1 Corintios 13:5 - Biblia Dc en Mixe de Quetzaltepec

⁵ Ka'ap ëxëëk kyäjpxy, ka'ap tii aak pëky ooky tjawë; ka'ap y'ekyë, ka'ap jeky tii tsip'aty;

Biblia Mixe de Quetzaltepec

⁵ Ka'ap ëxëëk kyäjpxy, ka'ap tii aak pëky ooky tjawë; ka'ap y'ekyë, ka'ap jeky tii tsip'aty;

1 Corintios 13:5 ပူးပေါင်းရင်းမြစ်များ

2 Samuel 10:3

ja mëjja'aytyëjkëty jampë kyukajpn'atën ënätyë ojts myuktë ets t'ënëmaaytyë ja Hanún: Wintsën, ¿mijts mjëjp'ijxypyën ko tääpë ja'ayëty të jya'tën mëti'ipë yë David të tkexyën, oywyinma'any myëmiintëp ets ko tmëkjawëtë ko ja mteety të y'ooky të tyëkoyë? Yë'ëjëty paaty të yajkäxtë ets min y'ixtë tyuntë ets ënät ok tyajkutëkoya'antë ja kajpn.

Job 21:27

Ëjts wa'atsës nijawë wi'ix maytyën mtajtën mëët ëjts ets wi'ix m'ëna'antën ëxëëkjaty.

Proverbios 14:17

Mëti'ipë ja'ay ka'ap myä'kxtukyën, nëkooyë pën tnipëtë'ëky; mëti'ipë jëyëjp winë myëmääpy myëtäjpyën, ka'ap tii ajotkumonë tuny.

Isaías 3:5

Mëj këjää nëjkx jyää'aty ja amay jotmay ma ja naax kajpnën; xim yam ja ja'ay nyänyimatsa'anyë, ka'ap maa pën y'ëknämyëku'uk'ijxënëty.

Jeremias 11:19

Ëjts nitiijës ënety nka'aaw nkajotëty, jëtu'un tä kupixyny ayääkën ka'ap tnijawë ko y'ooka'any; e yë'ëjëty tamtëm tnipëjktaakëtë wi'ixës xyaj'ooka'antën. Jä'ä ënety y'ëna'antë: Tsojk tääpë kepy ntimpyujxë'këmë tyam ma amëk jotmëk yajpaatyën, tsojk ntimkyë'ëtsë'këm yaa naaxwiiny ma ja'ay jyuuky'atën, këtiipë nijëna'a yajja'amyätsëty.

Mateo 5:22

E ëjts jëtu'un yam miits nëëmëtë, pën ja myëku'uk tyukjoot'anpëjkpyën nëjkxëp nyitukë. Pën ja myëku'uk y'ojpyën, yë'ë paye'eyëtëp ja tsajptëkotyëtë yajuntë'ajtpë. Pën ja myëku'uk tyijpyën kutsuu, jap nëjkx yajnajtskäxë ëyoowtaknjoty.

Mateo 9:4

Nyija'awëy ja Jesús wi'ix ënety myäytyë tyajtën. Tääts yajtëëwëtë: ¿Tii ko ëxëëk winma'any xymyëët'atë?

Marcos 3:5

Tääts ja Jesús wyintë'kxëtë mëët yë joot'an ets moonp tujkp jä'äkyëjxm ko juun ja jyot wyinma'anyëty tpëjkta'aktë. Paaty t'ënëmaay ja ye'etyëjk mëti'ipë ënety ja kyë'ëjën ooky: Xajtëw. Tääts ja ye'etyëjk xyajtëëy ets ja kyë'ë tsyoky.

Lucas 7:39

Ko ja fariseë ojts jëtu'un t'ixy ja mëti'ipë ënety të wyoyën ja Jesús kääpyë, jëtu'un myäy tyäjy: Ko jeexyë ya'atë ja'ay Dios kyäjpxynyajxpë'atyë, tëë jeexyë tnijawë wi'ix ya'atë to'oxytyëjk jyä'äy'ätyën mëti'ipë toonëp majtsëpën, yë'ë pokyjyä'äy yë'ë.

1 Corintios 10:24

Ëëts'ajtëm ka'ap nkë'ëm oyajtën n'ixta'ayëmë, n'ixta'ayëm ja wiinkëtypë ja ja'ay ja jyä'ä näjyëtu'un.

1 Corintios 10:33

Mëët ëjts, yë'ëjës njatuunpy etsës ja nmëku'uk jyotkujk'atëty, ka'apës ja nkë'ëm oyajtën n'ixta'ay, ja wiinkëtypë ja jyä'ä n'ixtaayëtëpës ets tpaatëty ja nitsokën.

1 Corintios 11:18

Mëtu'kpëky ëjts të nyajtukmëmëtyä'äky ko miits mye'eymyuktë, ma ja Dios xywyintsë'ëkëja'antën, këëkjä'ä xyajtu'uye'eytyë ja mtuunkëty; e ëjts nmëpëjkpyës.

1 Corintios 12:25

Këtiipë ja ni'kx kopk nyäwya'kxëtëty. Näpyutëkëtë nixim niyam wä'än tpënëty ets tu'ukyë myajpaatëty.

1 Corintios 7:36

Pën jam pën myäy tyäjy ets ja nyëëx pyëka'any ko jyëmëjt të tpatnë; ko myäy tyäjy ko kyopkpëkyëty ets pyëkëty, wä'än tpëky, ka'ap yë pyokyëty.

2 Corintios 5:19

Jëtu'un yajja'akyukë ko ja Dios të tyajnämyë'oypyikyë ja naaxwiinyëtë ja'ay, ka'ap ja tuuntëko'oy kajpxtëko'oyën të tmëjpëjktä'äky, ëëts të xytyuknipëktë etsës ntuk'ëwaanëtëty ja ja'ay ya'atë aaw ayuk.

Gálatas 5:13

Mëku'uktëjkëty, miits të myajwootsowtë ets ëwaatsëtum m'itëty. E ka'ap yë'ëjëty ets miits xytyuntëty mëti'ipë mmaay mtajtëpën ko ënety ja ëwaatsëtumpë xypyaatë, yë'ëkyëjxm ets mnäpyutëkëtëty nixim niyam mëët ja tsojkën.

Filipenses 2:21

Aak kyë'ëm jotmay ja'ay myëmaay myëtajtëp ni pën ja Wintsën Jesukristë ja jyä'ä tkamëmaay tkamëtajë.

Filipenses 4:8

Mëku'uktëjkëty yë'ë mëmay mëtajtë mëti'ipë tëy jaantyën, mëti'ipë paat'ajtëp yajwintsë'ëkëtyën, mëtëypyë, wa'atspë; mëti'ipë yajtukjotkëtakpën ets mëti'ipë oy wiinkëxë'kpën. Mëmay mëtajtë tu'kë'ëyë mëti'ipë oyën ets paat'ajtëp oy yajnikajpxëty.

2 Tesalonicenses 3:7

Miitsëty mnija'awëtëp wi'ix mëpaat mjuuky'atën ets jëtu'un winë xytyuntëty ijxtëm ëëtsëtyën. Ëëtsëty ka'apës ojts je'eyë npo'kxtë npëktë koos jam nyajpatë ma miitsëtyën,

2 Timoteo 2:10

Paatyës nkupëky akujk jotkujk oymyëti'ipë ëyo'onëty ets tpaatëty ja nitsokën ets ja Jesukristë ja y'oyajtën mëti'ipë ja Dios të wyinwitsëtën.

2 Timoteo 4:16

Koos ënety nänyikajpxtu'utyë ma ja kutuunkëtyën, ka'ap ojts pën xypyutëkës, ni'ëmukë xy'ëxmajtstaaytyës. Jääpëk yë Dios ka'ap tja'amyetsy.

Santiago 1:19

Ja'amyätstë ya'atë mëku'uktëjkëty, a'ijxp jëjp'ijxp miits itë ets xymyëtoowkukëtëty ja oypyë ja aaw ayuk; yë'ë tëy ka'ap ja tsip äkë ets ja joot'an xymyëët'atëty.