1 Corintios 14:2 - Biblia Dc en Mixe de Quetzaltepec

² Pën ja wiink ayuk kyajpxtëp, Dios ja myëkajpxtëp, ka'ap jyä'äyëty; ka'ap pën twinmëtoy mëti'ipë kyajpxtëpën, jä'ä ko Kënu'kxymyëkajtën yajkajpxëtëp.

Biblia Mixe de Quetzaltepec

² Pën ja wiink ayuk kyajpxtëp, Tios ja myëkajpxtëp, ka'ap jyä'äyëty; ka'ap pën twinmëtoy mëti'ipë kyajpxtëpën, jä'ä ko Kënu'kxymyëkajtën yajkajpxëtëp.

1 Corintios 14:2 ပူးပေါင်းရင်းမြစ်များ

Marcos 16:17

Ja ja'ay mëti'ipë mëpëjktëpën, yë'ë tyuntëp: Ëjts mëët yë nxëëw nëjkx t'ixkäxtëty ja ku'oypyë; kyajpxtëp ja wiink ayuk;

Hechos 19:6

Ënet ja Pablo ja ja'ay ojts tkë'ënixajy ets ja Dios ja myëjaaw myëk'ajtën tyukëtakëtë. Ënet ojts tkajpxtë wiinkëtypë ja ayuk ka'apë yajwinmëtoyën ets ja Dios ja y'aaw y'ayuk tnimëtyakëtë.

Hechos 10:46

ojts tmëtowtë ko tkajpxtë ja wiink ayuk ets ja Dios tmëjja'awëtë tjaantyja'awëtë.

1 Corintios 13:2

Oyës ja Dios ja y'aaw y'ayuk njanikajpxë ëkë oyës njaja'akyujkëtyä'äy mëti'ipë ja ja'ay nyija'awëtëp kyanija'awëtëpën, ets oyës mëk njamëët'aty ja mëpëjkën ets ja kopk nyajnëjkxëtyës wiinktsow ets pën ka'apës ja nmëku'uk ntsoky njawë, nitiijës nkakëjxmëty.

1 Corintios 2:10

Ya'atë jëtu'un ja Dios të xytyuknija'awëmë mëët ja Kënu'kxymyëkajtën, jä'ä ko ja Kënu'kxymyëkajtën, yë'ë nyija'awëtyääpy winë, yë'ëpaat mëti'ipë yë Dios myääpy tyäjpyën.

Apocalipsis 10:7

Ko ënety ja mëwëxtujkpë ja tsajpjotmëtë kukäjpxy ja pujxnxuxn tukxu'uxy, jëtu'un nëjkx y'atëy mëti'ipë ja Dios ënety yu'utsy yaj'ijtypyën, mëti'ipë ja kyäjpxynyajxpëtëjk ojts tëëyëp tnikäjpxy tnimëtyaktën.

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Dios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

1 Timoteo 3:9

Ja tëyajtën tyuk'o'kpätëp mëti'ipë të nnija'awëmën ko të nmëpëjkëmë ets wa'ats tmëët'atëty ja jot winma'any.

Colosenses 2:2

Paatyës jëtu'un ntuny jä'äkyëjxm koos ntsoky ets ni'ëmukë mjotmëkta'aktëty ets m'itëty tu'ukyë mëët ja nitsokën ets xymyëët'atëty kä'pxy ja wijyajtën kejyajtën, jëtu'unts xyjyä'äkyukëtëty xymyëtoowkukëtëty ja Dios ja jyä'ä mëti'ipë ijty kayajnija'apën, yë'ë jëtu'un ja Kristë.

Efesios 6:19

Tuknija'amyäjtsëtëkës ja Dios, ets ja Dios ja aaw ayuk xymyo'ojëtyës mëti'ipës nimëtya'akëpën, etsës amëk jotmëk nkajpxëty ets ja ja'ay ntuknijawëtyës ja oy'aaw oy ayuk, mëti'ipë ijty kayajnija'apën.

1 Corintios 15:51

E yë'ëjës ntsojkpy ets miits xynyijawëtëty mëti'ipë ijty ka'ap yajnijawën, ka'ap nëjkx ni'ëmukë n'o'këmë, je'eyë nëjkx ni'ëmukë ntëkajtsëmë,

1 Corintios 2:7

Yë'ë yajtijp ja Dios ja wyijy'ajtën kyejyajtën mëti'ipë ijty kayajnija'apën, mëti'ipë ja Dios tyuknipëjktakëyën tëëyëp ma ja naaxwiinyëtë ënety ka'ap tyajkojynyëmën ets ëëtsajtëm ntuk'oy'ajtmëty.

Romanos 16:25

Nmëjja'aw njaantyjya'awëm ja Dios. Wä'än yë'ë mputëkëtë ets tu'ukyë xymyëpëktëty ja oy aaw oy ayuk mëti'ipës të nkajpxwä'kxyën. Näy yë'ë mëti'ipë ja Dios ja ja'ay tyuknija'awëyën mëti'ipë ijty kayajnija'apën ma kanaak xëëw kanaak jëmëjt të y'ityën,

Hechos 22:9

Y'ijxtë ja nmëku'uktëjkës ja ajajk atë'kxk, je'eyëp ko kä'äp tja'akyujkëtyë wi'ixës nyajnëmaayën.

Marcos 4:11

Tääts ja Jesús y'ënëmaayëtë: Miitsëty tëë ja Dios mtuknijawëtë mëti'ipë ijty kayajnija'apën; temë mëti'ipë jëkäm yajpatëpën mëët ja ijxpäjtën winë yajtukmëmëtya'aktë.

Mateo 13:11

Tääts ja Jesús y'ëtsoowëtë: Miitsëty tëë ja Dios mtuknijawëtë mëti'ipë yu'utsy myëët'ajtypyën jam ma tsajpjotmëpë kutujkënën, e yë ja'ayëty ka'ap tnijawëtë.

Salmos 78:2

Yë'ëjës yam nkajpxäämpy nmëtya'akäämpy yë winma'any tsipë etsës yam nikajpxa'any tëkokyë mëti'ipë yu'utsy'ijtpën, mëti'ipë ka'ap pën të tnijawën tëëyëp ets tyampaat.

Deuteronomio 28:49

Jëkäm yë Dios tyajtsoona'any yë naax kajpn, mëti'ipë poj'am mtukja'tëtëpën tä tu'uk yë witsnën; ja aaw ayuk mëti'ipë kyajpxtëpën, ka'ap nëjkx xywyinjawë;

Génesis 42:23

Yë'ëjëty ka'ap ënety nijawëtë ko ja José wa'ats tja'akyukë mëti'ipë myëtyaktëpën, yë José wiink ayuk ënety tyukmëkäjpxyp ja y'äjtytyëjk, ëpëky tmëëtëty ja wiinkpë ja ja'ay mëti'ipë kajpxwatsëyëpën ja y'ayuk.

Génesis 11:7

Nikë tim oy'atëp yowë ko yë y'ayukëty ntimyajnäyjyo'pëmëty, këtiipë nyäjyä'äkyukëtëty yë'ëjëty.

1 Corintios 14:16

Ko mijts ja Dios xy'ëwtatëty ets xyajtunëty ja wiink ayuk, ets ja wiink ja'ay tmëtowëty ko tam ja Dios xymyëkäjpxy, ka'ap tjëkyepy mpukajpxëtëty jä'ä ko ka'ap ënety tja'akyukë mëti'ipë mjakäjpxypën.

2 Reyes 18:26

Tääts ja Eliaquim, Sebná ets ja Joah t'ëtsoowtë ja Asiria tsiptuunpë: Tun yë mëyajtën harameo ayuk tukmëkajpxtëkës, ëëtsëty wa'ats nja'akyukëtëty, këtiis xymyëkajpxtë mëët yë hebreo ayuk jä'ä ko yë ja'ayëty mëti'ipë jam potsykyëjxm ku'ijxnajxtëpën wa'ats jam tmëtowtë.

1 Corintios 12:10

Tää mëti'ipë kuttujkën yajmooytyëpën ets mëj'ajtën tyaj'ixëtëty, tää mëti'ipë käjpxynyajxtëpën. Tää wiinkpë mëti'ipë yajmooytyën yë mëj'ajtën ets nijawëtëty mëti'ipë Kënu'kxymyëkajtën oy ets ka'oyën, tä mëti'ipë wiink ayuk kyajpxtëpën ets mëti'ipë je'eyë jyä'äkyujkëtëpën.

1 Corintios 12:28

Dios të tuknipëjktakëtyä'äy nitu'ukjaty tiijaty tyuntëpën: tam mëti'ipë Jesús y'ijxpëjkpë'ajtypyën, käjpxynyajxpën, yaj'ijxpëjkpën; nän tää mëti'ipë ja mëj'ajtën tyuuntëpën, mëti'ipë ja pa'amja'ay yajtsoktëpën, mëti'ipë ja ja'ay pyutëjkëtëpën, mëti'ipë ënä'ämtëpën, mëti'ipë ja tuunk yajmooytyëpën ets ja wiink ayuk tkajpxtëty.

1 Corintios 13:1

Oyës njakäjpxy ja ayuk mëti'ipë ja naaxwiinyëtë ja'ay kyajpxtëpën, ëkë oyës njakäjpxy ja ayuk mëti'ipë ja tsajpjotmëtë kukäjpxy kyajpxtëpën, pën ka'apës ja njëëky nmëku'uk ntsoky njawë, jëtu'un tpaaty ijxtëm pujxn ja'ay twinwopyën ëkë ijxtëm pujxntexy je'eyë nëkoo nye'emyën.

1 Corintios 14:26

Mëku'uktëjkëty. Ko miits mye'eymyuktëty, jyëkyejpy jam pënëty y'ëwtëty, yaj'ijxpëktëty, nimëtya'aktëty ja Dios ja y'aaw y'ayuk, tkajpxtëty ja wiink ayuk ets wiinkpë tyajniwijtëty. Je'eyëp ko yë'ë mëti'ipë ni'ëmukë yajtuk'oy'atëpën.