1 Corintios 14:26 - Biblia Dc en Mixe de Quetzaltepec

²⁶ Mëku'uktëjkëty. Ko miits mye'eymyuktëty, jyëkyejpy jam pënëty y'ëwtëty, yaj'ijxpëktëty, nimëtya'aktëty ja Dios ja y'aaw y'ayuk, tkajpxtëty ja wiink ayuk ets wiinkpë tyajniwijtëty. Je'eyëp ko yë'ë mëti'ipë ni'ëmukë yajtuk'oy'atëpën.

Biblia Mixe de Quetzaltepec

²⁶ Mëku'uktëjkëty. Ko miits mye'eymyuktëty, jyëkyejpy jam pënëty y'ëwtëty, yaj'ijxpëktëty, nimëtya'aktëty ja Tios ja y'aaw y'ayuk, tkajpxtëty ja wiink ayuk ets wiinkpë tyajniwijtëty. Je'eyëp ko yë'ë mëti'ipë ni'ëmukë yajtuk'oy'atëpën.

1 Corintios 14:26 ပူးပေါင်းရင်းမြစ်များ

Efesios 5:19

Nämyëkajpxëtë nixim niyam mëët ja tsajpkäjpxy, ëwtë ya'axtë ets tukxoonta'aktë mëti'ipë ja Dios yajmëjnajxypën.

Romanos 14:19

Wä'än yë'ë n'ixta'ayëmë wi'ix npatmëtyën ja jotkujk'ajtën ets nnäpyutëjkëmëty nixim niyam wi'ix nwinpäjtmëtyën ma ja mëpëjkën.

1 Tesalonicenses 5:11

Paaty, näyjyotmëkwinkajpxëtë ets näyjyotmëkmo'ojëtë nixim niyam, jëtu'un ijxtëm jam xytyuntën.

Efesios 4:16

Mëët ja Kristë oy y'ity ja ni'kx kopk ets tu'ukyë nyämyajts'ijta'ayë; ko aak'oy tyuunta'ay oy ni'ëmukë yääktë pyätë ets tyajmëjtëkëtë ja nätsyok näjyawë.

Efesios 4:29

Ka'ap y'ëk'ëxëëk kajpxnëty, yë'ë kyajpxëp myëtya'akëp ja oypyë ja aaw ayuk mëti'ipë tyukmëjnaxëpën ja naax kajpn ets tuk'oy'atëty ja ja'ay ko tmëtowtëty.

2 Corintios 13:10

Jëtu'unts miits tyam nnijäyëtë naamka'anëmës nnëjkxy ma miitsëtyën ets këtiipë nëkoo mëk xyjyawëtëty ja kuttujkën mëti'ipës ja Wintsën të xymye'eyën. Ka'ap yë'ëjëty ets nyajkutëkoytyëty; yë'ë ets miits mwinpätëty mëpëjkënkyëjxm.

2 Corintios 12:19

¿Wä'än jëtää miits mmaytyë mtajtë? ko mä'kxën yam mpëjktsoowtëpës ma miitsëtyën, je'eyëp ko ka'ap jyëtu'unëty. Dios wyintuuy wyinkujk ëëts nkajpxtë nmëtya'aktë ijxtëm ja Kristë të xymyo'otënës ja aaw ayuk. Mëku'uktëjkëty mëti'ipës ni'ik ntsojktëpën, tu'kë'ëyë mëti'ipës ntuuntëpën, yë'ëkyëjxm ets miits mwinpätëty ma ja mmëpëjkënëtyën.

1 Corintios 14:40

Tuntë tu'kë'ëyë winë oy tsuj, në'ëwitsy tu'uwitsy.

Efesios 4:12

Jëtu'un tuknipëjktakëy ets tja'akyukëtëty ja Dios ja jyä'ä ets tja'akyukëtëty wi'ix ja Dios tmëtuntëtyën ets jyotmëkpëktëty mëti'ipë mëpëjktëpën, mëti'ipë ijtëpën ijxtëm ja Kristë nyi'kx kyopkën

1 Corintios 14:27

E ko pën tkajpxëty ja wiink ayuk, jam'atëp nimäjtsk ëkë nitëkëëk ja ja'ay mëti'ipë jyä'äkyukëtëpën ets nätyu'ukjaty ja ja'ay kyajpxtëty ets kopkpëky ko pën tkajpxtë'kxëty wi'ix ënety nyiwijyën.

Romanos 1:13

Tyam ntuknijawëtë mëku'uktëjkëty, ko tëëjës kanaak ok njatuknipëjktaakë ets të njaninëjkxa'antë ets nni''ixa'antë, je'eyëp ko xëmës ja ëtujkpë të npaaty. Yë'ës njatsojkpy ets ja Dios tyajkutukëty etsës n'ixa'any wi'ix ja Dios tyunyën ma miitsëtyën jëtu'un tääjës të n'ixyën wiinktsow muum ma ka'ap jyutiis kajpnëtyën.

Romanos 12:7

Pën ja tuunk të yajmo'oyën ets tmëtunëty ja myëku'uk, wä'än oy tuny; mëti'ipë yaj'ijxpëjkpën, wä'än tyaj'ijxpëky;

Romanos 15:2

Ni'ëmukë ëëts xypyaat'ajtëmë ntukjotkëtakmëty ja nmëku'uk'ajtëmë ets tuk'oy'atëty wi'ix wäänë oy tmëpëktëty ja Kristë.

1 Corintios 14:2

Pën ja wiink ayuk kyajpxtëp, Dios ja myëkajpxtëp, ka'ap jyä'äyëty; ka'ap pën twinmëtoy mëti'ipë kyajpxtëpën, jä'ä ko Kënu'kxymyëkajtën yajkajpxëtëp.

1 Corintios 14:15

¿E tiis ntuunta'akëp? Yë'ë tsojkëp etsës Dios n'amëtow npëjktsowëty ets nja'akyukëtyës mëti'ipës nkäjpxypën.