1 Corintios 12:9 - Biblia Dc en Mixe de Quetzaltepec

⁹ Tää mëti'ipë yajmoopyën ja mëpëjkën, ets tää mëti'ipë yajmooytyëpën ja tuunk ets ja pa'amja'ay tyajtso'oktëty.

Biblia Mixe de Quetzaltepec

⁹ Tää mëti'ipë yajmoopyën ja mëpëjkën, ets tää mëti'ipë yajmooytyëpën ja tuunk ets ja pa'amja'ay tyajtso'oktëty.

1 Corintios 12:9 ပူးပေါင်းရင်းမြစ်များ

2 Corintios 4:13

Jëtu'un ja Dios ja y'aaw y'ayuk kyëxja'ayëty: Paatyës nnikäjpxy koos nmëpëky. Näyjyëtu'un ëëtsëty koos të nmëpëktë, paatyës näjyëtu'un nikajpxtë.

Efesios 2:8

Dios të tuny ja mëyajtën ets të myajnitso'okëtë ko të mëpëktë. Ka'ap yë'ëkyëjxmëty ko miits oy tii të xytyuntë, Dios të tuny ja mëyajtën.

1 Corintios 13:2

Oyës ja Dios ja y'aaw y'ayuk njanikajpxë ëkë oyës njaja'akyujkëtyä'äy mëti'ipë ja ja'ay nyija'awëtëp kyanija'awëtëpën, ets oyës mëk njamëët'aty ja mëpëjkën ets ja kopk nyajnëjkxëtyës wiinktsow ets pën ka'apës ja nmëku'uk ntsoky njawë, nitiijës nkakëjxmëty.

Hebreos 11:33

Mëët ko myëpëjktë ojts tmëmëta'aktë ja myëtsip wiink kajpnëpë, ojts oy nyipaye'eytyë ijxtëm pyaat'atyën, ko të tpaatë mëti'ipë ja Dios ënety të tyukwinwanëtën, ko ja kaa të tyajmujkëtë ja y'aaw,

1 Corintios 12:30

ka'ap ni'ëmukë ja pa'amja'ay tyajtso'oktë, ka'ap ni'ëmukë tkajpxtë ja wiink ayuk, nän ka'ap ni'ëmukë twinjawëtë ja wiink ayuk.

1 Corintios 12:28

Dios të tuknipëjktakëtyä'äy nitu'ukjaty tiijaty tyuntëpën: tam mëti'ipë Jesús y'ijxpëjkpë'ajtypyën, käjpxynyajxpën, yaj'ijxpëjkpën; nän tää mëti'ipë ja mëj'ajtën tyuuntëpën, mëti'ipë ja pa'amja'ay yajtsoktëpën, mëti'ipë ja ja'ay pyutëjkëtëpën, mëti'ipë ënä'ämtëpën, mëti'ipë ja tuunk yajmooytyëpën ets ja wiink ayuk tkajpxtëty.

Marcos 16:18

myatstëp ja tsa'any ets ka'ap tsyu'utsëtëty; ko ajotkumonë t'uuktëty ja ëxëëk nëë, ka'ap wi'ix jyatëty; näjyëtu'un ko ja pa'amja'ay tkë'ënixajtëty, yajtso'oktëp.

Hechos 5:15

Ets ja pa'amja'ay jam may tpëjktaktë tu'u'am, tam mëti'ipë myaapäjnkëjxm ko'knaaytyëpën ets tam mëti'ipë to'okykyëjxmën; yë'ë y'ëwxijtëp ko ja Pedro nyaxëty ets ja ja'ay tsyo'oktëty, oy je'eyë ja y'äpk pyaatëtëty.

Lucas 10:9

Yajtso'oktë ja pa'amja'ay mëti'ipë jamëtyën ets xynyëëmëtëty: Tää ja Dios ja kyutujkën mmëwinkonëtë.

Lucas 9:2

Ojts tkexy ets tkajpxwa'kxtëty ja Dios kyutujkën ets tyajtso'oktëty mëti'ipë pëjkëtëpën.

Marcos 6:13

May ja ku'oypyë t'ixkäjxtë tyajtsoktë ja pa'amja'ay ko ja on olivë tukjaaxtë.

Mateo 21:21

Tääts ja Jesús y'ëtsoowëtë: Tëy miits n'ënëëmëtë, pën mmëpëjktëp ets ka'ap yë mjot mwinma'any xyajtëkatstë, ka'ap yi'iyë xytyuntëty tääpë xy'ixtën koos yë higo kepy nyajtë'ëtsy. Yë'ëpaat ya'atë kopk jyëkyejpy xy'ënëëmëtëty: jëwa'ak yaa, nëjkx jap mejyjoty ets jatëp jëtu'un.

Mateo 10:8

Yajtso'oktë ja pa'amja'ay ets mëti'ipë pu'uts mëëtën, yajjuukpyëktë ja o'kpë ets ixkäxtë ja ku'oypyë. Namëyajtën miitsëty të myajmo'otë ya'atë kuttujkën, këtii xynyipëktëty ko pën xyajtso'oktëty.

Hechos 10:38

Mnija'awëtëp näjyëtu'un ko ja Dios tmooy ja Jesús ja Kënu'kxymyëkajtën mëët ja mëk'ajtën, ets ko ja Jesús tuuny ja oypyë ko jyëtijty naaxwiiny ets tyajtsoky ja ja'ay ni'ëmukë mëti'ipë ënety ja mëjku'u yaj'ëyoowëtëpën. Jëtu'un ojts ya'atë tuny jä'äkyëjxm ko ja Dios mëët yajpaaty.