1 Corintios 14:3 - Biblia Dc en Mixe de Quetzaltepec

³ Pën kyajpxtëp ja aaw ayuk mëti'ipë Dios yäjkpyën, yë'ë tyuuntëp ets ja wiinkëtypë jyotmëkta'aktëty ets wyimpätëty ma ja myëpëjkënëtyën.

Biblia Mixe de Quetzaltepec

³ Pën kyajpxtëp ja aaw ayuk mëti'ipë Tios yäjkpyën, yë'ë tyuuntëp ets ja wiinkëtypë jyotmëkta'aktëty ets wyimpätëty ma ja myëpëjkënëtyën.

1 Corintios 14:3 ပူးပေါင်းရင်းမြစ်များ

Lucas 3:18

Jëtu'un ja Juan ja ja'ay tjakajpxwijy ets tkajpxwä'kxy ja oy aaw oy ayuk.

Hechos 13:15

Ko tkajpxtaaytyë ja Moisés ets ja käjpxnyajxpëtë ja y'ënä'ämën, ënät ja tsajptëkotyëtë wintsënëty t'ënëmaaytyë ja Pablo ets ja Bernabé: Mëku'uktëjkëty, pën jam tii xynyikajpxa'antë, oy tyam yë ja'ay xytyuk'ëwaanëtëty.

Hechos 14:22

Ko ja Pablo ets Bernabé jyajtë ma tu'uktu'uk ja kajpnën, ojts tyajjotmëkpëktë mëti'ipë ënety ja Jesús të tmëpëktën ets tjotmëkwinkajpxëtë ets tu'ukyë myëpëktëty. Jëtu'un t'ënëmaaytyë: Ko nnëjkxa'anmëty ma ja Dios ja kyutujkënën, kopkpëky ko nku'ëyo'owëmëty.

Hechos 15:32

Dios kyäjpxynyajxpëtëjk ja Judas ets ja Silas, jä'ä ojts tjotmëkwinkajpxëtë ets tyajjotmëkpëjktë ja mëpëjkpëtëjkëty.

Hechos 4:36

Jam ijty tu'uk ja Israel ja'ay mëti'ipë ja Leví y'u'unk'ajtyp y'ok'ajtypyën; Josee'ajtp, Chipre kyukajpnëty, mëti'ipë ojts ja ijxpëjkpëtëjk yajxëëwpetyën Bernabé jä'ä nyiwijy Yajotkujk'ajtpë.

Hechos 9:31

Jotkujk ja mëpëjkpëtëjk yajpaatë mëti'ipë tsënaaytyëpën jam Judea y'itjotm, Galilea ets Samaria. Wimpäjt'ëtëtstëp ja myëpëjkën, xëmë ja Wintsën twintsë'ëkëtë ets nyimayë'ëtë'ëtstë, näjyëtu'un ja Kënu'kxymyëkajtën ojts yajjotkujk'ätëtë.

Romanos 12:8

mëti'ipë jotmëkwinkajpxëpën, wä'än tjotmëkwinkajpxë; mëti'ipë tii yäjkypyën, wä'än tyäky; mëti'ipë nyikopk'ajtypyën ja mëpëjkpëtëjk, wä'än tuny yajxon ets mëti'ipë oyjyä'äy'ajtpën, wä'än t'oyjyä'äy'äty.

Romanos 14:19

Wä'än yë'ë n'ixta'ayëmë wi'ix npatmëtyën ja jotkujk'ajtën ets nnäpyutëjkëmëty nixim niyam wi'ix nwinpäjtmëtyën ma ja mëpëjkën.

Romanos 15:2

Ni'ëmukë ëëts xypyaat'ajtëmë ntukjotkëtakmëty ja nmëku'uk'ajtëmë ets tuk'oy'atëty wi'ix wäänë oy tmëpëktëty ja Kristë.

1 Corintios 10:23

Jëtu'un ja ayuk y'ënä'äny: Najtspëkë ja ja'ay y'ity oy tii tuna'anëty. Tëy jëtu'un, je'eyëp ko ka'ap tjëkyepy oytyiijëty tunëty. Najtspëkë ja ja'ay y'ity ets tuny mëti'ipë tyunäämpyën, je'eyëp ko ka'ap aak'oy wyimpëtsëmy ets yajwinpätëtëty ma myëpëkyën.

1 Corintios 14:12

Paaty, ko miitsëty yë'ë mtsojkën'ajtëp ja tuunk mëti'ipë ja Kënu'kxymyëkajtën yäjkpyën, yë'ë mëmay mëët'ajtëp mëti'ipë mtukputëkëtëpën ja mëpëjkpëtëjkëty ets ja myëpëjkën wyimpätëty.

1 Corintios 14:17

Wä'än jëtää oy ja Dios xyjyakukajpxëty, je'eyëp ko ka'ap nëjkx ni pën tja'akyukë.

1 Corintios 14:26

Mëku'uktëjkëty. Ko miits mye'eymyuktëty, jyëkyejpy jam pënëty y'ëwtëty, yaj'ijxpëktëty, nimëtya'aktëty ja Dios ja y'aaw y'ayuk, tkajpxtëty ja wiink ayuk ets wiinkpë tyajniwijtëty. Je'eyëp ko yë'ë mëti'ipë ni'ëmukë yajtuk'oy'atëpën.

1 Corintios 14:31

Jëtu'unts nätyu'ukjaty mkajpxtëty ets yajnijawëty tii ja Dios nyikajpxäämpy ets ni'ëmukë yajjatëty ets xim yam jotkujk wyë'ëmtëty.

1 Corintios 8:1

Tyamës nnikajpxa'any wi'ix yajtunëtyën ja kääky uuky mëti'ipë ënety të yajtukwintsë'ëkën ja awinax. Tëy ja ayuk y'ënä'äny: Ko ëëtsajtëm aak nnija'awëm winë. Je'eyëp ko tii yajjaty yajnijawë, amëj akëjxm ja ja'ay tyaj'awinpity; e ja tsojkën ja'awën yajmëjnajxyp ja naax kajpn.

2 Corintios 1:4

Yë'ë xyjyotmëkmo'oyëm ko nyajpatmëty ëyo'onjoty ets jëtu'un nyajjotkujk'ajtmëty näjyëtu'un mëti'ipë ëyoowtëpën ijxtëm ja Dios Teety të xyajjotkujk'ajtëmën.

2 Corintios 2:7

Mëti'ipë tëy tyam mtuntëp, nimä'kxtë ets putëkëtë, ko nëjkx ja ma'ayën tajën tkamëmëtä'äky.

Efesios 4:29

Ka'ap y'ëk'ëxëëk kajpxnëty, yë'ë kyajpxëp myëtya'akëp ja oypyë ja aaw ayuk mëti'ipë tyukmëjnaxëpën ja naax kajpn ets tuk'oy'atëty ja ja'ay ko tmëtowtëty.

Efesios 6:22

Paaty miits ntuknikäxtë ets yë'ë mtuk'ëwaanëtëty wi'ixës yam nyajpaatyën ets mjotmëkmo'ojëtëty.

Colosenses 4:8

Paaty ntuknikäxtë ets mtuk'ëwa'anxëtëty wi'ixës yamën ets myajjotkujk'atëtëty.

1 Tesalonicenses 2:11

Näy mnija'awëtëp wi'ix të njotmëkmo'otën ets të nyajjotkujkta'aktën nitu'ukjaty ijxtëm ja u'unkteety y'ixy myëyätyën.

1 Tesalonicenses 2:3

Jä'ä ko ka'ap ja kyajpxtëko'oyënëty mëti'ipës nkajpxwa'kxtëpën, ni kya'ëxëëk winma'anyëty ets ka'apës pën nwin'ëëntë.

1 Tesalonicenses 3:2

ets nkäjxtës ja nmëku'uk'ajtëm Timoteo, mëti'ipë Dios myëtuumpyën ets mëti'ipës mëët nkajpxwä'kxtën ja aaw ayuk oypyë ma Kristë yajnimëtyä'äkyën. Paatyës nkäjxtë ets nëjkx mku'ixëtë, mjotmëkwinkajpxëtë wi'ix tu'ukyë ja mëpëjkën xymyëët'attëty,

1 Tesalonicenses 4:1

Mëku'uktëjkëty, yë'ë miits ntuk'ënëmaaytyëp wi'ix mjuuky'attëty ijxtëm ja Dios tukjotkëtä'äkyën, ets tam jëtu'un xytyuntë. Tyam miits njaaktuknipëktë ets nmënu'kxta'aktë ma Wintsën Jesús yë xyëëwën ets jëtu'un mjuuky'atëty.

1 Tesalonicenses 4:18

Näjyotmëkmo'ojëtë nixim niyam mëët ya'atë aaw ayuk.

2 Tesalonicenses 3:12

Jëtu'unpë ja'ayëty jëtu'unës yam n'ënä'ämtë ets ntuknipëktës ma Wintsën Jesukristë xyëëwën wä'än tuntë amëk jotmëk ets tpaatëty kyä'äyën y'ukënëty.

1 Timoteo 1:4

ets ka'ap tmëtoow'ittëty ja apmëtyä'äky tëëyëpë tyunyë jyätyën. Jëtu'unpë mëtyä'äky je'eyë nëkoo yajtsiptuny ets ka'ap pyutëkë ma ja Dios yajjot'atyën ko yajmëpëky.

1 Timoteo 4:13

Naamka'anëmës jam nnëjkxy, tukwinkajpxë ja'ay ja Dios ja y'aaw y'ayuk. Yajjotkujkta'ak ja jëëky mëku'uk ets Yaj'ijxpëk.

1 Timoteo 6:2

Pën jää pën twintsën'aty ja mëpëjkpë, ni'ikyë mëpaat twintsë'ëkëtë ko myëpëky. Ni'ikyë mëpaat oy tmëtuntë, jä'ä ko ja mëti'ipë myëtuuntëpën mëpëjkpë jä'ä ets jëëky mëku'uk ja nyäxy. Tuk'ijxpëk ets kajpxwa'kx ya'atë.

2 Timoteo 4:2

ets xykyajpxpwa'kxëty ja Dios ja y'aaw y'ayuk ets xytyuk'ëwaanëty ja ja'ay oyjyëna'ajëty. Tukja'akyukë, tukwinkukajpxë, jotmëkwinkajpxë, Yaj'ijxpëk mëët tu'kë'ëyë ja mä'kxtujkën.

Tito 1:9

Yë'ë mëti'ipë tyuk'o'kpejtypyën ja ijxpëjkën mëti'ipë të yajtukni''ixën ets näjyëtu'un ja ja'ay wiinkëtypë tjotmëkwinkajpxëty mëët ja ijxpëjkën oypyë ets tukja'akyujkëty mëti'ipë tëkatsy nyimëtyaktëpën ja Dios ja y'aaw y'ayuk.

Tito 2:15

Ya'atë ja mëpëjkpëtëjk mtuk'ijxpëkëp, jotmëkwinkajpxë ets amëk jotmëk tkajpxëty mëtya'akëty mëët tu'kë'ëyë ja mkutujkën këtiipë pën mpäxëtëty.

Tito 2:6

Jotmëk wiinkajpxë näjyëtu'un ja ëna'ktëjkëty ets wijy kejy jyä'äy'atëty,

Tito 2:9

Kajpxwij ja tuunpëtëjk nitookpyë ets tmëmëtowtëty ja wyintsënëty, yë'ë tyuntëp mëti'ipë tukjotkëtaknën, ka'ap je'eyë wyin'ëtsow jyëjp'ëtsowtëty.

Hebreos 10:25

Ka'ap nye'eytyujkmëty ma nye'eymyujkëmën, ijxtëm jënaakën y'ëtë'ëtstën, näjyotmëkwinkajpxëmë nixim niyam; tyam wäänëni'ik tsyokyë ko ja xëëw wyinkoonën ma ja Jesukristë myina'anyën.

Hebreos 13:22

Mëku'uktëjkëty, n'amëtoow mpëjktsoowtëp miits yë mëyajtën, kupëktë ya'atë kajpxwijën mëët ja mä'kxtujkën. Mëti'ipë miits ntuknija'ayëtëpën yë'ë mëti'ipë mëj këjää mputëkëjanëtëp.

Hebreos 3:13

Näjyjyotmëkmo'ojëtë nixim niyam winjëpom naam jaakjäänëm ja xëëw, mëti'ipë nyikäjpxypën ja Dios ja y'aaw y'ayuk, këtiipë pën yajwin'ëënëty ets juun ja y'aaw jyot tpëjkta'akëty.

1 Pedro 5:12

Ja nmëku'uk'ajtëm Silvano, mëti'ipë oy tsuj ja Dios myëtuumpyën, yë'ëjës yam yë noky xytyukputëjkëpës ma miits yam nkajpxwijtën ets ntuknijawëtë ko ja kënu'kxën mëti'ipë të xy'ëxajëtën yë'ë yajnikëxë'kpy ja mëtëypyë ja Dios ets ja tsyojkën jya'awën. Yë'ë jëtu'unpë tsojkën ja'awën xëmë mmëët'atë.

Judas 1:20

E miits, mëku'uktëjkëty, yaj'itë tu'ukyë ja mmëpëjkënëty. Jëëytya'ak nu'kxta'aktë, jëtu'un ijxtëm ja Kënu'kxymyëkajtën mtu'uwinwowëtën.