1 Corintios 15:2 - Biblia Dc en Mixe de Quetzaltepec

² Näy yë'ë miits ya'atë aaw ayuk myajnitso'okëtëp pën ëmuumtu'ukjot xymyëpëktë mëti'ipë të ntuk'ëwaanëtën; pën ka'ap, natëkë miits të mëpëktë.

Biblia Mixe de Quetzaltepec

² Näy yë'ë miits ya'atë aaw ayuk myajnitso'okëtëp pën ëmuumtu'ukjot xymyëpëktë mëti'ipë të ntuk'ëwaanëtën; pën ka'ap, natëkë miits të mëpëktë.

1 Corintios 15:2 ပူးပေါင်းရင်းမြစ်များ

Proverbios 23:23

Juy këpät yë wijyajtën, ëëwtë'ëw kajpxtë'ëwën ets ja ja'aykyujkën ets këtii xytyookëty.

Proverbios 3:1

U'unk maay, këtii xyjyä'äytyëkoyëty yë n'ijxpëjkënës. Pëjkë'ëk ma mjot mwinma'anyën yë n'ënä'ämënës,

Proverbios 4:13

Jat nijawë winë ets këtii xyjyä'äytyëkoyëty. Yë'ë patun ets mmo'ojëtëty yë juukyajtën.

Lucas 8:13

Ja tëëmt mëti'ipë ojts kyä'äyën tsaajotm, jëtu'un yë'ë ijxtëm ja ja'ayëty mëti'ipë y'amëtoow'ijtëpën ja Dios ja y'aaw y'ayuk ets jotkujk myëpëjkojtë. Ko ënät wi'ix tkujatëtë tääts t'ëxmatstë. Yë'ë jëtu'un jajtp ijxtëm ja tsajpmokyonën mëti'ipë ka'ap tyiktsk kyëkëtyën.

Hechos 2:47

Xëmë ijty ja Dios tmëjjawëtë tjaantyjawëtë. Oyjya'awëtëp ni'ëmukë ja ja'ayëty ets winjëpom ja Wintsën ja ja'ay tyajmayë mëti'ipë ja pyoky yajnimä'kxtëpën.

Hechos 8:13

Näyjyëtu'un ja Simón ojts myëpëjknë ets nyëëpejty ets ja Felipe ojts tmëjwa'kpety ko t'ijxy ja ijxpät ets ja mëj'ajtën mëti'ipë ja Felipe tyuunpyën.

Romanos 1:16

Ka'apës ntuktsëtyuny ja oy aaw oy ayuk, jä'ä ko ja Dios ja myëk'ajtën ets tpaatëty ja nyitsokën ni'ëmukë ja ja'ayëty mëti'ipë mëpëjktëpën, jëyëjp yë jutiis ja'ayëty ets näjyëtu'un ja ka'apë jyutiisëty.

Romanos 11:22

Ix, wi'ix ja Dios y'oyëtyën ets näjyëtu'un wi'ix tpëjktä'äkyën ja tsaatsytyu'unën; mëk tsaatsytyuny mëti'ipë pokyjotm ka'atëpën, e mijts oy të mmëët'atyë. Je'eyëp ko kopkpëky ko mjuuky'atëty xëmë oy ijxtëm yë'ë t'oy'ixyën; jä'ä ko tsojk näjyëtu'un myajkatspuxëty.

1 Corintios 1:18

Ko yajnikäjpxy yajnimëtyä'äky ko tëë ja Kristë y'ooky kruutskëjxm, ja ja'ayëty mëti'ipë nitëyë nëjkxtëpën ëyo'ontum jëtu'un tmëtowtë nanëkoo yowë tsuu mëtya'ak kupoj mëtyä'äky yajnikäjpxy; e ëëtsajtëm jënu'un ja nitsokën të npatëmë, nija'awëm ko Dios yë myëk'ajtën.

1 Corintios 1:21

Ja Dios ja wyijy'ajtën, ka'ap ojts ja naaxwiinyëtë ja'ay tja'akyyukëtë mëët ja wyijy'ajtën kyejy'ajtënëty, tëë ja Dios tuknipëjktaakë ko tyajnitso'oka'any mëët ja y'aaw y'ayuk mëti'ipë mmëpëjkëpën, oy ya'atë jëtu'un jyayajmëtoy ijxtëm ja tsuuwinma'anyën.

1 Corintios 11:2

Ntukxoontäkpyës miits mëku'uktëjkëty, ko xyjyä'ämyätstës ets ko xypyatuntë ja ijxpëjkën mëti'ipë të ntuk'ëwaanëtën.

1 Corintios 15:14

ets pën ka'ap ja Kristë ojts jyuukpyiky, ja n'aaw n'ayukëtyës nëkoopë ja nyatëkë'aty, ets nän nitii ja tkatsowëty ja mëpëjkën mëti'ipë miits mmëët'ajtëpën.

2 Corintios 2:15

Jä'ä ko jëtu'un ja Dios xyajnajxëmë ma ja Kristën ijxtëm ja pa'akxu'kpë nëëjën ma ja mëti'ipë mëpëjktëpën ets mëti'ipë ka'ap myëpëktën.

2 Corintios 6:1

Jëtu'un, ijxtëm ëëtsajtëm nmëtu'unëmën ja Dios, tyam nmënu'kxta'aktë ets xytyukjuuky'atëty ja oyajtën mëti'ipë ja Dios të mtuk'ixëtën,

Gálatas 3:4

¿Oywyi'ix miits xyajtëkoya'antë mëti'ipë të xykyu'ëyowëtënë? ¿Tii ko nëkoo të xykyu'ëyowëtë?, pën ka'ap xyajtsowpaata'antë.

Efesios 2:8

Dios të tuny ja mëyajtën ets të myajnitso'okëtë ko të mëpëktë. Ka'ap yë'ëkyëjxmëty ko miits oy tii të xytyuntë, Dios të tuny ja mëyajtën.

Colosenses 1:23

Je'eyëp ko mëk mëpaat myajpaatë ma mëpëktën, këtii xymyajtstu'utëty mëti'ipë të xymyëpëktën ets mëti'ipë të xymyëtowtën. Yë'ë jëtu'un ya'atë aaw ayuk mëti'ipë të yajkajpxwä'kxyën oy tyimmaajëty ma ja it naaxwiinyëtën, ëjts Pablo je'eyës të nputëkë ets të yajkäjpxywä'kxy.

2 Tesalonicenses 2:15

Paaty, mëku'uktëjkëty, tu'ukyë ja mëpëjkën yaj'itë ets këtii xy'ëxmatstëty ja ijxpëjkën mëti'ipë të ntuk'ëwaanëtën nokyjoty.

2 Timoteo 1:9

Dios të xyajtsokëm ets të xywoowtso'owëm tääts npatmëty ja juukyajtën wa'atspë, ka'ap yë'ëkyëjxmëty ko tii oy ntu'unëm, yë'ë ko jëtu'un tëëyëp tuknipëjktaakë mëët ja Kristë Jesús.

Hebreos 10:23

Tsojk njëjp'ijxëm ëmuumtu'ukjot mëti'ipë ja'ay ntukmëmëtyakëmën, jä'ä ko Dios, kyuuytyuunpy mëti'ipë wyaantäkpyën.

Hebreos 2:1

Paatykyëjxm wäänëni'ik nmëjpëjktakmëty mëti'ipë të nmëto'owëmën ets ka'ap n'ëxmajtsmëty mëti'ipë të nmëpëjkëmën.

Hebreos 3:14

Tëë mëët ja Kristë npatëm ja oyajtën, mëët yi'iyë ko ntukjotkujk'ajtmëty mapaat njuuky'ajtëmën ijxtëm të nyajtso'ontakëmën.

Hebreos 3:6

E ja Kristë, jëtu'un jä'ä ijxtëm tu'uk ja u'unkën, oy tmëtuny ja Dios ma ja jyä'äyën, ëëtsajtëm yaj'antijëm; pën nmëpëjkëm ëmuumtu'ukjot mëti'ipë njëjp'ijxëmën.

Hebreos 4:14

Jesús, ja Dios U'unk, yë'ë ja nTeetywintsën'ajtëmë mëti'ipë të pya'tëkën tsajpjotm. Paatykyëjxm mëk ja mëpëjkën nmëët'ajtmëty mëti'ipë të mpatëmën.

Santiago 2:14

Mëku'uktëjkëty, ¿tii nyawa'anëty ja ja'ay ja myëpëjkën pën ka'ap tii oy tuny? ¿Wä'än jëtää ja myëpëjkën yajtso'okëtëtyë?

Santiago 2:17

Jëtu'un jyäty ja mëpëjkën; ko yi'iyë tu'ukyë yajtukjotkujk'aty, ets ka'ap tii oy yajtuny, ooky yë nyäxy.

Santiago 2:26

Jëtu'un ijxtëm ja jot nini'kxën y'ooky ko ja ja'awën tyukpëtsëmy, näjyëtu'un jyäty ja mëpëjkën pën ka'ap tii oy yajtuny.