1 Corintios 11:34 - Biblia Dc en Mixe de Quetzaltepec

³⁴ Ets pën jap pën yuu'ookyë, wä'än tkay jam ma tyëjkën ets ja Dios ka'ap tsyäätyunëtëty ko ënety kya'ëwxity ma ye'eymyuktën. Jäänëmës wiinkëtypë ja jotmay nyaj'oyëty ko ënety jam nëjkx nku'ixëtë.

Biblia Mixe de Quetzaltepec

³⁴ Ets pën jap pën yuu'ookyë, wä'än tkay jam ma tyëjkën ets ja Tios ka'ap tsyäätyunëtëty ko ënäty kya'ëwxity ma ye'eymyuktën. Jäänëmës wiinkëtypë ja jotmay nyaj'oyëty ko ënäty jam nëjkx nku'ixëtë.

1 Corintios 11:34 ပူးပေါင်းရင်းမြစ်များ

1 Corintios 11:33

Jëtu'un mëku'uktëjkëty, ko mkaya'an m'uuka'antëty, näy'ëwxitëtë nixim niyam.

1 Corintios 16:1

Ko ja putëjkën xyajmuktëty ets yajmo'otëty ja nmëku'uk'ajtëmë, tuntë ijxtëmë të ntuk'ëwaanëtën ja mëti'ipë tsënaaytyëpën jam Galacia y'itjotm.

1 Corintios 16:2

Wintu'ktominkë xynyikoonpätëty ja putëjkën, jëtu'un xypyukontëty wi'ix ënety tii xypyaatën ets xypyëjkë'ëktëty. Koos nja'tëty, ka'ap jää myukëty ja putëjkën.

1 Corintios 16:5

Koos nnëjkxëty ma miitsëtyën, Macedonia y'itjotmës naxa'any, koos jam ntsoonëty Corinto nja'ta'anyës.

1 Corintios 4:17

Paaty ntuknikäxtë ja Timoteo, mëti'ipës ni'ik ntsojkpyën ets n'u'unkja'apën ma ja mëpënjkënën. Yë'ë nëjkx mtukja'amyätsëtë wi'ixës winë të ntunyën koos ja Kristë të nmëpëky, jëtu'un ijxtëmës të nyaj'ijxpëkyën maajatyës të nnaxyën.

1 Corintios 4:19

Pën y'a'ijxëp ja Wintsën, jyëkyejpy tsojk ninëjkxtëty. Tääts n'ixëtyës pën janty jotmëk ya'atë ja'ayëty mëti'ipë amëj akëjxm näjya'awëtëpën, këtiipë je'eyë y'aaw tmëtë'ëtstëty.

1 Corintios 7:17

Oy jyawi'ix'ajtpë, jëtu'un njuuky'ajtëmë ijxtëm ja Wintsën ja tuunk nitu'ukjaty të xymyo'oyëmën; jëtu'un ijxtëm ënety ja Dios të xyaxtso'owëmën. Jëtu'unës nnëëmë ja mëpëjkpëtëjkëty ni'ëmukë.

Tito 1:5

Ko mijts ojts nyajwë'ëmy jam Creta, yë'ëkyëjxm ets xyaj'apaatëty ja tuunk mëti'ipë ënety jam apaatëjaanpën ets xypyëjkta'akëty mëti'ipë nyimëjja'ay'atëpën ja mëpëjkpëtëjk ma ye'eymyuktën, jëtu'un ijxtëm ënety të ntuknipëkyën.