1 Corintios 14:13 - Biblia Dc en Mixe de Quetzaltepec

¹³ Jëtu'unts, pën kyäjpxyp ja wiink ayuk, wä'än t'amëtoy ja Dios ets tkajpxtë'kxëty mëti'ipë kyäjpxypën.

Biblia Mixe de Quetzaltepec

¹³ Jëtu'unts, pën kyäjpxyp ja wiink ayuk, wä'än t'amëtoy ja Tios ets tkajpxtë'kxëty mëti'ipë kyäjpxypën.

1 Corintios 14:13 ပူးပေါင်းရင်းမြစ်များ

1 Corintios 12:30

ka'ap ni'ëmukë ja pa'amja'ay tyajtso'oktë, ka'ap ni'ëmukë tkajpxtë ja wiink ayuk, nän ka'ap ni'ëmukë twinjawëtë ja wiink ayuk.

Marcos 11:24

Paaty miits n'ënëëmëtë, pën tii Dios m'amëtoowtëp jëtu'un mmaytyë tajtë ko myajmo'ojantëp, ets myajmo'otëty.

1 Corintios 12:10

Tää mëti'ipë kuttujkën yajmooytyëpën ets mëj'ajtën tyaj'ixëtëty, tää mëti'ipë käjpxynyajxtëpën. Tää wiinkpë mëti'ipë yajmooytyën yë mëj'ajtën ets nijawëtëty mëti'ipë Kënu'kxymyëkajtën oy ets ka'oyën, tä mëti'ipë wiink ayuk kyajpxtëpën ets mëti'ipë je'eyë jyä'äkyujkëtëpën.

Hechos 8:15

Ko jam jyajtë, ënät tuknija'amyäjtsëtë ja samaariëtë ja'ayëty ja Dios ets t'ëxajëtëty ja Kënu'kxymyëkajtën.

Hechos 1:14

Ni'ëmukë ijty xëmë ye'eymyuktë ets ja Dios tja'amyätstë mëët ja Jesús ja myëkä'äx ets ja Maria mëti'ipë Jesús tyaak'ajtypën ets ja to'oxytyëjkëty wiinkëtypë mëët.

1 Corintios 14:12

Paaty, ko miitsëty yë'ë mtsojkën'ajtëp ja tuunk mëti'ipë ja Kënu'kxymyëkajtën yäjkpyën, yë'ë mëmay mëët'ajtëp mëti'ipë mtukputëkëtëpën ja mëpëjkpëtëjkëty ets ja myëpëjkën wyimpätëty.

1 Corintios 14:14

Pën ëjts Dios mëkajpxpës mëët ja wiink ayuk, ja njot nja'awënës ënety mëët ja Dios nja'amyetsy, je'eyëp ko ka'apës nwinmëtoy mëti'ipës nkäjpxypën.

1 Corintios 14:26

Mëku'uktëjkëty. Ko miits mye'eymyuktëty, jyëkyejpy jam pënëty y'ëwtëty, yaj'ijxpëktëty, nimëtya'aktëty ja Dios ja y'aaw y'ayuk, tkajpxtëty ja wiink ayuk ets wiinkpë tyajniwijtëty. Je'eyëp ko yë'ë mëti'ipë ni'ëmukë yajtuk'oy'atëpën.