1 Corintios 15:27 - Biblia Dc en Mixe de Quetzaltepec

²⁷ Ja Dios tëë winë tpëjktä'äky ma ja Kristë ja tyekpya'tkën. Ko y'ënä'äny ko tu'kë'ëyë winë të tpëjktä'äky ma ja Kristë ja tyekpya'tkën, ka'ap yë'ëjëty tijy ko ja Dios ka'ap ja kuttujkën t'ëkmëët'ajnë, jä'ä ko yë'ë tyuknipëjktakëtyääpy winë.

Biblia Mixe de Quetzaltepec

²⁷ Ja Tios tëë winë tpëjktä'äky ma ja Kristë ja tyekpya'tkën. Ko y'ënä'äny ko tu'kë'ëyë winë të tpëjktä'äky ma ja Kristë ja tyekpya'tkën, ka'ap yë'ëjëty tijy ko ja Tios ka'ap ja kutujkën t'ëkmëët'ajnë, jä'ä ko yë'ë tyuknipëjktakëtyääpy winë.

1 Corintios 15:27 ပူးပေါင်းရင်းမြစ်များ

Salmos 8:6

tëë xymyo'oy ja kuttujkën, ma tëkokyë winë të xyajkojyën, mëj'äämpy të xypyëjktä'äky ma winëjatyën,

Mateo 28:18

Tääts ja Jesús myëwinkoonëtë ets y'ënëmaayëtë: Tëës ja Dios xymyooytyä'äy ja kuttujkën jam tsajpjotm ets naaxwiinyëtë.

Hebreos 2:8

mijts të xypyëjktakta'ay jam winë ma tyekpya'tkën. E ko të xypyëjktakta'ay winë ma tyekpya'tkën, ka'ap ja Dios tii të tyajwë'ëmy ëpëky mëti'ipë yë'ë ka'ap tnijawën. E kajts n'ijxëmnëm ko aakjam yajpata'ay winë ma yë'ëjën.

Mateo 11:27

Tääts ja Jesús jyaak'ënany: Aak ëjts ja nTeetyës të xymyooytyä'äy tukë'ëyë winë. Ka'ap pën tnijawë ja u'unk, yi'iyë ja Teety nyija'ap; ets ka'ap pën tnijawë ja Teety, yi'iyë ja u'unk nyija'ap ets nyijawëtëp ja ja'ay mëti'ipë ja u'unk tyuk'nijawëjäämpyën.

Efesios 1:22

Kristë tyukkë'ëtëjkëy ets tnitënaaytya'ajëty tu'kë'ëyë winë ets nän yë'ë ojts tukë'ëtëkë ja mëpëjkpëtëjk ets tnikëpajk'atëty.

Juan 3:35

Ja Dios Teety tsyojkpy ja y'u'unk ets tëë tukkë'ëtëjkëtyä'äy mëti'ipë myëët'ajtypyën.

1 Pedro 3:22

mëti'ipë ojts pya'tëkën tsajpjotm ets nyaaxwe'tsy ma ja Dios Teety yajkutukyën a'oytsyow, ets yë'ë tyam y'ëne'empy ja anklëstëjk ets mëti'ipë ja mëk'ajtën ets ja kuttujkën myëët'ajtëpën.

Apocalipsis 1:18

Ëjts jëtu'un mëti'ipë juukyajtpën. Tëës n'ëk'o'kpë ets tëëjës jatëkok njuukpyiky. Xëmëkyëjxmës tyam njuuky'ajnë. Ëjts nmëët'ajtypës ja o'kën kuttujkën ja nyi'ëwatsn.

Hebreos 1:13

Dios ka'ap ojts nitu'uk t'ënëëmë ja tsajpjotmëtë kukäjpxy: Yaa u'unyë n'aka'any'äämpyës koonëm ja mmëtsip nmëmëta'akëtyës, ets npëjkta'akëtyës maas yë nteky'ixpo'kxën.

Hebreos 10:12

E ja Kristë tëë tyäky ja wintsë'kën tu'k'okyë ko ja ja'ay pyokymëët'atë, tääts nyaaxwe'tsy Dios y'aka'any'äämpy.

Efesios 1:20

ko ja Kristë ojts tyajjuukpyiky ets tyajtsajpejty ets tyajnaaxwe'tsy y'aka'any'äämpy,

Daniel 7:14

Ënet yajmooy ja kuttujkën ets ja mëj'ajt oyajtën, aak mëtuunëp ja naax kajpn mëti'ipë kanaakjëjp ja ayuk kyajpxtëpën. Yë kyutujkën yë'ë xëmë itaanp ets ja y'ënä'ämtakn ka'ap nijëna'a kyutëkoyëty.