1 Corintios 14:15 - Biblia Dc en Mixe de Quetzaltepec

¹⁵ ¿E tiis ntuunta'akëp? Yë'ë tsojkëp etsës Dios n'amëtow npëjktsowëty ets nja'akyukëtyës mëti'ipës nkäjpxypën.

Biblia Mixe de Quetzaltepec

¹⁵ ¿E tiis ntuunta'akëp? Yë'ë tsojkëp etsës Tios n'amëtow npëjktsowëty ets nja'akyukëtyës mëti'ipës nkäjpxypën.

1 Corintios 14:15 ပူးပေါင်းရင်းမြစ်များ

Salmos 47:7

Tukkuuy'ëwtë yë Dios oyëtypë ëy ets aaw ayuk oyëtypë yajmëtoyën, jä'ä ko yë'ë yajkutujkp ma tëkokyë yë naaxwiinyëtë y'ëwtityën.

Hechos 21:22

¿Wi'ix yë'ë ntu'unmëty? Nyijawëtëp ënät yë ja'ayëty ko tëë mja'ty.

Romanos 1:9

Dios, mëti'ipës ëmuumtu'ukjot nmëtuumpyën ets nnikäjpxy nnimëtyä'äkyës ja y'u'unk, yë'ë y'ijxyp nyija'ap ko miits xëmë nja'amyätstë koos ja Dios nmëkäjpxy.

Romanos 3:5

E pën ëxëëk ëëts winë të ntu'unëmë ets tyajnikëxë'ëky ko mëtëy yë Dios winë tuny, ¿Wi'ix na'ëna'anmëty? ¿Ko Dios ka'ap tii oy tuny ko xytyukkëpäjtëm ja mpoky'ajtëmë? Jëtu'unës yam nkäjpxy ijxtëm ja naaxwiinyëtë ja'ay myäy tyäjyën.

Romanos 8:31

¿Tii ënät njaaktimkyajpxmëp? Pën Dios mëët ëëtsajtëm, ni pën xykyamëmëtakmëty.

1 Corintios 10:19

Ka'apës n'ëna'any ko ja awinax mëk'ajtën tmëëtëty ëkë ja tsu'utsy mëti'ipë ënety ja awinax të yajtukwintsë'ëkën ka'ap jyëtu'unëty ijxtëm ja wiinkëtypë ja tsu'utyën.

1 Corintios 14:14

Pën ëjts Dios mëkajpxpës mëët ja wiink ayuk, ja njot nja'awënës ënety mëët ja Dios nja'amyetsy, je'eyëp ko ka'apës nwinmëtoy mëti'ipës nkäjpxypën.

1 Corintios 14:19

je'eyëp ko ma ja mëpëjkpëtëjkën, nikë oyës je'eyë mëkoxk aaw nkajpxpëtsëmëty ets yajja'akyukëp këtiinëm koos majk mil aaw ayuk nkajpxnajpxëty ets ni pën tkaja'akyukëty.

1 Corintios 14:26

Mëku'uktëjkëty. Ko miits mye'eymyuktëty, jyëkyejpy jam pënëty y'ëwtëty, yaj'ijxpëktëty, nimëtya'aktëty ja Dios ja y'aaw y'ayuk, tkajpxtëty ja wiink ayuk ets wiinkpë tyajniwijtëty. Je'eyëp ko yë'ë mëti'ipë ni'ëmukë yajtuk'oy'atëpën.

Efesios 6:18

Këtii xy'ëxmatstëty ja Dios ja'amyäjtsën, mënu'kxta'aktë ets amëtowtë pëjktsowtë ja Dios xëmë, wi'ix ja Kënu'kxymyëkajtën mwinma'anymyo'ojëtëty. Jëjp'ixy näyaj'itëtë. Xëmë ninu'kxta'aktë ja Dios ja kyajpn.

Filipenses 1:18

Tiijës nkëwentëty, wä'än tmëtëy tkamëtëyëty, yë'ë kopkpëky ko ja Kristë yajkajpxwä'kxy. Yë'ës ntukxoontäkpy ets njaaktimtyukxoontäkpyës wäänëni'ik,

Colosenses 3:16

Wä'än xëmë t'ity mjootjoty mwinma'anyjyotyëty ja Kristë ja y'aaw y'ayuk. Neykajpxwijëtë ets näjyotmëkwinkajpxëtë nixim niyam mëët tu'kë'ëyë ja mwijy'ajtënëty mkejy'ajtënëty ets kuuy'ëwtë ja Dios, mmëjjaw jaantyjyawëtë.

Santiago 5:13

Pën jam pën myony tyuk ma miitsëtyën, wä'än ja Dios tja'amyetsy. Pën jam pën akujk jotkujk yajpaaty, wä'än ja Dios tkuuy'iy.

Judas 1:20

E miits, mëku'uktëjkëty, yaj'itë tu'ukyë ja mmëpëjkënëty. Jëëytya'ak nu'kxta'aktë, jëtu'un ijxtëm ja Kënu'kxymyëkajtën mtu'uwinwowëtën.