1 Corintios 11:32 - Biblia Dc en Mixe de Quetzaltepec

³² Ko ja Dios xytyiytyu'unëmë, oy yë'ë, ets nja'akyujkëmëty këtiipë npatmëty ja tëytyu'unën mëët ja ja'ayëty mëti'ipë yajtuuntëpën ja naaxwiinyëtë winma'any.

Biblia Mixe de Quetzaltepec

³² Ko ja Tios xytyiytyu'unëmë, oy yë'ë, ets nja'akyujkëmëty këtiipë npatmëty ja tëytyu'unën mëët ja ja'ayëty mëti'ipë yajtuuntëpën ja naaxwiinyëtë winma'any.

1 Corintios 11:32 ပူးပေါင်းရင်းမြစ်များ

2 Samuel 7:14

Ëjtsës nëjkx xytyeety'äty ets yë'ë nmaank'atyës. E ko ënety tyuuntëkoy, nëjkxëpës ntukumëtoy ijxtëm tu'uk yë u'unkteetyën yë y'u'unk tukumëtoyën ko kyamëtä'äky,

Salmos 118:18

Tëës yë Wintsën mëk xytyiytyuny, e ka'apës të xytyimyaj'ooky.

Isaías 1:5

Yi'iyë miitsëty mmëmaay mmëtajtëp wi'ix mkäjpxykyumëtoownaxtëtyën, ma mjot mnini'kxëtyën ka'ap t'ëkjëkyäjpnë ma myajwoptëty. Aak tsëtyut ja mni'kx mkopkëty, tëë mmëjaawkëjxnëtë.

Jeremias 7:28

Ënëëmë: Ya'atë jëtu'un naax'ajtp kajpn'ajtp mëti'ipë ka'ap tmëmëtoyën ja Wyintsën Dios ets ka'ap tsoky tii yajtuk'ënëëmëty. Ka'ap tii mëtëy t'ëknimëtyaknë.

Sofonías 3:2

Ka'ap tmëtoy wi'ix ja Wintsën jya'ëna'anyën ets ka'ap të tkupëky ets yaj'awijtsë'ëkëty; ka'ap yë Wintsën të tuk'ijxpety ets ka'ap të t'ëwtaty.

Romanos 3:19

Nnija'awëm ko tu'kë'ëyë mëti'ipë nyimëtyäkpyën ja ënä'ämën, yë'ëkyëjxm nimëtyä'äky ets twinmëtowtëty ja ja'ay mëti'ipë ja ënä'ämën yajmëjnajxtëpën ets amonyë y'itëty ni'ëmukë ets tku'ëtsowtëty ja pyokyëty jam Dios wyintum.

Romanos 5:16

Tu'ukpë ja ja'ay ja nyëë pyoky, ka'ap tjëkyepy n'ijxkijpxmëty mëët ja Dios ja y'oyajtën, jä'ä ko je'eyë tu'uk ja ja'ay të kyamëtä'äky tääts ni'ëmukë të tyëkooytya'atë; e ja Dios ja y'oyajtën nimay ja ja'ay tyajwatsta'ay, oy jyamayëty ja nëë poky.

1 Corintios 1:20

¿Maa ja ixpëkyjyä'äy, ja yaj'ijxpëjkpë ets mëti'ipë tii nyimëtyaktëpën të nyëjkxta'atë? Dios, tsuuwinma'any të tpëjktä'äky ja wijyajtën kejyajtën naaxwiinypë.

1 Corintios 1:21

Ja Dios ja wyijy'ajtën, ka'ap ojts ja naaxwiinyëtë ja'ay tja'akyyukëtë mëët ja wyijy'ajtën kyejy'ajtënëty, tëë ja Dios tuknipëjktaakë ko tyajnitso'oka'any mëët ja y'aaw y'ayuk mëti'ipë mmëpëjkëpën, oy ya'atë jëtu'un jyayajmëtoy ijxtëm ja tsuuwinma'anyën.

1 Corintios 11:30

Paaty miits ja mmëku'uktëjkëty jënaakën pya'ampätë ets myontë tyuktë ets tää mëti'ipë të y'ooktën.

1 Corintios 11:31

Kooxyëp jeexyë kë'ëm näyaj'o'oyëmë, ka'ap ja Dios jeexyë xytyiytyu'unëmë.

1 Corintios 11:33

Jëtu'un mëku'uktëjkëty, ko mkaya'an m'uuka'antëty, näy'ëwxitëtë nixim niyam.

Deuteronomio 8:5

Yë'ë ëkmëmay ëkmëtajtë, ko yë Wintsën jëtu'un të mwoow'it të mwijts'itëtë, tä tu'uk yë u'unkteety tmëët'atyën yë y'u'unk.

1 Timoteo 1:20

Jëtu'un jyajtë ja Himeneo ets ja Alejandro, mëti'ipës të ntukë'ëtëkëtën ja mëjku'u ets tyukwij tyukäjëtëty ets ka'ap ja Dios tnäkymyëkajpxtëkoytyëty.

1 Juan 5:19

Nnija'awëm ko ëëtsajtëm Dios xyjyä'ä''ajtëm, tu'kë'ëyë ja naaxwiinyëtë atsojkën ku'oypyë jä'ä'ajtëp.

Apocalipsis 3:19

N'ojpyës ets ntsaatytyuunpyës mëti'ipës ntsojkpyën. Paaty mijts pëjkta'ak mëk ja mwinma'any ets niwinpit ja Dios.