1 Corintios 12:12 - Biblia Dc en Mixe de Quetzaltepec

¹² Kanaakpëky winë tmëëtëty ja ni'kx kopk, tam ja kë'ë teky ets tam ja wiinkëtypë; je'eyëp ko tu'ukyë yë ni'kx kopk. Tim näjyëtu'un ja Kristë mëët ja jyä'äy.

Biblia Mixe de Quetzaltepec

¹² Kanaakpëky winë tmëëtëty ja ni'kx kopk, tam ja kë'ë teky ets tam ja wiinkëtypë; je'eyëp ko tu'ukyë yë ni'kx kopk. Tim näjyëtu'un ja Kristë mëët ja jyä'äy.

1 Corintios 12:12 ပူးပေါင်းရင်းမြစ်များ

1 Corintios 10:17

Oy njanimay'ajtëmë, ni'ëmukë ëëts ja tsajpkääky ojts nka'ayëmë ja tu'ukpë, paaty tu'ukyë nyajpatëmë ijxtëm ja nyi'kx kyopkën tu'ukpë.

1 Corintios 12:20

Tëy ko kanaakpëky yë ni'kx kopk, je'eyëp ko tu'ukyë ja ni'kx kopk.

1 Corintios 12:27

Jëtu'un miits ja Kristë mëët mwë'ëmtë ijxtëm ja ni'kx kopk tu'ukpën ets jëtu'un miits nitu'ukjaty ijxtëm tu'kpëky ja ni'kx kopkën.

1 Corintios 12:7

Dios yäjkpy ja nyi''ijxpäjtën ets nyikëxë'ëkëty ja Kënu'kxymyëkajtën ets ni'ëmukë ntuk'oy'ajtmëty.

Gálatas 3:16

Näyjyëtu'un ënät, Dios ojts tukwinwanë ja Abraham mëët ja y'u'unk y'ok ja oypyë ja juukyajtën. Yë Dios yë y'aaw y'ayuk ka'ap ni'ëmukë ja'ay tijta'ay: U'unk ok, jä'ä y'ënäny mijts yë m'u'unk m'ok, ja Kristë yajtijp.

Efesios 1:23

Yë Kristë mëti'ipë myëët'ajtypyën tu'kë'ëyë winë, yë'ë tu'kë'ëyë nyitënaaytyääpy ja mëpëjkpëtëjk, mëti'ipë ijtëpën ijxtëm jeexyë jam yajpaatën ma ja Kristë ja nyi'kx kyopkën.

Efesios 4:12

Jëtu'un tuknipëjktakëy ets tja'akyukëtëty ja Dios ja jyä'ä ets tja'akyukëtëty wi'ix ja Dios tmëtuntëtyën ets jyotmëkpëktëty mëti'ipë mëpëjktëpën, mëti'ipë ijtëpën ijxtëm ja Kristë nyi'kx kyopkën

Efesios 4:4

Tu'ukyë ëëts'ajtëmë nyajpatëmë ijxtëm ja ni'kx kopkën ets tu'ukyë ja Kënu'kxymyëkajtën yajpaaty, jëtu'un ijxtëm ja Dios të xytyukwinwa'anëmën tu'ukyë ja mëti'ipë yajjëjp'ijxpën.

Efesios 5:23

Jä'ä ko ja ye'etyëjk yë'ë nyikëpajk'ajtyp ja tyo'oxytyëjk, ijxtëm ja Kristë tnikëpajk'atyën ja mëpëjkpëtëjk ets tyajtso'oky, ja mëpëjkpëtëjk mëti'ipë jëtu'unëtyën ijxtëm ja Kristë nyi'kx kyopkën.

Efesios 5:30

jä'ä ko tu'ukyë nyajpatëmë mëët ja Kristë ijxtëm jeexyë tu'ukyë ja ni'kx kopkën.

Colosenses 1:18

Kristë nyikëpajk'ajtyp ja mëpëjkpëtëjk, mëti'ipë ijtëpën ijxtëm tu'uk ja ni'kx kopkën. Yë Kristë tääyëm yë'ë yajpaaty, yë'ë jëyëjp të jyuukpyiky ets nikopk'atëty tu'kë'ëyë oy tyimtiijëty.

Colosenses 1:24

Jotkujkës näjyawëty ko miits nku'ëyowëtë, jëtu'unës nyajkä'pxy ja ëyo'on maas ja njot nini'kxën, mëti'ipë ja Kristë kyayajka'pxën ma tku'ëyo'owëyën ja mëpëjkpëtëjkëty, mëti'ipë yë'ë nyi'kx'ajtyp kyopk'ajtypyën.

Colosenses 2:19

Ka'ap mëët y'itë ja Kristë, mëti'ipë nyikopk'ajtypyën ja mëpëjkpëtëjk ets mëti'ipë yajwinpejtypyën ja mëpëjkën ko n'ijtmëty mëët ja Kristë ijxtëm tu'uk ja ni'kx kopkën ijxtëm ja Dios tsokyën.

Colosenses 3:15

Wä'än ja Kristë yë'ë ja kyijpxyajtën tyajkutuky ma ja mjot mwinma'anyëtyën, jä'ä ko yë'ëkyëjxm ja Dios të myaxtsowëtë ets nitu'ukjaty m'itëty jotkujk ijxtëm tu'ukpë ja ni'kx kopkën ets akëtä'äky jotkëtä'äky myajpaatëty.