1 Corintios 15:28 - Biblia Dc en Mixe de Quetzaltepec

²⁸ E ko ënety winë ja Kristë të kyë'ëtëjkëtyä'äyë, yë'ë Kristë kë'ëm, mëti'ipë Dios U'unk'ajtpën, nëjkxëp kë'ëm nyätyukë'ëtëkëty ja Dios ets yë'ë winë t'ënä'ämta'ajëty.

Biblia Mixe de Quetzaltepec

²⁸ E ko ënäty winë ja Kristë të kyë'ëtëjkëtyä'äyë, yë'ë Kristë kë'ëm, mëti'ipë Tios U'unk'ajtpën, nëjkxëp kë'ëm nyätyukë'ëtëkëty ja Tios ets yë'ë winë t'ënä'ämta'ajëty.

1 Corintios 15:28 ပူးပေါင်းရင်းမြစ်များ

Colosenses 3:11

Ka'ap yë'ë kyopkpëkyëty pën griegë ja'ay ets jutiis ja'ay, pën tsuky ets pën katsukyën, wä'än tpën ja'ayëty tiija'ayëty, wä'än yë'ëjëty mëti'ipë ka'ap kyajpxwijyëtyën, ëkë mëtuunpë nitookpyë ëkë wä'än t'ëwaatsëtumpëty. Yë'ë kopkpëky ko ja'ay y'ity mëët ja Kristë mëti'ipë tu'kë'ëyë winë myëët'ajtääpyën.

1 Corintios 3:23

yë Kristë miits mjä'ä'ajtëtëp, ets Kristë, Dios jä'ä'ajtëp.

Efesios 1:23

Yë Kristë mëti'ipë myëët'ajtypyën tu'kë'ëyë winë, yë'ë tu'kë'ëyë nyitënaaytyääpy ja mëpëjkpëtëjk, mëti'ipë ijtëpën ijxtëm jeexyë jam yajpaatën ma ja Kristë ja nyi'kx kyopkën.

Filipenses 3:21

mëti'ipë ja ni'kx'ajt nkopk'ajtëm yajtëkatsäämpyën ets yë'ë xymyo'oja'anëmë ja kyë'ëm nini'kx mëti'ipë mëj'ajtën jaanty'ajtën myëët'ajtypyën ets tyunäämpy mëët ja myëk'ajtën mëti'ipë myëët'ajtypyën ets tmëmëtakta'ajëty oy tyimtiijëty.

1 Corintios 11:3

E ntukja'amyätsantëp näjyëtu'un ko yë Kristë yë'ë nyikëpajk'ajtyp yë ja'ay tu'uktu'uk; ets ye'etyëjk yë'ë nyikëpajk'ajtyp yë tyo'oxytyëjk, jëtu'un ijxtëm ja Dios nikëpajk'atyën ja Kristë.

Juan 14:28

Tëë xymyëtowtë koos n'ëna'any koos nnëjkxy ets ko jatëkok nmina'anyës ets nyajpaata'anyës mëët miitsëty. Ko jeexyë miits xytsyoktës, mxoontaktëp jeexyë ko xynyijawëtë koos nnëjkxy ma ja Dios Teetyën, jä'ä ko Dios Teety wäänë mëj yë'ë këtiinëm ëjts.

1 Corintios 12:6

Kanaakjëjp ja mëk'ajtën mëti'ipë ja'ay yajmooytyëpën, je'eyëp ko tu'ukyë ja Dios, mëti'ipë tyuunpyën winë ets mëti'ipë winë yäjkpyën.

Salmos 18:47

Yë Dios yë'ëjës të xynyitsiptuny etsës yë naax kajpn të xytyukwinkuwowë.

Salmos 18:39

Tëës mijts xymyo'oy yë mëk'ajtën jap tsipjoty; ets mijts të xy'a'ixë ets käjpxy kumëtoownajxpë xywyinkoxtänëtëtyës,

1 Corintios 15:29

Ets pën tëy ko ja o'kpë ka'ap jyuukpyiky, mëti'ipë të yajnëëpätëtën ja o'kpë ¿tii ko të tkupëktë? pën nyija'awëtëp ko ka'ap yë o'kpë jyuukpyëka'antë ¿tii ko të tkupëktë ets yajnëëpätëtëty?