1 Corintios 12:28 - Biblia Dc en Mixe de Quetzaltepec

²⁸ Dios të tuknipëjktakëtyä'äy nitu'ukjaty tiijaty tyuntëpën: tam mëti'ipë Jesús y'ijxpëjkpë'ajtypyën, käjpxynyajxpën, yaj'ijxpëjkpën; nän tää mëti'ipë ja mëj'ajtën tyuuntëpën, mëti'ipë ja pa'amja'ay yajtsoktëpën, mëti'ipë ja ja'ay pyutëjkëtëpën, mëti'ipë ënä'ämtëpën, mëti'ipë ja tuunk yajmooytyëpën ets ja wiink ayuk tkajpxtëty.

Biblia Mixe de Quetzaltepec

²⁸ Tios të tuknipëjktakëtyä'äy nitu'ukjaty tiijaty tyuntëpën: tam mëti'ipë Jesús y'ijxpëjkpë'ajtypyën, käjpxynyajxpën, yaj'ijxpëjkpën; nän tää mëti'ipë ja mëj'ajtën tyuuntëpën, mëti'ipë ja pa'amja'ay yajtsoktëpën, mëti'ipë ja ja'ay pyutëjkëtëpën, mëti'ipë ënä'ämtëpën, mëti'ipë ja tuunk yajmooytyëpën ets ja wiink ayuk tkajpxtëty.

1 Corintios 12:28 ပူးပေါင်းရင်းမြစ်များ

1 Corintios 12:18

Tëë ja Dios tuknipëjktaakë wi'ix ja ni'kx kopk y'itëtyën, nitu'ukjaty aaktam ja tyuunkëty, wi'ix kë'ëm të tsojkën'atyën.

Efesios 3:5

Ni pën ijty tëëyëp tkanijawë, je'eyëp ko tyam tëë ja Dios mëët ja kyënu'kxymyëk'ajtën tuk'ixy tuknijawë ja wa'atspë y'ijxpëjkpëtëjk ets ja kyäjpxynyajxpëtëjk.

Hebreos 13:24

Kajpxpo'kxtë ni'ëmukë mëti'ipë jam mtu'uwinye'eyëtëpën ets ni'ëmukë mëti'ipë ja Dios kyajpn'ajtypyën. Mëti'ipë Italia tsënaaytyëpën yë'ë mkajpxpo'kxëtëp.

Hebreos 13:17

Mëmëtowtë ja mkutuunkëty mëti'ipë ja mëpëjkpëtëjk tyu'uwinye'eytyëpën ets wiinkutsë'ëkëtë, jä'ä ko yë'ëjëty ka'ap pyo'kxtë ko mkëwent'atëtë; mnija'awëtëp ko kopkpëky ko Dios wyintum tnikajpxa'antë tii pën tyuunpy kyäjpxypën. Jotkujk winë xytyuntëty ka'ap y'atsipëty, jä'ä ko pën atsip winë yajtuny ka'ap jëtu'unpë tsyoowpaaty.

1 Timoteo 5:17

Ja mëjja'aytyëjk mëti'ipë nyikopk'ajtëpën ja mëpëjkpëtëjk, paat'ajtëtëp ja wintsë'kën ets ja putëjkën; wäänëni'ik pyaat'atëtë mëti'ipë ja Dios ja y'aaw y'ayuk kyajpxwa'kxtëpën ets yaj'ijxpëjktëpën.

Efesios 2:20

Jëtu'un miitsëty ijxtëm ja potsyën; ets ja ijxpëjkpëtëjk ets ja Dios ja kyäjpxynyajxpëtëjk jëtu'un ijxtëm ja potsy ëjxën; ja Jesukristë yë'ë jëtu'un ijxtëm ja tsaajën mëti'ipë ja potsy myëtënääpyën.

Hechos 20:28

Jëtu'un yam n'ënëëmëtë, jëjp'ixy m'ittëty ets näkyëwent'atëtë; näjyëtu'un ja mëpëjkpëtëjk këwent'atë, jä'ä ko ja Dios yë myëjaaw myëk'ajtën të tpëjktä'äky ma miitsëtyën ets xykyëwent'atëty mëti'ipë ja Dios jyä'äy'äjtypyën mëti'ipë të tku'ookën.

1 Corintios 10:32

Ka'ap pën xymyo'otëty ja ijxpäjtën ëxëëk, ni yë'ë mëti'ipë jutiis kajutiis, ni yë'ë mëti'ipë yajpatëpën ma ja Dios ja nyaax kyajpnën.

Lucas 6:14

Tam ënety ja Simón, mëti'ipë Jesús ojts yajxëëwpetyën Pedro, ja y'uty ja Andrés; tam ja Santiagë mëët ja Juan, Felipe, Bartolomé,

Marcos 16:17

Ja ja'ay mëti'ipë mëpëjktëpën, yë'ë tyuntëp: Ëjts mëët yë nxëëw nëjkx t'ixkäxtëty ja ku'oypyë; kyajpxtëp ja wiink ayuk;

Hechos 11:27

Näy jää jëmëjt ojts jënaakën ja Dios ja kyäjpxynyajxpë kyëta'aktë mëti'ipë tso'ontëpën jam Jerusalén ets ojts jya'të jam Antioquía.

1 Corintios 12:29

Ka'ap ja ja'ay ni'ëmukë y'ayukkajpxnaxtë, ka'ap ni'ëmukë Dios kyäjpxynyajxpë'atë, ka'ap ni'ëmukë yaj'ijxpëktë, ka'ap ni'ëmukë tuntë mëj'ajtën;

1 Corintios 12:30

ka'ap ni'ëmukë ja pa'amja'ay tyajtso'oktë, ka'ap ni'ëmukë tkajpxtë ja wiink ayuk, nän ka'ap ni'ëmukë twinjawëtë ja wiink ayuk.

1 Corintios 14:2

Pën ja wiink ayuk kyajpxtëp, Dios ja myëkajpxtëp, ka'ap jyä'äyëty; ka'ap pën twinmëtoy mëti'ipë kyajpxtëpën, jä'ä ko Kënu'kxymyëkajtën yajkajpxëtëp.

1 Corintios 14:4

Pën kyäjpxyp ja wiink ayuk, yë'ë kë'ëm tyuk'oy'äjtyp; pën kyäjpxyp ja aaw ayuk mëti'ipë Dios yäjkpyën, yajwinpejtyp ja mëpëjkpëtëjk.

1 Corintios 14:5

Njatsojkpyës ets jeexyë miits ni'ëmukë wiink ayuk xykyajpxtë; je'eyëp ko nikë oy ko xynyikajpxtëty ja Dios ja y'aaw y'ayuk këtiinëm ko xykyajpxtëty ja wiink ayuk. Ko yajkajpxtë'kxy, ënät jëtu'un tyuny ko ënety yajkäjpxy ja wiink ayuk ets wyimpätëty ja mëpëjkpëtëjk ja myëpëjkënëty.