1 Corintios 13:2 - Biblia Dc en Mixe de Quetzaltepec

² Oyës ja Dios ja y'aaw y'ayuk njanikajpxë ëkë oyës njaja'akyujkëtyä'äy mëti'ipë ja ja'ay nyija'awëtëp kyanija'awëtëpën, ets oyës mëk njamëët'aty ja mëpëjkën ets ja kopk nyajnëjkxëtyës wiinktsow ets pën ka'apës ja nmëku'uk ntsoky njawë, nitiijës nkakëjxmëty.

Biblia Mixe de Quetzaltepec

² Oyës ja Tios ja y'aaw y'ayuk njanikajpxë ëkë oyës njaja'akyujkëtyä'äy mëti'ipë ja ja'ay nyija'awëtëp kyanija'awëtëpën, ets oyës mëk njamëët'aty ja mëpëjkën ets ja kopk nyajnëjkxëtyës wiinktsow ets pën ka'apës ja nmëku'uk ntsoky njawë, nitiijës nkakëjxmëty.

1 Corintios 13:2 ပူးပေါင်းရင်းမြစ်များ

Mateo 13:11

Tääts ja Jesús y'ëtsoowëtë: Miitsëty tëë ja Dios mtuknijawëtë mëti'ipë yu'utsy myëët'ajtypyën jam ma tsajpjotmëpë kutujkënën, e yë ja'ayëty ka'ap tnijawëtë.

Mateo 17:20

Tääts ja Jesús y'ënëmaayëtë: Jä'ä ko miitsëty ka'ap oy mmëpëktë. Tëy n'ënëëmëtë, ko jeexyë mmëpëktë, oy tyim yi'inëmëty, jëtu'un tä mostasë pajkën, mnëmaaytyëp jeexyë xiipë kopk: Jëwa'ak yaa, ximtsow nëjkx ets ja kopk jëwa'kp ja jeexyë. Nitii jeexyë tsip xykyajawëtë.

Mateo 21:19

Ënet ojts t'ijxpaaty tu'uk ja higo kepy jam tu'upë'am ets tmëwinkoony. Nitu'uk ja tyëëm kyaka'ty, ujts aay je'eyë jam. Ënet t'ënëmaay ja higo kepy: Nijëna'a mkanäkytyëëm'atëty. E ja higo kepy ënätyë ja tyitsy.

Mateo 21:21

Tääts ja Jesús y'ëtsoowëtë: Tëy miits n'ënëëmëtë, pën mmëpëjktëp ets ka'ap yë mjot mwinma'any xyajtëkatstë, ka'ap yi'iyë xytyuntëty tääpë xy'ixtën koos yë higo kepy nyajtë'ëtsy. Yë'ëpaat ya'atë kopk jyëkyejpy xy'ënëëmëtëty: jëwa'ak yaa, nëjkx jap mejyjoty ets jatëp jëtu'un.

Hechos 13:1

Ma ja mëpëjkpëtëjkën jam Antioquía, jam ijty yajpaatë Dios ja kyäjpxynyajxpëtëjk ets ja yaj'ijxpëjkpëtëjk. Jä'ä ja Bernabé, ja Simón mëti'ipë näjyëtu'un yajtijpën Yëk, Lucio, mëti'ipë Cirenë ja'ayën ets ja Menahem mëti'ipë yä'kën tu'ukyë mëët ja Herodes, jampë yajkutujkyën Galilea ets nän tam ja Saulo.

Romanos 11:25

Mëku'uktëjkëty, yë'ëjës ntsojkpy ets miits xynyijawëtëty mëti'ipë ijty ka'ap yajnijawën, jëtu'unts ka'ap mnämyëjpëjkta'akëtëty. Yë jutiis ja'ay juun yë y'aaw jyot të tpëjkta'aktë, ka'ap yë Dios të tmëmëtowtë, jëtu'un y'ita'antë koonëm tpata'atëty ja oyajtën mëti'ipë ka'ap jyutiis'atën.

Romanos 15:14

Mëku'uktëjkëty, nmëpëjkpës ko tyiyëty ko miits ni'ik xymyëët'atë ja oyjyot oywyinma'any, ja wijyajtën kejyajtën ets mjajtëp wi'ix mnäkyajpxwijëtëty.

Romanos 16:25

Nmëjja'aw njaantyjya'awëm ja Dios. Wä'än yë'ë mputëkëtë ets tu'ukyë xymyëpëktëty ja oy aaw oy ayuk mëti'ipës të nkajpxwä'kxyën. Näy yë'ë mëti'ipë ja Dios ja ja'ay tyuknija'awëyën mëti'ipë ijty kayajnija'apën ma kanaak xëëw kanaak jëmëjt të y'ityën,

1 Corintios 11:4

Ko ja ja'ayëty kujupxë ëkë kupe'eny ja Dios tja'amyetsy ëkë ko ënety tkajpxwä'kxy ja Dios ja y'aaw y'ayuk, ja Kristë ënety kyawintsë'këp mëti'ipë këpajk'ajtpën.

1 Corintios 12:28

Dios të tuknipëjktakëtyä'äy nitu'ukjaty tiijaty tyuntëpën: tam mëti'ipë Jesús y'ijxpëjkpë'ajtypyën, käjpxynyajxpën, yaj'ijxpëjkpën; nän tää mëti'ipë ja mëj'ajtën tyuuntëpën, mëti'ipë ja pa'amja'ay yajtsoktëpën, mëti'ipë ja ja'ay pyutëjkëtëpën, mëti'ipë ënä'ämtëpën, mëti'ipë ja tuunk yajmooytyëpën ets ja wiink ayuk tkajpxtëty.

1 Corintios 13:1

Oyës njakäjpxy ja ayuk mëti'ipë ja naaxwiinyëtë ja'ay kyajpxtëpën, ëkë oyës njakäjpxy ja ayuk mëti'ipë ja tsajpjotmëtë kukäjpxy kyajpxtëpën, pën ka'apës ja njëëky nmëku'uk ntsoky njawë, jëtu'un tpaaty ijxtëm pujxn ja'ay twinwopyën ëkë ijxtëm pujxntexy je'eyë nëkoo nye'emyën.

1 Corintios 13:3

Ets pën npëjkwä'kxypës ja mpëjktä'äky ma ja ëyoopëja'ayën ëkë nkë'ëyäkyës ja ni'kx nkopk ets nyitoyëty, pën ka'apës ja nmëku'uk ntsoky njawë, nitiijës nkakëjxmëty.

1 Corintios 13:8

Ja oyjyot oywyinma'any nijëna'a kyakëxy kyanaxy. Pyaatëp ja xëëw jëmëjt ko nëjkx ka'ap y'ëkyajnikajpxnë mëti'ipë miinpën wiinkoonpën, ka'ap pën t'ëkkajpxnëty wiinkëtypë ja ayuk, ka'ap y'ëktuunëty ja ixpëkyajtën.

1 Corintios 14:29

Näyjyëtu'un ko pën tkajpxëty ja Dios ja y'aaw y'ayuk, nimäjtsk nitëkëëk kyajpxtëty ets ja wiinkëtypë t'amëtoow'itëty pën oy ëkë ka'ap y'oyëty.

1 Corintios 14:39

Jëtu'un mëku'uktëjkëty, yë'ë tsojkën'atë ets xykyajpxwa'kxtëty ja Dios ja y'aaw y'ayuk ets ka'ap xy'akajpxtuktëty ko ja wiink ayuk yajkajpxëty.

1 Corintios 14:4

Pën kyäjpxyp ja wiink ayuk, yë'ë kë'ëm tyuk'oy'äjtyp; pën kyäjpxyp ja aaw ayuk mëti'ipë Dios yäjkpyën, yajwinpejtyp ja mëpëjkpëtëjk.

1 Corintios 15:51

E yë'ëjës ntsojkpy ets miits xynyijawëtëty mëti'ipë ijty ka'ap yajnijawën, ka'ap nëjkx ni'ëmukë n'o'këmë, je'eyë nëjkx ni'ëmukë ntëkajtsëmë,

1 Corintios 16:22

Pën jää jënaakën ka'apë tsokyën ja Wintsën Jesukristë, wä'än t'ity kajpxpoky. Min tsojk Wintsën Jesukristë.

1 Corintios 4:1

Paaty miitsëty, je'eyë ëëts xytyijtëty Jesukristë pyutëjkëpë ets ko yë'ë të xytyuknipëktës etsës ja ja'ay ntuk'ijxpëktëty ja Dios ja wyinma'any mëti'ipë ijty kayajnija'apën.

1 Corintios 7:19

Ka'ap maa tyuny pën tsuky katsuky, yë'ë tuunp pën pyatuumpy ja Dios ja y'ënä'ämën.

1 Corintios 8:4

Mëëtpë ja winma'any ko ja kääky uuky yajjë'kxy mëti'ipë ënety të yajtukwintsë'ëkën ja awinax, ëëtsajtëm wa'ats nnija'awëmë ko ya'atë awinax ka'ap tii mëk'ajtën tmëëtëty yaa naaxwiiny ets nija'awëm ko tu'ukyë ja Dios je'eyë.

2 Corintios 12:11

Jëtu'unës yam nkäjpxy nmëtyä'äky ijxtëm tu'uk ja ja'akyupojën, je'eyëp ko miits të xy'akwanë'atës etsës jëtu'un n'ëtë'ëtsëty. Jä'ä ko miits mjapatëtëp jeexyë oy xynyimëtya'aktës, ëjts ka'apës tii nkëjxmëty ma tääpë ja'ayëtyën mëti'ipë nätyijëtëp mëj ayuk käjpxynyajxpë. Ma yë'ëjëtyën, ëjts ka'apës tii ntsowëty.

Gálatas 5:16

Ya'atë miits ntuk'ëwa'anëtyëp: Juuky'atë ijxtëm ja Kënu'kxymyëkajtën mtukmëtsokëtën, jëtu'un ka'ap xyajtuntëty mwinma'anyëty.

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

Gálatas 6:3

Pën jää pën mëj nyäyajnaxyë ko nyäjyawëty mëj'äämpy y'ity ets ka'ap jyëtu'unëty, kë'ëm nyäwyin'ëënyë.

Efesios 3:4

Ko miits yë noky xykyajpxtëty, ënät xymyëpëktëty koos nijawë ja Kristë jyä'ä mëti'ipë ijty kayajnija'apën.

Efesios 6:19

Tuknija'amyäjtsëtëkës ja Dios, ets ja Dios ja aaw ayuk xymyo'ojëtyës mëti'ipës nimëtya'akëpën, etsës amëk jotmëk nkajpxëty ets ja ja'ay ntuknijawëtyës ja oy'aaw oy ayuk, mëti'ipë ijty kayajnija'apën.

Colosenses 1:26

ja winma'any mëti'ipë ijty kayajnija'apën ma yu'utsy të y'ityën kanaak jëmëjt, je'eyëp ko tëë ja Dios tyam tuknijawë ja nyaax kyajpn.

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Dios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

1 Juan 4:8

Pën ja myëku'uk kyatsojkpyën, ka'ap ja Dios tnijawë, jä'ä ko Dios, tsojkp yë'ë.