1 Corintios 14:36 - Biblia Dc en Mixe de Quetzaltepec

³⁶ ¿Ëkë jää jëtää ja Dios ja y'aaw y'ayuk yajnija'awëtyo'ony ma miitsëty, ëkë miitsëm jëtää të myajmo'otë?

Biblia Mixe de Quetzaltepec

³⁶ ¿Ëkë jää jëtää ja Tios ja y'aaw y'ayuk yajnija'awëtyo'ony ma miitsëty, ëkë miitsëm jëtää të myajmo'otë?

1 Corintios 14:36 ပူးပေါင်းရင်းမြစ်များ

1 Tesalonicenses 1:8

Tëë tsyo'ontä'äky ja Wintsën ja y'aaw y'ayuk ma miitsëtyën ets të myëjtëkë, ka'ap jyämyëty je'eyë Macedonia ets Acaya, näjyëtu'un oymyaajëty ets yajnijawë wi'ix xymyëpëktën ja Dios. ¿Wi'ixës njaaktimy'ëna'anëty?

1 Corintios 4:7

Jä'ä ko ¿Pën ja mëk'ajtën mooyëp ets ja mëku'uk xywyiink'ixëty? ¿Ets tii mijts mmëët'ajtyp mëti'ipë Dios ka'ap të mmo'oyën? ets pën Dios winë të mmo'oyë, ¿Tii ko mnätyukyajmëjnaxyë ijxtëm jeexyë mijts kë'ëm të xypyäätyën?

Hechos 17:15

Mëti'ipë ja Pablo jyämyëët'ajtëpën, Atenas paat ojts tpaja'të. Ko wyimpijnëtë, ënät ja Pablo tuknikejxy ja ayuk ets nëëmëtëty ja Silas ets ja Timoteo ets ënätyë myintëty.

Hechos 17:1

Tääts ko jam tsyo'ontë ets nyaxtë Anfípolis ets Apolonia, jyajtë jam Tesalónica kajpnjotm. Jam ijty ja jutiis ja'ayëty tmëët'atë tu'uk ja tsajptëjk.

Zacarías 14:8

Ënet nëjkx jam Jerusalén myuuty yë nëë pa'akpë, mëti'ipë itaanpën ko xyëkopk'atëty ets ko pyotm'atëty, tu'kpëky nëjkx nyajtspëyë'ëkë jam ma ja Mejyën mëti'ipë yajtijpën Ooky myejy ets wiinkpë nëjkx nyajtspëyë'ëkë jam ma ja Mejyën Naax'akujkpyë.

Isaías 2:3

May ja ja'ay myina'antë ets y'ëna'ana'antë: Mintë, tsojk mpa'tëjkëmë ma ja Wintsën ja tyun kyopkën, ma yajpaatyën yë Dios yë tsyajptëjk, mëti'ipë Jacob y'ëwtajtën ets xytyukni''ijxëmëty ja në'ë'aaw tu'u'aaw mëti'ipë mëpaat nye'eyëmën. Jä'ä ko jam Jerusalén tsyoona'any ja ënä'ämën, jam Sión tsyona'any ja ijxpëjkën.

1 Corintios 14:35

Pën jam tii ja to'oxytyëjk tnijawëja'antë, wä'än tyajtëwtë ja nyiye'etyëjk jam tyëkotm, jä'ä ko ka'ap y'oyëty ets ja to'oxytyëjk kyajpxëty ma mëpëjkpëtëjk ye'eymyuktën.

1 Corintios 14:37

Pën jam pën nitu'uk nyäjyawëty ko Dios käjpxynyajxpë ëkë ko Kënu'kxymyëkajtën winma'anymyooyëp, nyijawëp ko mëti'ipë yam ntuknija'ayëtëpën Dios jëtu'un të tni'ënä'ämë.