1 Corintios 11:25 - Biblia Dc en Mixe de Quetzaltepec

²⁵ Ko ënety të y'a'ux'ajta'atë, ënät ojts tkoonë'ëky ja a'ukën ets y'ënäny: Yë'ë ya'atë jempyë ja käjpxytyu'unën koos ja ne'pny tyunëty xyä'kxëty. Ko miits tëkok tëkok xy'uuktëty, jëtu'un xyjyaamyätstëtyës.

Biblia Mixe de Quetzaltepec

²⁵ Ko ënäty të y'a'ux'ajta'atë, ënät ojts tkoonë'ëky ja a'ukën ets y'ënäny: Yë'ë ya'atë jempyë ja käjpxytyu'unën koos ja ne'pny tyunëty xyä'kxëty. Ko miits tëkok tëkok xy'uuktëty, jëtu'un xyjyaamyätstëtyës.

1 Corintios 11:25 ပူးပေါင်းရင်းမြစ်များ

Lucas 22:20

Näyjyëtu'un tuuny ko y'a'ux'ajtaay ets tkoonë'ky ja a'ukën ets y'ënäny: Ëjts ya'atë nne'pny mëti'ipë miits mtuk'oy'atantëpën ets ja Dios ja käjpxytyu'unën tyaj'ëtukëty.

Hebreos 13:20

Ja Dios mëti'ipë yäjkpyën ja jotkujk'ajtën ets mëti'ipë ojts tyajjuukpyikyën ja Wintsën Jesús, jëtu'unpë yajpaatyën tä kupixyny këwent'ajtpën, mëti'ipë mëët ja nye'pny ja käjpxytyu'unën të tyaj'apaatën xëmëkyëjxm,

2 Corintios 3:6

Yë'ë të xyajwij të xyajkäjëm ets ja käjpxytyu'unën nkuuytyu'unmëty; ka'ap yë'ëjëty mëti'ipë Moisés yajmooyën, yë'ë mëti'ipë ja Kënu'kxymyëkajtën tyuunpyën. Yë ënä'ämën tëyajtën je'eyë nyi'ënä'ämë ets n'o'kmëty, e yë Kënu'kxymyëkajtën yäjkpy yë juukyajtën.

1 Corintios 10:16

Ko ojts n'ukëm ja kënu'kxynyëë a'ukënjoty ets ojts nyajmëjnajxëmë ja Dios, tu'ukyë ënety tpaaty n'ijtëmë mëët ja Kristë ja nye'pyny, ko ojts nka'ayëm ja tsajpkääky mëti'ipë ojts ntujkwa'kxëmën, tsojk ni'ëmukë ntukjotkujk'ajtëmë ja Kristë ja jyot nyini'kx.

2 Corintios 3:14

Je'eyëp ko yë'ëjëty ka'ap ojts tja'akyukëtë, tyampaat je'eyëm jëtu'un tyajtu'uye'eytyë. Ko tjakajpxtë ja tukpë ja ënä'ämën, jëtu'un nyäpyëjkta'akëtë je'eyëm yowë twinkuwitsë'atë ja wit, jä'ä ko ka'ap pën të tyukwinwijtstu'utëtë, jä'ä ko ënät jeexyë jyënäky ko jeexyë yë Kristë tmëpëktë.

Éxodo 24:6

Yë Moisés ojts ja ne'pny tpëky ets jap tpëjktäky ma tu'uk yë mëj'a'ukënën ets ojts tuknixijkxy kujkwä'kxy ja wintsë'këntyakn.

Éxodo 24:8

Ënet ojts ja Moisés ja ne'pny tkëëyi'iky, mëti'ipë ënety jap ijtpën a'ukënjoty ets ojts tuknixijkxta'ay ja mayjyä'äy, tääts t'ënëmaay: Ya'atë ne'pny yë'ë jëtu'un nyikäjpxyp ja käjpxytyu'unën, mëti'ipë ja Dios të tunyën mëët miitsëty, jëtu'un ijxtëm yap këxja'ay myinyën.

Jeremias 31:31

Jëtu'un yë Wintsën y'ënä'äny: Pyätyp ja xëëw maas ntuna'anyën jempyë käjpxytyu'unën mëët yë Israel ja'ayëty ets Judá ja'ayëty.

1 Corintios 11:24

Ets ojts ja Dios tkukajpxë, ënät ojts tujkwä'kxy ets y'ënäny: Ëjts ya'atë nxixy, mëti'ipë o'kpën ets miits xytyuk'oy'attëty. Mtuntëp ya'atë etsës xyjyä'ämyätstëty.