1 Corintios 12:13 - Biblia Dc en Mixe de Quetzaltepec

¹³ Yë'ëkyëjxm ko tëë ni'ëmukë nnëëpäjtëmë mëët ja Kënu'kxymyëkajtën paaty tu'ukyë nyajpatëmë ijxtëm ja ni'kx kopkën tu'ukyëpë, wä'än tjutiis ja'ayëty ëkë wä'än tkajutiis ja'ayëty, wä'än tmëtuunpëty ëkë tkamëtuunpëty.

Biblia Mixe de Quetzaltepec

¹³ Yë'ëkyëjxm ko tëë ni'ëmukë nnëëpäjtëmë mëët ja Kënu'kxymyëkajtën paaty tu'ukyë nyajpatëmë ijxtëm ja ni'kx kopkën tu'ukyëpë, wä'än tjutiis ja'ayëty ëkë wä'än tkajutiis ja'ayëty, wä'än tmëtuunpëty ëkë tkamëtuunpëty.

1 Corintios 12:13 ပူးပေါင်းရင်းမြစ်များ

Cantares 5:1

Tëës ntëkë jam maas yë npëjy kyamën, to'oxytyëjk mëti'ipës ntsojkpy nja'apën. Tëës npaaty ja mirra ets ja on mëti'ipë oy xu'kp jojkpën, tëëjës njawë ja uuxpa'ak ets tëëjës n'uuky yë tsatym nyëë mëti'ipë tëë nyimaanaxyën ets tsi'tsknëë. Jëëkytyëjk mëku'uktëjkëty, kaytyë uuktë, uuktë jënu'un xytyimtsoktë.

Isaías 55:1

Mintë pënjaty tëtsëpën; mintë pënjaty ka'ap wit meeny tmëëtëtyën, jë'kxtë pëktë, kaytyë uuktë namëyajtën; uuktë pëktë tsi'tsknëë, uuktë pëktë tsatym nyëë, ka'ap meeny tsyokyë.

Joel 2:29

Nëjkxëpës näjyëtu'un yë nkënu'kxypyoj nyajkëtä'äky ma mëtuunpë ëyoopën ye'etyëjkpë to'oxytyëjkpë;

Mateo 3:11

Nëë miits ntukyajnëëpäjtëp, ets yajnijawëty ko tëë ja mka'oywyinma'any xy'ëxmatstë. Temë tää tu'uk xypyaminyës mëti'ipë yajnëëpätaanpën mëët ja Kënu'kxymyëkajtën ets ja jëën. Yë'ë ni'ik ja kyutujkënmëëtëty këtiinëm ëjts, ni yë'ëjës xykyapaatë'aty wi'ixës kyë'ëk mpawijtsëty.

Lucas 3:16

Tääts ja Juan y'ënëmaayëtë ni'ëmukë: Nëë mëët miits nyajnëëpätë, je'eyëp ko xypyamiinpës tu'uk ja ja'ay mëti'ipë myajnëëpätanëtëp mëët ja Kënu'kxymyëkajtën. Ka'apës ëjts xypyääty etsës ja kyë'ëk n'akäjëty.

Juan 1:16

Ni'ëmukë yë Dios të xykyënu'kxëmë kanaak ok mëjwiin këjää.

Juan 1:33

Ka'apës ënety ëjts nijawë pën yë'ë, je'eyëp ko mëti'ipës xykyäjxën etsës nyajnëëpätëty nëë mëët, yë'ëjës xynyëmaay: Yë'ë mtuk'ixëp ko ja Kënu'kxymyëkajtën tyukëta'akëtëty ets nyäpyëjkta'akëtëty ma yë'ëjën, yë'ë ënety mëti'ipë nëjkx yajnëëpetyën mëët ja Kënu'kxymyëkajtën.

Juan 3:5

Ënet ja Jesús y'ëtsoowë: Tëy mijts t'ënëëmë, pën ka'ap myëxu'unk'aty mëët ja nëë ets ja Dios ja Myëjaaw myëk'ajtën, ka'ap tjëkyepy tyëkëty ma ja Dios ja kyutujktaknën.

Juan 4:10

Ënet ja Jesús y'ëtsoowë: Ko jeexyë mijts xy'ëknijawë mëti'ipë ja Dios yäjkpyën ets pën m'amëtoowëp yë nëë, mijts jeexyë m'amëtoopy ja nëë ma yë'ëjën ets mooyëp jeexyë ja nëë mëti'ipë yajjuuky'ajtpën.

Juan 4:14

e mëti'ipë y'uktëpën ja nëë mëti'ipës ëjts nyäjkpyën, nijëna'a kyatëëtsëja'antë jatëkok. Jä'ä ko ja nëë mëti'ipës nyakäämpyën, jëtu'un ja myuuta'any ijxtëm ja nëëkopkën mëti'ipë yajjuuky'ajtpën.

Juan 6:63

Ja Dios ja Jya'awën yë'ë ja juukyajtën yäjkpy, ka'ap tyuny mëti'ipë jam yë nyi'kx kyopkën. Mëti'ipë yam të ntukmëmëtya'aktën yë'ë mëti'ipë ka'ap yaj'ixyën je'eyëp ko yäjkpy ja juukyajtën.

Hechos 1:5

Tëy ko ja Juan yajnëëpejty mëët ja nëë, miitsëty tsojk mnëëpäta'antë mëët ja Kënu'kxymyëkajtën.

Romanos 3:22

mëët ja mëpëjkën jam ma ja Jesukristë, Dios wa'ats tyajnaxy ni'ëmukë ja ja'ay mëti'ipë të myëpëktën. Ka'ap wyin'ixy wyinkexyëty;

Romanos 3:29

¿Wä'än jëtää yë Dios jämyë Tios'aty ma Jutiis ja'ayëtyën? ¿Ka'ap jëtää näjyëtu'un jam Tios'aty ma ka'apë ja'ay jyutiisëtyë? Yajnija'ap ko Tios'ajtääpy ma wiinkëtypë kajpnën,

Romanos 4:11

Ja ijxwë'ëmën mëti'ipë ojts yajpëjktä'äkyën ko yajnatsujk'ëwtijty ja ye'etyëjkajtën, jä'ä yë'ë ets nyikëxë'ëkëty ko yë'ë oy të wyi'im mëët ja Dios ko tmëët'aty ja mëpëjkën. Jëtu'unts ja ja'ay mëti'ipë ja Dios myëpëjktëpën, oy kyanatsujk'ëwtityëty yë ye'etyëjkajtën, Abraham yë'ë y'ap'ajtëp y'ok'ajtëp ets oy wyë'ëmtë mëët ja Dios.

1 Corintios 10:2

Ko ojts ni'ëmukë ja mayjyä'äy mëët ja Moisés yajpaatë yootsjoty ets tuknajxtë ja Tsaptsmejy; jëtu'un ojts nyäxy ijxtëm jeexyë nyëëpäjtën. Tu'ukyë ja wyinma'any tpëjktaktë ets tuuntë wi'ix ja Moisés y'ënä'änyën.

Gálatas 3:23

Ko ënety ka'anëm ja Kristë myiny, jëtu'un ja ënä'ämën ijty xyaj'ijtëmë tsumpyë matsypyën, yaj'ëwxity ets ja mëpëjkën yajpaatëty.

Gálatas 3:28

Ka'ap ma y'ëktuunnë pën jutiis kajutiis, mëtuunpë ëkë kamëtuunpë, ye'etyëjk ëkë to'oxytyëjk, jä'ä ko tu'ukyë miitsëty ijxtëm ja ja'ay tu'ukpën, jä'äkyëjxm ko tu'ukyë mëët ja Kristë Jesús m'itë.

Efesios 3:6

Ya'atë ijty kayajnija'ap: mëët ja oy aaw oy ayuk Dios tmëkajpxta'ay ja naax kajpn ets yajpaatëty mëët ja Kristë Jesús ets t'ëxajëtëty mëti'ipë ja Dios të twaantä'äkyën.

Efesios 4:5

Tu'ukyë ja Wintsën, tu'ukyë ja mëpëjkën, tu'ukyë ja nëëpäjtën;

Efesios 5:26

Paaty jëtu'un tuuny ets ja mëpëjkpëtëjk y'itëty oy ets wa'ats mëët ja aaw ayuk,

Efesios 6:8

Jä'ä ko miitsëty wa'ats xynyijawëtë ko ja ja'ayëty mëti'ipë nitookyëtyën ets ka'apë nyitookyëtyën y'ëxajëjantëp ja kuma'ayën mëti'ipë ja Wintsën yakäämpyën ko ënety winë të tuntë.

Colosenses 1:27

Jëtu'unts yë'ë të tuknijawë mëti'ipë ka'ap jyutiis ja'ay'atën ets tnijawëtëty ja mëj'ajtën jaanty'ajtën mëti'ipë ijty ka'ap yajnijawën. Ja yu'utsypë ijty y'ityën yë'ë ja Kristë, mëti'ipë tyam yajpatpën ma miitsëtyën, mëti'ipë mjëjp'ijxtëpën ets mtukpaatëtëty ja mëj'ajtën jaanty'ajtën.

Colosenses 3:11

Ka'ap yë'ë kyopkpëkyëty pën griegë ja'ay ets jutiis ja'ay, pën tsuky ets pën katsukyën, wä'än tpën ja'ayëty tiija'ayëty, wä'än yë'ëjëty mëti'ipë ka'ap kyajpxwijyëtyën, ëkë mëtuunpë nitookpyë ëkë wä'än t'ëwaatsëtumpëty. Yë'ë kopkpëky ko ja'ay y'ity mëët ja Kristë mëti'ipë tu'kë'ëyë winë myëët'ajtääpyën.

1 Pedro 3:21

Ya'atë nëë, jëtu'un ja nyäxy ijxtëm ja nëëpäjtënën, mëti'ipë ëëtsajtëm tyam ntuk'oy'ajtëmën. Ka'ap yë'ëjëty ja nëëpäjtën mëti'ipë ja ni'kx kopk yajwatsypyën, yë'ë mëti'ipë ja jot winma'any wa'ats yaj'itëpën Dios wyintum, jëtu'unts ja nitsokën npatmëty ko ja Jesukristë jyuukpyijky ma ënety të y'ookyën,