1 Corintios 14:27 - Biblia Dc en Mixe de Quetzaltepec

²⁷ E ko pën tkajpxëty ja wiink ayuk, jam'atëp nimäjtsk ëkë nitëkëëk ja ja'ay mëti'ipë jyä'äkyukëtëpën ets nätyu'ukjaty ja ja'ay kyajpxtëty ets kopkpëky ko pën tkajpxtë'kxëty wi'ix ënety nyiwijyën.

Biblia Mixe de Quetzaltepec

²⁷ E ko pën tkajpxëty ja wiink ayuk, jam'atëp nimäjtsk ëkë nitëkëëk ja ja'ay mëti'ipë jyä'äkyukëtëpën ets nätyu'ukjaty ja ja'ay kyajpxtëty ets kopkpëky ko pën tkajpxtë'kxëty wi'ix ënäty nyiwijyën.

1 Corintios 14:27 ပူးပေါင်းရင်းမြစ်များ

1 Corintios 14:26

Mëku'uktëjkëty. Ko miits mye'eymyuktëty, jyëkyejpy jam pënëty y'ëwtëty, yaj'ijxpëktëty, nimëtya'aktëty ja Dios ja y'aaw y'ayuk, tkajpxtëty ja wiink ayuk ets wiinkpë tyajniwijtëty. Je'eyëp ko yë'ë mëti'ipë ni'ëmukë yajtuk'oy'atëpën.

1 Corintios 12:10

Tää mëti'ipë kuttujkën yajmooytyëpën ets mëj'ajtën tyaj'ixëtëty, tää mëti'ipë käjpxynyajxtëpën. Tää wiinkpë mëti'ipë yajmooytyën yë mëj'ajtën ets nijawëtëty mëti'ipë Kënu'kxymyëkajtën oy ets ka'oyën, tä mëti'ipë wiink ayuk kyajpxtëpën ets mëti'ipë je'eyë jyä'äkyujkëtëpën.

1 Corintios 14:2

Pën ja wiink ayuk kyajpxtëp, Dios ja myëkajpxtëp, ka'ap jyä'äyëty; ka'ap pën twinmëtoy mëti'ipë kyajpxtëpën, jä'ä ko Kënu'kxymyëkajtën yajkajpxëtëp.

1 Corintios 14:5

Njatsojkpyës ets jeexyë miits ni'ëmukë wiink ayuk xykyajpxtë; je'eyëp ko nikë oy ko xynyikajpxtëty ja Dios ja y'aaw y'ayuk këtiinëm ko xykyajpxtëty ja wiink ayuk. Ko yajkajpxtë'kxy, ënät jëtu'un tyuny ko ënety yajkäjpxy ja wiink ayuk ets wyimpätëty ja mëpëjkpëtëjk ja myëpëjkënëty.

1 Corintios 14:13

Jëtu'unts, pën kyäjpxyp ja wiink ayuk, wä'än t'amëtoy ja Dios ets tkajpxtë'kxëty mëti'ipë kyäjpxypën.

1 Corintios 14:28

E pën ka'ap jam mëti'ipë kyajpxtë'kxëpën ma ja mëpëjkpëtëjkëtyën, nikë oy ko ka'ap pën tkajpxëty ja wiink ayuk, këëk'ayuk tyimkajpxtëty ets ja Dios atu'ukjaty xymyëkajpxtëty.