukmëtowëty ja aaw ayuk, mkajpxnaxëp ets mnimëtya'akëp ma yë'ëjëtyën ets nijawëtëty wi'ixës ënety n'ëna'anyën.

Zacarías 13:7

Yë Wintsën mëti'ipë maaytyääyëpën winë, jëtu'un y'ënä'äny: Pëtë'ëk, tëypyujxn, nipëtë'ëk yë kupixyny këwent'ajtpës ets nipëtë'ëk yë ja'ay mëti'ipës xypyutëjkëpën. Yaj'ook mëti'ipë kupixyny këwent'ajtpën ets kyääkwa'kxta'atëty yë kupixyny, etsës mëtsip n'awinpita'anyës ma ja kupixynyëtyën.

Mateo 26:24

Jëtu'unës nja'ata'any ijxtëm kuja'ay myinyën. Temë tääpë ja'ay mëti'ipës xykyë'ëyakaanpën, oyxyëp të kyaminy naaxwiinyëtë.

Mateo 26:28

jëtu'un ya'atë uuky nyäxy tääjës yë ne'pnyën, ma y'atëyën ja käjpxytyu'unën, ja ne'pny mëti'ipë täämp jä'tspën ets ja naaxwiinyëtë ja'ay yajpokymyä'kxtëty.

Lucas 24:25

Ënet ja Jesús y'ënëmaayëtë: Ka'ap miits mja'akyukëtë, ka'ap xytsyojkmëpëktë mëti'ipë ja Dios ja kyäjpxynyajxpë nyikajpxtën.

Juan 1:29

Komjëpom ja Juan t'ijxy ko ja Jesús myëwinkonyë ets y'ënäny: Ixtë, ya'atë jëtu'un ijxtëm ja kupixyny u'unkën, Dios wyintsë'kën mëti'ipë ja naaxwiinyëtë ja'ay yajpokywyätsëpën.

Hechos 17:2

Ënet ja Pablo tyëjkëy tsajptëkoty, ijxtëm xëmë tuny'ätyën ets tnimëtyäky ja Dios ja y'aaw y'ayuk. Tëkëëk sëmaan ja ja'ay mëët nimëtyaktë ja Dios ja y'aaw y'ayuk.

Hechos 3:18

E jëtu'un ja Dios të tkuuytyuny mëti'ipë y'akajpxtën ja kyäjpxynyajxpëtëjkëty ko yë Kristë y'ooka'any.

Hechos 8:32

Yë'ë ënety kyäjpxyp ma ja Dios ja y'aaw y'ayuk y'ënä'änyën: Jëtu'un jä'ä ijxtëm ja kupixyny yajmënejkxyën ma y'o'ktaknën; ets ijxtëm ja kupixyny u'unk amonyë tkupëkyën ko yajknikeepy, ni tuk'aaw ojts kyakäjpxy.

Romanos 3:25

Dios ojts jëtu'un tuknipëjktaakë ko ja Kristë mëët ja nye'pyny yajpaatëty ja pokynyimyä'kxën. Ya'atë pyokynyimä'kxën ënät yajpaaty ko yajmëët'aty ja mëpëjkën. Jëtu'un ja Dios tyajnikëxë'ëky wi'ix xyajnaxa'anëmë wa'ats, ko të tme'kxy ja nëë poky mëti'ipë ënety të ntu'un të nkajpxëmën,

Romanos 4:25

Jesús, ojts yajkë'ëyäky ets y'ookëty mëët ko ënety ëëtsajtëm npokymyëët'ajtëmë, e ojts jyuukpyiky ets ëëtsajtëm wa'ts nwë'ëmëty.

1 Corintios 11:2

Ntukxoontäkpyës miits mëku'uktëjkëty, ko xyjyä'ämyätstës ets ko xypyatuntë ja ijxpëjkën mëti'ipë të ntuk'ëwaanëtën.

1 Corintios 11:23

Näy Wintsënës yë ijxpëjkën të xymyo'oy mëti'ipë miits të nmo'otën. Jä'ä koots ma ja Wintsën ënety yajkë'ëyaka'anyën, jää tkoonë'ky tu'uk ja tsajpkääky.

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Dios pyëjktakë ijxtëm jeexyë ja poky tmëët'atyën, jëtu'unts ja Dios xyaj'ëwaatsëpëtsë'emëty mëët ja Kristë.

Gálatas 1:12

Ka'apës jyä'äyëty të xymyo'oy ets ka'apës pën të xytyuk'ijxpëky, Jesukristë kë'ëm të xytyuk'ixy të xytyuknijawës.

Gálatas 1:4

Mëti'ipë të tku'ookën ja npoky'ajtëmë, ijxtëm ja Dios tsokyën ets n'ëwaatsëpëtsë'ëmëty ma tyampë tiempën ëxëëkpë tsaatsypyën.

Gálatas 3:13

Tëë ja Kristë xyajpëtsë'ëmëmë ma ijty kajpxpoky n'ijtëmën, jä'äkyëjxm ko ja Kristë ojts nyätyukjä'ätijyë ja kajpxpojkën mëti'ipë ënety ëëts njä'ä'ajtëmën, jëtu'un këxja'ay myiny: Kajpxpoky tu'kë'ëyë winë y'ity mëti'ipë kepykyijxy këx'o'kpën.

Efesios 1:7

Mëët yë'ë ko xytsyojkëmë tëë ja Dios xyaj'ëwaatsëpëtsë'emëmë ko ja y'u'unk ja nye'pyny të tsyuny të xye'kxy ets ja npoky'ajtëm të xynyimä'kxëmë.

Efesios 5:2

Nätsyokëtë nixim niyam ijxtëm ja Kristë të xytsyojkëmën ets të nyäkyë'ëyäkyë ma të wyintsë'kën'atëtyën ëëts'ajtëmkyëjxm, jëtu'un tä ja wintsë'kënën mëti'ipë oy xu'kp jojkpën Dios wintum.

Hebreos 5:1

Ni'ëmukë teety wintsën, aak ja'ayjoty yajwin'ixtë ets ja naax kajpn tkutänëty Dios wyintum ets tyaktëty ja wintsë'kën ets ayajk ako'onën mëti'ipë ja poky yajtuknikëpäjtutpën.

Hebreos 5:3

Jä'äkyëjxm ja wintsë'kën tyäky ko pyokyjä'äyëty ets näjyëtu'un ko ja ja'ay pyokyjyä'äy'atë.

1 Pedro 1:11

Ja Kristë ja myëk'ajtën yë'ë ijty tyuknija'ap ja käjpxynyajxpëtëjk wi'ix ja Kristë y'ëyowa'anyën ets ja mëj'ajtën oyajtën mëti'ipë ok minaanpën; yë'ëjëty ojts tjanijawëja'antë ja xëëw po'o jëna'a jëtu'un jyata'any kyëpäta'any mëti'ipë ja Kristë ja myëk'ajtën ënety jyanikäjpxypën.

1 Pedro 2:24

Kristë ojts ja npoky'ajtëm tmënëjkx ma ja nyi'kx kyopkën jam kruutskëjxm ets jëtu'un nyäjxy ijxtëm jeexyë ja poky të nku'o'këmën ets ënät njuuky'ajtmëty mëtëy. Yë Kristë ojts tsyëtyuty wyintëkoy ets miits mtsoktë.

1 Pedro 3:18

Jä'ä ko ja Kristë ojts xykyu'o'k xykyutëko'oyëmë tu'k'okyë ko npokyjyä'äy'ajtëmë. Yë'ë ka'ap ijty tii poky tmëëtëty; yë'ë pokyjyä'äy ojts tku'ëyowë ets myajnëjkxa'anëtë ma Tiosën. Oy ojts ja Kristë y'ëk'ooky ko nyäpyëjktakë naaxwiinyëtë ja'ayën; ojts jyuukpyiky mëët ja juukyajtën ka'apë kyëxë'ëkyën.

1 Juan 2:2

Tëë ja Jesukristë y'ëyoy kruutskëjxm ets ja npoky'ajtëm yajmä'kxëty ets ka'ap yi'iyëty npoky'ajtëm, näjyëtu'un ni'ëmukë ja naaxwiinyëtë ja'ay.

Apocalipsis 1:5

ets näjyëtu'un ja Wintsën Jesukristë, mëti'ipë ja Dios ja y'aaw y'ayuk kyajpxnajxypyën ijxtëm t'ijxy tmëtooyën, mëti'ipë jëwyiin të jyuukpyikyën oy të y'ëk'ooky, mëti'ipë y'ënä'ämtääpyën ja yajkutujkpë yaa naaxwiiny ets mëti'ipë të xytsyojkëmën ets të xyajpokywyatsëmën mëët ja nye'pyny,