1 Corintios 12:11 - Biblia Dc en Mixe de Quetzaltepec

¹¹ E ya'atë, tu'ukyë ja Kënu'kxymyëkajtën mëti'ipë tyuunpyën winë ets tmo'oy ja ja'ay nitu'ukjaty mëti'ipë y'oyjya'apën.

Biblia Mixe de Quetzaltepec

¹¹ E ya'atë, tu'ukyë ja Kënu'kxymyëkajtën mëti'ipë tyuunpyën winë ets tmo'oy ja ja'ay nitu'ukjaty mëti'ipë y'oyjya'apën.

1 Corintios 12:11 ပူးပေါင်းရင်းမြစ်များ

1 Corintios 12:4

Kanaakjëjp ja mëpëjkpëtëjk yajmo'otë ja tuunk, je'eyëp ko tu'uk ja Kënu'kxymyëkajtën mëti'ipë yäjkpyën.

Hebreos 2:4

Näyjyëtu'un ja Dios ojts tnikäjpxy mëët ja ijxpäjtën, mëj'ajtën ets kanaakpëky ja y'oyajtën, mëët ja Kënu'kxymyëkajtën, mëti'ipë kanaakjëjp të nyajmo'oyëmën ijxtëm yë'ë të tuknipëjktaakën.

2 Corintios 10:13

Ëëtsëty, ka'apës nätyukmëjjawëja'anëtë mëti'ipës ka'ap xypyaatën, Tiosës të xymyo'otë yë tuunk; yë tuunk paatyës të nyajmo'otë etsës ntuntëty ma miitsëtyën Corinto ja'ayëty.

Efesios 4:7

Tëë ja tuunk nitu'ukjaty n'ëxajëmë mëti'ipë ja Kristë të xymyo'oyëmën.

1 Corintios 12:6

Kanaakjëjp ja mëk'ajtën mëti'ipë ja'ay yajmooytyëpën, je'eyëp ko tu'ukyë ja Dios, mëti'ipë tyuunpyën winë ets mëti'ipë winë yäjkpyën.

Santiago 1:18

Jä'ä ko Dios jëtu'un të tsojkën'aty, paaty të xymyo'oyëm ja juukyajtën mëtëypyë mëët ja aaw ayuk. Tu'kë'ëyë mëti'ipë Dios yajkojën, jëtu'un yë'ë ijxtëm tii tyëëm'atyën ets n'ijtmëty ijxtëm ja aay ujtsën mëti'ipë jëyëjp tëëm'ajtë'kpën.

Efesios 1:11

Tiosës të xywin'ixy etsës ja kuma'ayën n'ëxajëty ko ja Kristë mëët n'ityës, jëtu'un ijxtëm të tuknipëjktaakën yë Dios mëti'ipë tu'kë'ëyë winë tyuunpyën ijxtëm tsokyën.

1 Corintios 7:17

Oy jyawi'ix'ajtpë, jëtu'un njuuky'ajtëmë ijxtëm ja Wintsën ja tuunk nitu'ukjaty të xymyo'oyëmën; jëtu'un ijxtëm ënety ja Dios të xyaxtso'owëmën. Jëtu'unës nnëëmë ja mëpëjkpëtëjkëty ni'ëmukë.

1 Corintios 7:7

Jëtu'unës njatsoky ets ni'ëmukë ja ja'ay jeexyë y'itë ijxtëm ëjtsën, je'eyëp ko ka'ap ja Dios tu'knax ja tuunk të xymyo'oyëmë.

Romanos 12:6

Këëkjä'ä ja Dios ja tuunk të xymyo'oyëmë wi'ix tii nitu'ukjaty ntu'unmëtyën. Tam mëti'ipë të yajmo'oyën ja tuunk ets tkajpxwa'kxëty ja Dios ja y'aaw y'ayuk, wä'än jëtu'un tuny ijxtëm tmëëtëtyën ja mëpëjkën.

Romanos 9:18

Dios pya'ëyoopy yë ja'ay mëti'ipë pya'ëyoowäämpyën ets yajju'unëp ja ja'ay ja y'aaw jyot mëti'ipë ënety jëtu'un tyuknipëjktakëpën.

Juan 5:21

Jä'ä ko ijxtëm ja Dios Teety tyajjuukpyikyën ja o'kpë ets tmo'oy ja juukyajtën, näjyëtu'un ja y'U'unk ja juukyajtën tmo'oy pën myo'ojäämpyën.

Juan 3:27

Ets ja Juan y'ënëmaayëtë: Ka'ap pën tii tmëëtëty pën ka'ap ja Dios të myo'oyë.

Juan 3:8

Yë poj, pojp oymyaajëty, ets oy jyayajmëtoy ko y'amu'uy; ka'ap yajnijawë maa tsyoony ets maa nyijkx; näjyëtu'un yë'ëjëty mëti'ipë mëxu'unk'ajtëpën jatëkok ka'ap yaj'ixtë.

Mateo 20:15

ëjts kë'ëm xypyatp wi'ixës nyajtuunkpaata'any yë nmeenyës, ¿këtiijë? ¿Ëkë yë'ë xytyukka'oy'ijxpës koos oy tii ntunyë?

Mateo 11:26

Jëtu'un Dios Teety, jä'ä ko jëtu'un mijts të xytsyoky.

Daniel 4:35

Ma yë'ëjën nitu'uk yë naaxwiinyëtë ja'ay kyamëkëty. Yë'ë jëtu'un winë tuny tä të tuknipëjktaakën, tsajpjotm ets naaxkëjxy. Ka'ap pën tjëkyepy yë myëk'ajtën tjëjpkuwa'akëty ets ka'ap pën tjëkyepy tyajtëëwinpitëty tii ya'atë xi'itë jëtu'un tuny.

1 Corintios 12:18

Tëë ja Dios tuknipëjktaakë wi'ix ja ni'kx kopk y'itëtyën, nitu'ukjaty aaktam ja tyuunkëty, wi'ix kë'ëm të tsojkën'atyën.