1 Corintios 14:1 - Biblia Dc en Mixe de Quetzaltepec

¹ Yajtu'uye'etyë ja oyjyot oywyinma'any, tsojkën'atë ja tuunk mëti'ipë ja Kënu'kxymyëkajtën yäjkpyën, jä'ä wäänëni'ik m'amëtowtëp ja Dios ets ja y'aaw y'ayuk xykyajpxwa'kxëtëty.

Biblia Mixe de Quetzaltepec

¹ Yajtu'uye'etyë ja oyjyot oywyinma'any, tsojkën'atë ja tuunk mëti'ipë ja Kënu'kxymyëkajtën yäjkpyën, jä'ä wäänëni'ik m'amëtowtëp ja Tios ets ja y'aaw y'ayuk xykyajpxwa'kxëtëty.

1 Corintios 14:1 ပူးပေါင်းရင်းမြစ်များ

Proverbios 15:9

Dios ka'ap nijënu'un t'oy'ixy wi'ix yë ëxëëkja'aytyëjk y'ëtë'ëtstën y'ëna'antën; e tsyojkpy mëti'ipë mëtëy juukyajtpën.

Proverbios 21:21

Mëti'ipë y'ixtääpyën ja tëy'ajtën ets mëtëypyë, pyätyp ja juuky'ajtën ets mëj'ajtën.

Isaías 51:1

Jëtu'un ja Wintsën y'ënä'äny: Mëtowtë ya'atë aaw ayuk miitsëty ninu'un xytsyojkën'atën ja oypyë juukyajtën Ixtë ja tsaa maa ojts yajnëpu'uyën ets maa ojts yajmëpëtsëmyën.

Romanos 12:6

Këëkjä'ä ja Dios ja tuunk të xymyo'oyëmë wi'ix tii nitu'ukjaty ntu'unmëtyën. Tam mëti'ipë të yajmo'oyën ja tuunk ets tkajpxwa'kxëty ja Dios ja y'aaw y'ayuk, wä'än jëtu'un tuny ijxtëm tmëëtëtyën ja mëpëjkën.

Romanos 14:19

Wä'än yë'ë n'ixta'ayëmë wi'ix npatmëtyën ja jotkujk'ajtën ets nnäpyutëjkëmëty nixim niyam wi'ix nwinpäjtmëtyën ma ja mëpëjkën.

Romanos 9:30

¿Wi'ix na'ëna'anmëty? Mëët ko të myëpëktë ja ja'ayëty mëti'ipë ka'ap jyutiis'atën, tëë ja Dios yajpokywya'atsëtë mëti'ipë ënety ka'ap t'ixta'atën ja oypyë ja nipaye'eyënë.

1 Corintios 12:1

Mëku'uktëjkëty, yë'ëjës ntsojkpy ets miits xynyijawëtëty ko ja Kënu'kxymyëkajtën tyäky kanaakjëjp ja tuunk.

1 Corintios 12:31

Yë'ë miits tsojkën'atë ets ja Dios mmo'ojëtëty ja tuunk mëti'ipë wäänë oy ets tyam miits ntuk'ëwaanëja'antë ja në'ë tu'u mëti'ipë wäänë oyën.

1 Corintios 13:13

Tëkëëk ja mëti'ipë tim kopkpëkyën: ja mëpëjkën, ja jëjp'ijxën ets ja tsojkën ja'awën; je'eyëp ko mëti'ipë wäänë kopkpëkyën ma ya'atë tëkëëkpën, yë'ë ja tsojkën ja'awën.

1 Corintios 13:2

Oyës ja Dios ja y'aaw y'ayuk njanikajpxë ëkë oyës njaja'akyujkëtyä'äy mëti'ipë ja ja'ay nyija'awëtëp kyanija'awëtëpën, ets oyës mëk njamëët'aty ja mëpëjkën ets ja kopk nyajnëjkxëtyës wiinktsow ets pën ka'apës ja nmëku'uk ntsoky njawë, nitiijës nkakëjxmëty.

1 Corintios 14:22

Ko ja ja'ay ja wiink ayuk tkäjpxy, jä'ä yë'ë ets ja ja'ay yajtuk'ixtëty mëti'ipë ka'ap ja Dios tmëpëktën, ka'ap yë'ëjëty ets yajtukmëtowtëty yë mëpëjkpëtëjkëty. E ko ja ja'ay yajtukmëmëtyä'äky ja Dios ja myëj'ajtën, jä'ä yë'ë ets ja mëpëjkpëtëjk yajtuk'ixtëty, ka'ap yë'ëjëty mëti'ipë ka'ap myëpëktën.

1 Corintios 14:37

Pën jam pën nitu'uk nyäjyawëty ko Dios käjpxynyajxpë ëkë ko Kënu'kxymyëkajtën winma'anymyooyëp, nyijawëp ko mëti'ipë yam ntuknija'ayëtëpën Dios jëtu'un të tni'ënä'ämë.

1 Corintios 14:39

Jëtu'un mëku'uktëjkëty, yë'ë tsojkën'atë ets xykyajpxwa'kxtëty ja Dios ja y'aaw y'ayuk ets ka'ap xy'akajpxtuktëty ko ja wiink ayuk yajkajpxëty.

1 Corintios 16:14

Ets tu'kë'ëyë mëti'ipë mtuuntëpën, winë aaw winëjot tii xytyuntëty.

Efesios 1:3

Mëjjaw jaantyjawë nyäxy ja Dios, mëti'ipë yë Wintsën Jesukristë Tyeety'äjtypyën. Tëë xykyënu'kxëmë ko tu'ukyë nyajpatëmë mëët ja Kristë ets të xytyuknikäjxëmë ja kyënu'kxën ma y'ityën tsajpjotm.

1 Tesalonicenses 5:20

Këtii xy'ixtijtëty ja käjpxynyajxpëtëjk ja tyuunkëty.

1 Timoteo 4:14

Këtii ja mtuunk xyajtëkoyëty mëti'ipë mëët'ajtypyën, mëti'ipë ja Dios të mmo'oyën ets käjpxynyajxpë m'itëty ko ojts ja mëjja'aytyëjk mkënu'kxyë.

1 Timoteo 5:10

Yajnija'awëp ko oy ënety winë tuny, pën tëë ja y'u'unk y'ëna'k tsuj tyajyeeky, pën tëë ja ja'ay oy tsuj tyajja'ty ma tyëjkën, pën tëë ja mëpëjkpëtëjk ja tyeky tpujë, pën tëë tputëkë mëti'ipë ëyo'onpatëpën. Ets pën tëë winë oy tuny.

1 Timoteo 6:11

E mijts Timoteo, Dios yë y'u'unk, mkukä'äkëp yë jëtu'unpë. Mëtëy mjuuky'atëty, mpa'ëyowëp, mëpëkëp, mmëët'atëp yë tsojkën ja'awën, mëk myajpaatëty ma ja ëyo'onën ets yu'unk naxym winë'aaw winëjot.

2 Timoteo 2:22

Kukä'äk mëti'ipë ja ëna'ktëjk nätyukyajtëkooyëpën, yë'ë ixta'a ja oypyë ja nipaye'eyën, ja mëpëjkën, nätsyok näjyawë ets ja jotkujk'ajtën, mëët ja mëti'ipë wa'ats wiin wa'ats jot y'ëwtajtëpën ja Wintsën.

Hebreos 12:14

Jotkujk itë mëët ja ja'ayëty oypyënëty ets wa'ats mjuuky'atëty. Pën ka'ap wa'ats jyuuky'äty, ka'ap ja Dios nëjkx t'ixy.

2 Pedro 1:7

ets ko m'itë ijxtëm ja Dios tsokyën, ënät xytsyoktëty ja mëku'uktëjkëty; ets ko ënety xytsyoktë ja mëku'uktëjkëty, ënät näjyëtu'un xytsyoktëty ni'ëmukë ja ja'ay.

3 Juan 1:11

Mëku'uk, këtii yë'ë xypyatunëty ja ëxëëk ijxpëjkën, patun mijts ja oypyë. Pën ja oypyë tyuunpy, yë'ë Dios jä'ä'ajtëp; pën ja ëxëëkpë tyuunpy, ka'ap ja Dios nyijawëty.

1 Samuel 10:5

Ko jam mja'tëty Guibeá mëti'ipë Dios jyä'ä'ajtypyën, ma filistejë tsyiptuunpëtëjk jya'ajta'aktën. Ko jam nkajpntëkëty jam xypyata'any nikanaak yë käjpxynyajxpëtëjk mëti'ipë yaj'ijxtëpën mukëtëp yowë, jam tsyoontë ma tsajptëjkën. Ets ma yë'ë ye'eytyën kanaak yë ja'ay wyinye'eyëtë mëti'ipë yaj'ënantëpën ak, xijn, xuxn ets kow.