1 Corintios 12:1 - Biblia Dc en Mixe de Quetzaltepec

¹ Mëku'uktëjkëty, yë'ëjës ntsojkpy ets miits xynyijawëtëty ko ja Kënu'kxymyëkajtën tyäky kanaakjëjp ja tuunk.

Biblia Mixe de Quetzaltepec

¹ Mëku'uktëjkëty, yë'ëjës ntsojkpy ets miits xynyijawëtëty ko ja Kënu'kxymyëkajtën tyäky kanaakjëjp ja tuunk.

1 Corintios 12:1 ပူးပေါင်းရင်းမြစ်များ

Romanos 1:13

Tyam ntuknijawëtë mëku'uktëjkëty, ko tëëjës kanaak ok njatuknipëjktaakë ets të njaninëjkxa'antë ets nni''ixa'antë, je'eyëp ko xëmës ja ëtujkpë të npaaty. Yë'ës njatsojkpy ets ja Dios tyajkutukëty etsës n'ixa'any wi'ix ja Dios tyunyën ma miitsëtyën jëtu'un tääjës të n'ixyën wiinktsow muum ma ka'ap jyutiis kajpnëtyën.

1 Corintios 10:1

Mëku'uktëjkëty, ka'apës ntsoky ets miits xyjyä'ätyëkoytyëty ko ja n'ap'ajt n'ok'ajtëm yajpatë yoots akujky ets ko ni'ëmukë ojts tuknaxtë ja Tsaptsmejy.

1 Corintios 14:37

Pën jam pën nitu'uk nyäjyawëty ko Dios käjpxynyajxpë ëkë ko Kënu'kxymyëkajtën winma'anymyooyëp, nyijawëp ko mëti'ipë yam ntuknija'ayëtëpën Dios jëtu'un të tni'ënä'ämë.

2 Corintios 1:8

Mëku'uktëjkëty, yë'ë miits ntuk'ëwaanëjantëp wi'ixës ja jotmay të ntuknaxtën jam Asia y'itjotm. Mëk ëëts ja ëyo'on të npaat të n'ixtë, ka'ap myëtënaaynyëty; ka'apës n'ëkjëjp'ijxnëtë ënety ets jam npëtsëmtëtyës juuky.

Efesios 4:11

Yë'ë pyëjktak ja ja'ay ets ja oy aaw oy ayuk tkajpxwa'kxëty, wiinkpë Dios kyäjpxynyajxpë'atëty, wiinkpë tkajpxwa'kxëty ja oy'aaw oy ayuk, wiinkpë ja mëpëjkpëtëjk t'ijx'it tkëwent'atëty ets ja wiinkpë yaj'ixpëkëty.

1 Tesalonicenses 4:13

Mëku'uktëjkëty, ka'apës ntsoky ets miits xykyanijawëtëty wi'ix ja o'kpëtëjk jyatën, këtiipë mjotmay'ooktëty ijxtëm ja ja'ayëtyën mëti'ipë ka'ap tii tjëjp'ixtën.

2 Pedro 3:8

Mëku'uktëjkëty, ja'amyätstë näjyëtu'un, ko ja Dios, tu'kxëëwpë, tu'uk mil jëmëjtën tyajnaxy; ets ja tu'uk mil jëmëjtpë tu'kxëëwën tyajnaxy.