1 Corintios 13:4 - Biblia Dc en Mixe de Quetzaltepec

⁴ Ko ja tsojkën ja'awën yajmëëtëty yajmëmëtakp winë; yaj'oyjyä'äy'ajtp, ka'ap pën yaj'ëxëëk'ixy, ka'ap nyämyëjpëjktä'äkyë ets ka'ap nyämyëjjaw nyäjyääntyjyawëty.

Biblia Mixe de Quetzaltepec

⁴ Ko ja tsojkën ja'awën yajmëëtëty yajmëmëtakp winë; yaj'oyjyä'äy'ajtp, ka'ap pën yaj'ëxëëk'ixy, ka'ap nyämyëjpëjktä'äkyë ets ka'ap nyämyëjjaw nyäjyääntyjyawëty.

1 Corintios 13:4 ပူးပေါင်းရင်းမြစ်များ

Génesis 30:1

Ko yë Raquel t'ijxy, ko ënety ka'ap yë Jacob yë y'u'unk myääy tyajmëxu'unk'ajtë, ënät ojts tmëtsiptsoony yë tsyë'ë Lea, tä yë nyiye'etyëjk t'ënëmaay: Mooykyës yë u'unk maay, jä'ä ko pën ka'ap, nikë tim ookëpës ënät.

Génesis 37:11

Paaty ja jyiiky myëku'uk namëtsip'ajtëp ënety, e yë tyeety je'eyë tmëmay tmëtajy tu'kë'ëyë ya'atë wiinkëma'ay.

Nehemías 9:17

Ka'ap tpatunantë ja m'ënä'ämën mtëyajtën ets ka'ap tja'amyäjtstë wi'ix ojts mëjwiin këjää tii xyjyatunyën mëët yë'ëjëty. Kumäjpxy yajxon nyäpyëjktakëtë kë'ëm ojts tnikajpxpätë tu'uk ja'ay mëti'ipë jatëkok jap Egiptë yajnëjkxëtëpën ets y'ëyowtëty myëtuntëty. E mijts, mëët ko mTios'aty, ko mpokymye'kxy, Wintsën mëti'ipë ëma'atjot myëët'ajtypyën ets pa'ëyoopën, mä'kxtujkpë ets tsojkpë ja'apë.

Salmos 10:5

Xëmë nyänyikäjpxyë winë oy wyimpëtsë'ëmxëty mëti'ipë tyuunpyën. Mëët yë'ë jëkäm yajpaaty ja mnipaye'eyën, jëkäm yajxon, ka'ap t'ixy. Je'eyë nëxi'iky tukxi'iky ja myëtsip,

Proverbios 10:12

Yë näy'ëxëëk'ixë je'eyë yajtsiptuny, e yë tsojkën ja'awën myä'kxtääpy yë nëë poky.

Proverbios 13:10

Yë nämyëjjaw näjyääntyjyawë je'eyë nëkoo jëën tsip t'ixkukë. Yë wijyajtën jam yajpaaty ma ja'ayën mëti'ipë yu'unk naxym juukyajtpën.

Proverbios 17:14

Tä nëë kyomyën, jëtu'un yë tsip yaj'ixy ko tsyo'ontä'äky; e oy wyimpëtsëmy ko yajkuke'eky ets këtii ko ja'ay tsyiptëkë.

Proverbios 17:9

Mëti'ipë ja'ay ka'ap tmëjpëjktä'äkyën ko yajmëtëkoy, tsojkën ja'awën yajmëjnajxyp; e mëti'ipë ja'ay xëmë jyä'ämyejtsypyën ko pën myëtëkoyë, ni'ikyë tyajkëjääjë jotmay.

Proverbios 19:22

Ko ja'ay tii t'atsoky, ëxëëk tmëjaty tmëkëpety. Ni'ik oy ko ëyoopëja'ay yajpaaty ets këtii ko je'eyë kyë'ëtsik'aty.

Proverbios 31:20

Xëmë tputëkë ja ëyoopëja'aytyëjk ma winë tyajmëyatën.

Proverbios 31:26

Niwijy winë tkäjpxy tmëtyä'äky, ets jä'ä yaj'ixpëky mëët tu'uk ja tsojkën ja'awën.

Eclesiastés 10:4

Pën mtukjoot'anpëjkëp yë ja'ay mëti'ipë yajkutujkpën, mëk xymyajts'itëty yë mjot mwinma'any; mëj tsooy nyäxy ko ka'ap nëkoo ja'ay jyot'ëtë'ëtsy ko tii mëj këjää tuuntëkoy.

Mateo 27:18

Jä'ä ko tëë ënety ja Pilato tnijawë ko tsipkyëjxm ja Jesús të tkë'ëyaktë.

Hechos 7:9

Ya'atë Jacob yë y'u'unk y'ëna'k, mëti'ipë n'ap'ajt nteety'ajtëmën, myë'äkë'ajtëp ijty ja y'uty José. Paaty ojts tooktë ets ja ja'ay yajnëjkxë jap Egiptë. E ja José ka'ap ja Dios y'ijxmajtsë.

Romanos 1:29

Ujts ja jyot wyinma'anyëty mëët ja ëxëëkpë, ijxtëm ja ëxëëk'ijxën, atsojkën, mëtsip'ajtën, tuku''oy'ijxën, yaja'ay'o'ktëp, tsiptuuntëp, win'ë'ëntëp, aak jëëmpit tii t'ixtë ets pi'tskajpxtëp.

Romanos 13:13

Tsojk winë oy ntu'unëm ijxtëm xëëny tii yajtunyën. Ka'ap je'eyë xëmë n'ukmëty nmukëmëty, ka'ap xim yam yë ye'etyëjk t'ixëty yë to'oxytyëjk ëkë yë to'oxytyëjk xim yam yë ye'etyëjk, ëkë xim yam pën mëët ntsiptu'unmëty.

1 Corintios 3:3

jä'ä ko miitsëty ëmuumnëm xymyëët'atë ja naaxwiinyëtë winma'any. Ko tii mkanätyukmë'ixëtë, ko mtsiptuntë ets ko mnäy'ëxëëk'ixëtë nixim niyam, mmëët'ajtëpnëm ja naaxwiinyëtë winma'any ëmuumnëm ets jëtu'un mtu'uye'eytyë ijxtëm ja ja'ay tyu'uye'eytyën mëti'ipë ja naaxwiinyëtë winma'any yajtuuntëpën.

1 Corintios 4:18

Jam ma miitsëtyën tam jënaakën mëti'ipë tyukxoontaktëpën ko tnijawëtë ko ka'ap nëjkx n'ëk ku'ixëjanëtë.

1 Corintios 4:6

Mëku'uktëjkëty paaty ya'atë ntukmëmëtya'aktë ets miits xytyuk'oy'attëty, ko npëjktä'äkyës yë Apolo ijxtëm tu'uk ja ijxpäjtën ets ëjts näjyëtu'un. Yë'ëkyëjxm ets jëtu'un mja'ay'atëty ijxtëm ëëtsëtyën ets këtiipë nëkoo tii tëkatsy xytyuntëty, këtiipë pën tni'ikëty mëti'ipë jap këxja'ay miinpën, këtiipë tu'uk xypyukajpxëtëty ets tu'uk xy'ixtijtëty.

1 Corintios 5:2

Ets miitsëty ni'ikyë mëj këjxm mnäyajnajxëtëpë. Ijxtëm jeexyë mmontën mtuktën. Ja ja'ay mëti'ipë jëtu'un ëtëtspën, ixkäxtë ma miitsëtyën.

1 Corintios 8:1

Tyamës nnikajpxa'any wi'ix yajtunëtyën ja kääky uuky mëti'ipë ënety të yajtukwintsë'ëkën ja awinax. Tëy ja ayuk y'ënä'äny: Ko ëëtsajtëm aak nnija'awëm winë. Je'eyëp ko tii yajjaty yajnijawë, amëj akëjxm ja ja'ay tyaj'awinpity; e ja tsojkën ja'awën yajmëjnajxyp ja naax kajpn.

2 Corintios 12:20

Tsë'këpës ko ënety nëjkx nku'ixëtë ets nkapaatëty ijxtëmës njatsokyën ets ko miits nëjkx mjamintë nän ka'apës xypyaatëty ijxtëm xyjyatsoktën. Tsë'këpës ko wä'änxyëp ënety miits jam xymyëët'atë ja tsip äkë, näkya'oy'ixë; ëkë pi'tskäjpxy pi'itsmëtyä'äky, xim yam myajpaatë, mnäy'ëxëëk'ijxëtëp, nixim niyam; mnanyi'oj mnanyiyaaxëtë ets je'eyë tii të xyajma'ta'atë.

2 Corintios 6:6

Näjyëtu'unës të nyajnikëxë'ëktë ko wa'ats aaw wa'ats jotës të njuuky'atë, koos nijawëtë ja tëyajtën, ko yajmëët'aty ja mä'kxtujkën ets ja oyjyot oywyinma'any; ko yajpaaty ja Kënu'kxymyëkajtën ma ëëtsëtyën, mëët ja tsojkën ja'awën winë aaw winë jotpë.

Gálatas 5:26

Ka'ap amëj akëjxm nja'ay'ajtmëty, ka'ap pën nyajjoot'anpëjkmëty ets ka'ap tii nätyuk'ëxëëk ijxëmëty aak ëëts'ajtëmë.

Efesios 4:2

Yujy tëtä'äky mja'ay'atëty ets aak m'oyjawëtëp ja'ay oy pyënë, m'ëwxit mä'kxtuktëp ets mnämyëmä'kxtukëtëp nixim niyam mëët ja nätsyok näjyawë.

Efesios 4:32

Oy mja'ay'atëty ets mnäpya'ëyowëtëp nixim niyam. Nänyimä'kxëtë tu'knax ijxtëm ja Dios të mnimä'kxëtën, ko ja Kristë të xymyëpëktë.

Filipenses 1:15

Tëy ko tää ja'ay mëti'ipë Kristë y'aaw y'ayuk tsipkyëjxm äkëkyëjxm kyajpxwa'kxtëpën ets näyjyëtu'un mëti'ipë oyjyot oywyinma'any mëët nyikajpxtëpën.

Colosenses 1:11

N'amëtow npëjktsowtës ja Dios ets mjotmëkmo'ojëtëty mëët tu'kë'ëyë ja myëj'ajtën y'oyajtën; jëtu'un winë xymyëmëta'aktëty amëk jotmëk, akujk jotkujk ets mëët ja mä'kxtujkën

Colosenses 2:18

Ka'ap mëpaat mtuk'ëxmatsëtë Kristë mëti'ipë nätyijëtëp yujy tëtä'äky ets mëti'ipë wyintsë'këtëp ja tsajpjotmëtë kukäjpxy; jä'ä ko yë'ëjëty yë'ë kyajpxtëp mëti'ipë ka'ap nijëna'a t'ixtën, yi'iyë nätyukmëjpëjktakëtëp ja wyinma'anyëty.

Colosenses 3:12

Mëk miits yë Dios mtsokëtë ets tëë mwin'ixëtë ets jam myajpaatëty ma ja kënu'kxypyë nyaax kyajpnën. Tuk'itëtë ja pa'ëyo'owën, oyjä'äyajtën, yujyajtën, tëtä'äkyajtën, nätsyokë ets ja mä'kxtujkën.

1 Tesalonicenses 5:14

Mëku'uktëjkëty, näjyëtu'un miits tyam nmënu'kxta'aktë ets xytyukmëkajpxtëty mëti'ipë ka'ap tyuna'antën, jotmëkwinkajpxëtë mëti'ipë kumo'on kutujkëtëpën ets putëkëtë mëti'ipë ka'ap oy tnijawëtën ja mëpëjkën ets nämyëmä'kxtukëtë nixim niyam.

1 Timoteo 6:4

jëtu'unpë ja ja'ayë je'eyë nëkoo nyämyëjjawëty ets ka'ap tii tnijawë. Ko nmëëtmëtyakmëty jëtu'un nyäjyawëty tä jeexyë pya'ampetyën ets myëtsiptsoony, y'ëxëëk'ixy, y'ojy yä'äxy ets ka'ap tjëkyepy wi'ix yaj'oyjyawëty,

2 Timoteo 2:25

ets tkajpxwijëty mëët yë yu'unk'ajt naxym'ajtën mëti'ipë käjpxy kyumëtoownajxtëpën, yaj'ëwxitëty ets ja Dios niwinpittëty ets nijawëtëty ja tëyajtën.

2 Timoteo 3:10

Mijts tëë oy xypyanëjkxy yë n'ijxpëjkënës, wi'ixës njuuky'ätyën, tiis ntunäämpyën, wi'ixës nmëpekyën, wi'ixës nmä'kxtukyën, wi'ixës ja ja'ay ntsoky njawën ets wi'ixës nmëët'atyën ja mëjaaw etsës nmëtänë ja ëyo'on jotmay,

2 Timoteo 4:2

ets xykyajpxpwa'kxëty ja Dios ja y'aaw y'ayuk ets xytyuk'ëwaanëty ja ja'ay oyjyëna'ajëty. Tukja'akyukë, tukwinkukajpxë, jotmëkwinkajpxë, Yaj'ijxpëk mëët tu'kë'ëyë ja mä'kxtujkën.

Tito 3:3

Tëëyëp näjyëtu'un ijty ntsuu'ajtëmë, ka'ap nmëmëto'owëm ja Dios, tëkoy ijty nyajpatëmë. Ja atsojkën ets mëti'ipë ni'ik ntukjotkëtakëmën yë'ë ijty xyaj'ijtëm ijxtëm ja mëtuunpën ëne'empyë y'ityën. Ëxëëk ijty nja'ay'ajtëmë, ntuk'ëxëëk'ijxëm ijty winë ja nmëku'uk'ajtëmë, ëxëëk ijty nyajpatëmë ets ëxëëk näy'ijxëmë xim yam.

Santiago 4:5

Tam tii ko ja Dios ja y'aaw y'ayuk këxja'aypyë y'ënä'änyën: Xytsyojkni'ikëm ëëtsajtëm ja Kënu'kxymyëkajtën mëti'ipë Dios të tpëjktä'äkyën ma ja njoot'ajt nwinma'any'ajtëmën, ets ka'ap tsoky ets wiinkpë xyjyä'ä'ajtmëty.

1 Pedro 2:1

Ixmajtsta'atë ja ëxëëkajtën, ja win'ë'ënën, ko ja'ay oy nyänyimëtyä'äkyë ets ëxëëk jyä'äy'äty, ja näy'ëxëëk'ixë ets ja pi'tskäjpxy.

1 Pedro 3:8

Jëtu'un miits ja jot winma'any tu'ukyë xymyëët'atëty, nätsyokëtë nixim niyam ijxtëm jeexyë mtu'kä'äx'atën; yajnikëxë'ëktë ja mtëtä'äky'ajtënëty.

1 Pedro 4:8

Yë'ë tim kopkpëky ko ni'ik mnätsyokëtëty nixim niyam, jä'ä ko yë nätsyokë myä'kxtääpy yë poky.

2 Pedro 1:7

ets ko m'itë ijxtëm ja Dios tsokyën, ënät xytsyoktëty ja mëku'uktëjkëty; ets ko ënety xytsyoktë ja mëku'uktëjkëty, ënät näjyëtu'un xytsyoktëty ni'ëmukë ja ja'ay.

1 Juan 4:11

Mëku'uktëjkëty, pën tëë ja Dios xytsyojkëmë, nätsyojkëmë ëëtsajtëm näjyëtu'un nixim niyam.