1 Corintios 13:1 - Biblia Dc en Mixe de Quetzaltepec

¹ Oyës njakäjpxy ja ayuk mëti'ipë ja naaxwiinyëtë ja'ay kyajpxtëpën, ëkë oyës njakäjpxy ja ayuk mëti'ipë ja tsajpjotmëtë kukäjpxy kyajpxtëpën, pën ka'apës ja njëëky nmëku'uk ntsoky njawë, jëtu'un tpaaty ijxtëm pujxn ja'ay twinwopyën ëkë ijxtëm pujxntexy je'eyë nëkoo nye'emyën.

Biblia Mixe de Quetzaltepec

¹ Oyës njakäjpxy ja ayuk mëti'ipë ja naaxwiinyëtë ja'ay kyajpxtëpën, ëkë oyës njakäjpxy ja ayuk mëti'ipë ja tsajpjotmëtë kukäjpxy kyajpxtëpën, pën ka'apës ja njëëky nmëku'uk ntsoky njawë, jëtu'un tpaaty ijxtëm pujxn ja'ay twinwopyën ëkë ijxtëm pujxntexy je'eyë nëkoo nye'emyën.

1 Corintios 13:1 ပူးပေါင်းရင်းမြစ်များ

Salmos 150:5

Mmëjpëjkta'aktë mëët yë pujxn mëti'ipë ayaxpën ko yaj'awojpmuky. Mmëjpëjkta'aktë mëët yë pujxn mëti'ipë këwiipën.

Mateo 25:45

Ets ja yajkutujkpë y'ëtsowa'anëtë: Tëy miits n'ënëëmëtë, ko tu'kë'ëyë mëti'ipë miits ka'ap të xytyuntë oy ma tyaapë ja'ayëtyën ëmaay amutskpë, ëjtsën jëtu'un miits të xytyuntë.

Marcos 16:17

Ja ja'ay mëti'ipë mëpëjktëpën, yë'ë tyuntëp: Ëjts mëët yë nxëëw nëjkx t'ixkäxtëty ja ku'oypyë; kyajpxtëp ja wiink ayuk;

Romanos 14:15

E näjyëtu'un ënät, pën yë mmëku'uk wyiink'ijxyp ko tii xyjyi'kxy, ma jëtu'un winë xytyunyën ka'ap ënety y'ëknätsyokë'ajnë. Ka'ap mëpaat yë'ë tyajtëkoy ja mmëku'uk ja myëpëjkën ma ja Kristën ko tii xyjyë'kxëty xypyëkëty.

1 Corintios 12:10

Tää mëti'ipë kuttujkën yajmooytyëpën ets mëj'ajtën tyaj'ixëtëty, tää mëti'ipë käjpxynyajxtëpën. Tää wiinkpë mëti'ipë yajmooytyën yë mëj'ajtën ets nijawëtëty mëti'ipë Kënu'kxymyëkajtën oy ets ka'oyën, tä mëti'ipë wiink ayuk kyajpxtëpën ets mëti'ipë je'eyë jyä'äkyujkëtëpën.

1 Corintios 12:16

Ets ko jeexyë ja tatsk y'ënä'äny: ka'apës ni'kx kopk xyjyä'äjëty, jä'ä ko ka'apës nwiinëty, ka'ap yë'ëkyëjxm ja ni'kx kopk kyajä'ä'atyë.

1 Corintios 12:8

Mëët ja Kënu'kxymyëkajtën pënëty yajmo'otë ja wijyajtën, ets ixpëkyajtën.

1 Corintios 13:8

Ja oyjyot oywyinma'any nijëna'a kyakëxy kyanaxy. Pyaatëp ja xëëw jëmëjt ko nëjkx ka'ap y'ëkyajnikajpxnë mëti'ipë miinpën wiinkoonpën, ka'ap pën t'ëkkajpxnëty wiinkëtypë ja ayuk, ka'ap y'ëktuunëty ja ixpëkyajtën.

1 Corintios 14:2

Pën ja wiink ayuk kyajpxtëp, Dios ja myëkajpxtëp, ka'ap jyä'äyëty; ka'ap pën twinmëtoy mëti'ipë kyajpxtëpën, jä'ä ko Kënu'kxymyëkajtën yajkajpxëtëp.

1 Corintios 14:4

Pën kyäjpxyp ja wiink ayuk, yë'ë kë'ëm tyuk'oy'äjtyp; pën kyäjpxyp ja aaw ayuk mëti'ipë Dios yäjkpyën, yajwinpejtyp ja mëpëjkpëtëjk.

1 Corintios 14:5

Njatsojkpyës ets jeexyë miits ni'ëmukë wiink ayuk xykyajpxtë; je'eyëp ko nikë oy ko xynyikajpxtëty ja Dios ja y'aaw y'ayuk këtiinëm ko xykyajpxtëty ja wiink ayuk. Ko yajkajpxtë'kxy, ënät jëtu'un tyuny ko ënety yajkäjpxy ja wiink ayuk ets wyimpätëty ja mëpëjkpëtëjk ja myëpëjkënëty.

1 Corintios 8:1

Tyamës nnikajpxa'any wi'ix yajtunëtyën ja kääky uuky mëti'ipë ënety të yajtukwintsë'ëkën ja awinax. Tëy ja ayuk y'ënä'äny: Ko ëëtsajtëm aak nnija'awëm winë. Je'eyëp ko tii yajjaty yajnijawë, amëj akëjxm ja ja'ay tyaj'awinpity; e ja tsojkën ja'awën yajmëjnajxyp ja naax kajpn.

2 Corintios 12:4

jam ojts yajmënëjkxy ma ja itën oypyë tsujpë, ma tmëtooyën ja aaw ayuk mëti'ipë ka'ap yajmëwinma'anypyäätyën ets ka'ap kyutukyëty ets yajnikajpxëty.

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

Gálatas 5:6

Ko tu'ukyë nyajpatëmë mëët ja Kristë Jesús, ka'ap tii y'ëktsow'ajnë ko ja'ay yajnatsujk'ëwtity ja ye'etyëjkajtën ëkë ko ka'ap. Yi'iyë tuunëp ko nyajnikëxë'kmëty ja mëpëjkën ets ko nmëku'uk'ajtëm n'oyjya'awëmëty.

1 Timoteo 1:5

Jä'äkyëjxm tääpë ënä'ämën jyääjëty ets winpity atëjy nnätsyojkëmëty nixim niyam mëët ja oyjyot oywyinma'any ets ja mëtëypyë ja mëpëjkën.

1 Pedro 4:8

Yë'ë tim kopkpëky ko ni'ik mnätsyokëtëty nixim niyam, jä'ä ko yë nätsyokë myä'kxtääpy yë poky.

2 Pedro 2:18

Amëj akëjxm tii tkajpxtë mëti'ipë ka'ap tyunyën, wyin'ë'ëntëp ja ja'ay ko y'ëna'antë ko ka'ap pyokyëty ko ja'ay kyë'ëm winma'any tyajtuny. Jëtu'un ja ja'ay tyajpokytyuntë tyam ënety jemnyëm t'ëxmatstë ja ëxëëk juukyajtën.

Apocalipsis 14:2

Ënätës nmëtooy mëk y'ënä'äny tsajpjotm ijxtëm ja nëë tax y'iitsy kyomyën ets ijxtëm ja ënääw y'ënä'änyën, jëtu'un yajmëtoy tä yë ja'ay kyowtën.