1 Corintios 14:16 - Biblia Dc en Mixe de Quetzaltepec

¹⁶ Ko mijts ja Dios xy'ëwtatëty ets xyajtunëty ja wiink ayuk, ets ja wiink ja'ay tmëtowëty ko tam ja Dios xymyëkäjpxy, ka'ap tjëkyepy mpukajpxëtëty jä'ä ko ka'ap ënety tja'akyukë mëti'ipë mjakäjpxypën.

Biblia Mixe de Quetzaltepec

¹⁶ Ko mijts ja Tios xy'ëwtatëty ets xyajtunëty ja wiink ayuk, ets ja wiink ja'ay tmëtowëty ko tam ja Tios xymyëkäjpxy, ka'ap tjëkyepy mpukajpxëtëty jä'ä ko ka'ap ënäty tja'akyukë mëti'ipë mjakäjpxypën.

1 Corintios 14:16 ပူးပေါင်းရင်းမြစ်များ

1 Reyes 1:36

Tä ja Benaías, ja Joiadá ja myaank t'ëtsooy ja yajkutujkpë: Oy jyëtu'un'atëty, pën jëtu'un ja Wintsën të tni'ënä'ämë, mëti'ipë mijts yajkutujkpë m'ëwtajtypyën.

1 Crónicas 16:36

Kënu'kxy mëjjawë ja Wintsën ja xyëëw y'itëty, mëti'ipë yë Israel ja'ayëty y'ëwtajtëpën xëmëkyëjxm. Tä ja naax kajpn y'ëtsooy: Jëtu'un'atëp ets tukxoontaktë ja Wintsën.

Nehemías 5:13

Ojtsës ja nwit jam njeny etsës nwinxijty nwinkä'äy, täätsës n'ënëmaay ja mayjyä'äy: Jëtu'un ja ja'ay nëjkx yajwinxity yajwinkä'äy ja jyuukyajtën jam muum jëkäm mëti'ipë ënety ëxëëk ja jyiiky myëku'uk tyuunpyën mëti'ipë ka'ap tpatunyën ja y'aaw y'ayuk mëti'ipë tyam të xykyë'ëyaktën ets yajpëjkëtya'ajëty winë mëti'ipë jam myëët'ajtypyën. Tä ja mayjyä'äy y'ëtsoowtë: Oy jyëtu'un'atëty, tääts twin'ëëw twinyaxtë ja Wintsën. Ja naaxja'ay kajpn ja'ayëty ojts tkuuytyuntë ja y'aaw y'ayukëty,

Nehemías 8:6

Ënet ja Esdras tyëjkëy ëëpë xoontakpë tyajnaxy ja kukkajpxën ja'awëkyëtakkën ma ja Wintsënën, mëti'ipë Tios'ajtpën, mëti'ipë maaytyääyëpën winë, ets ja ja'ay y'ëtsoowtaaytyë ets xyajjë'ktaaytyë: Jëtu'un, jëtu'un, Tääts nyäkyoxtënaaytyakëtë ets t'ëwtajtë ja Wintsën.

Salmos 106:48

Kënu'kxy yë Wintsën yë xyëëw y'itëty, mëti'ipë yë Israel ja'ay Tyios'ajtëpën xëmëkyëjxm. Wä'än ni'ëmukë t'ënaanta'atë: Oy'atëp jëtu'un. Tukxoontä'äky mëjjawë Dios yë xyëëw nyaxëty.

Salmos 41:13

Kënu'kxy yë Wintsën y'itëty mëti'ipë yë Israel y'ëwtajtypyën tyam ets xëmëkyëjxm. Jëtu'un'atëp.

Salmos 72:19

kënu'kxy mëjjawë xëmë y'itëty yë myëjxëëw. Wä'än yë naaxwiinyëtë tyajpaaty mëët yë myëj'ajtën y'oyajtën. Ets jëtu'un tyunëtëty jyatëtëty.

Salmos 89:52

Kënu'kxy mëjjawë yë Wintsën xëmë y'itëty. Jëtu'un, jëtu'un y'itëty.

Jeremias 11:5

Koos xymyëmëtowtëty, ëjts ntunäämpyës tu'kë'ëyë mëti'ipës ojts ja m'ap m'ok ntukwinwanëtën, koos n'ënëmaaytyë nmo'oja'antës tu'uk ja it naaxwiinyëtë ma ja tsi'tsknëë ets uuxpa'ak pyëyi'ikyën tä nëëjën, ijxtëm tyam xymyëët'atën. Ets ojts n'ëtsoyës ja Wintsën, oy'atëp.

Jeremias 28:6

Oy jëtu'un tä m'ëna'anyën jääpëk yë Wintsën t'ëktuny, oy'ajtp jeexyë ko wyimpitëty yë apëjk atu'unën mëti'ipë jap tsajptëkoty pëtsëëmën ets näjyëtu'un wyimpijta'atëty yë ja'ayëty mëti'ipë ojts tsumy matsy yajmënëjkxtën jam Babilonyë.

Mateo 15:36

ets tkoonë'ky ja wëxtujkpë ja tsajpkääky ets ja ajkx. Ko ja Dios tkukajpxëy, tääts ojts tujkwä'kxy ets tmooy ja y'ijxpëjkpëtëjk. Ja y'ijxpëjkpëtëjk jä'ä kyumaaytyë ja mayjyä'äy.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

Mateo 6:13

Ka'ap mëpaat ëxëëk n'ëtë'ëtstë n'ëna'antës, ni'ikyës jap xyjyuutëty ma ja ëxëëkpën.

Marcos 16:20

Tääts ja y'ijxpëjkpëtëjk tsyo'ontë ets ojts tkajpxwa'kxtë ja Dios ja y'aaw y'ayuk oy tyimmaajëty. Wintsën Jesukristë ojts pyutëkëtë ets ja ja'ay tuk'ijxtëty tuknijawëtëty ko tyiyëty jyääntyëty mëti'ipë kyajpxtëpën, jä'ä ko tuntë winë mëët ja Dios ja myëj'ajtën.

Juan 21:25

May ja Jesús ojts winë tjaaktuny mëti'ipë ka'ap kyëxja'ayëtyën ma ya'atë nokyën. Ko jeexyë të yajkujaaytyä'äy, ni kyanipaatë jeexyë ja naaxwiinyëtë mëët ja maynyoky mëti'ipë yajjääpyën.

Juan 7:15

Ja jutiis ja'ayëty mëj ixy t'ijxtë, paaty y'ënantë: ¿Wi'ix jëtää ya'atë ja'ay winë timynyijawë ets ka'ap të y'ijxpëky?

Hechos 4:13

Ko ja kutuunktëjkëty t'ijxtë ko amëk jotmëk kyajpxtë ja Pedro ets ja Juan ets ko tnijawëtë ko ka'ap ënety maa të tni''ijxpëkëtë, mëjmëtoy ojts tmëtowtë; ënät nija'awëtyë ko yë'ë ja Jesús ja y'ijxpëjkpë.

1 Corintios 11:24

Ets ojts ja Dios tkukajpxë, ënät ojts tujkwä'kxy ets y'ënäny: Ëjts ya'atë nxixy, mëti'ipë o'kpën ets miits xytyuk'oy'attëty. Mtuntëp ya'atë etsës xyjyä'ämyätstëty.

1 Corintios 14:14

Pën ëjts Dios mëkajpxpës mëët ja wiink ayuk, ja njot nja'awënës ënety mëët ja Dios nja'amyetsy, je'eyëp ko ka'apës nwinmëtoy mëti'ipës nkäjpxypën.

1 Corintios 14:2

Pën ja wiink ayuk kyajpxtëp, Dios ja myëkajpxtëp, ka'ap jyä'äyëty; ka'ap pën twinmëtoy mëti'ipë kyajpxtëpën, jä'ä ko Kënu'kxymyëkajtën yajkajpxëtëp.

1 Corintios 16:24

Xëmë miits nja'amyätstë mëët ja tsojkën ja'awën mëti'ipë ja Kristë Jesús yäjkpyën.

2 Corintios 1:20

ma yë'ë tëë tyuunta'ay jyajta'ayë mëti'ipë ja Dios wyaantakën. Paaty ko ja Dios nmëjja'aw njaantyja'awëmë, jëtu'un n'ëna'anëmë: Tëy jëtu'un mëët yë Kristë Jesús yë xyëëw.

Apocalipsis 22:20

Mëti'ipë ya'atë nyikäjpxypën, jëtu'un y'ënä'äny: Tsojk mminëty. Min Wintsën Jesús, tsojk min.

Apocalipsis 5:14

Ets ja nimajktaxkpë juuky'ajtpë y'ëtsoowtë: Tëy jëtu'un. Tääts ja i'px taxkpë mëjja'aytyëjk nyäkyoxtënaaytyakëtë ets twintsë'këtyë ets t'ëwtajtë.

Apocalipsis 7:12

ets y'ëna'antë: Tëy jëtu'un. Ja mëjja'awën jaanty ja'awën, ja wijyajtën kejyajtën, ja mëj'ajtën jaanty'ajtën, ja kukajpxën, ja wintsë'kën, ja mëk'ajtën ets ja mëjaaw, yë'ë tu'kë'ëyë yajmooytya'ajëp xëmëkyëjxm ja nTios'ajtëmë. Jëtu'un y'itëty