1 Corintios 11:19 - Biblia Dc en Mixe de Quetzaltepec

¹⁹ Jëtu'un tyimjataanpë ets miits mnäpyëjkwa'kxëtëty ets yajnijawëty pën oy myëtuuntëp ja Dios.

Biblia Mixe de Quetzaltepec

¹⁹ Jëtu'un tyimjataanpë ets miits mnäpyëjkwa'kxëtëty ets yajnijawëty pën oy myëtuuntëp ja Tios.

1 Corintios 11:19 ပူးပေါင်းရင်းမြစ်များ

Mateo 18:7

Ëxëëk tjapaaty ko yaa naaxwiiny naaxkëjxy yi'iyë jää'ajtp wi'ix ja'ay pyokytyunëtyën. Jää'ataanp yë xëmë, je'eyë ko ja ja'ay mëti'ipë ja myëku'uk yajpokytyuunpyën ëxëëk ja jyata'any kyëpäta'any.

Lucas 17:1

Jëtu'un ja Jesús t'ënëmaay ja y'ijxpëjkpëtëjk: Tëy yë'ë ko tää ja'ay mëti'ipë yajpoky tyunaanpën; je'eyëp ko tääpë ja'ay poky yë y'ity.

Lucas 2:35

jëtu'un yajnijawëty wi'ix ja ja'ay nitu'ukjaty myäytyën tyajtën. E mijts jëtu'un ya'atë tu'kë'ëyë xyjyawëja'any ijxtëm jeexyë ja mja'awën tyuknaxyë tu'uk ja tsujkn.

Hechos 15:5

Tääts ja fariseë ja'ayëty jënaakën mëti'ipë ënety tëë ja Jesús tmëpëktën, wya'akë'ktë ets y'ënantë: Ni'ëmukë ja mëpëjkpëtëjk, mëti'ipë ka'ap jyutiisëty, kopkpëky ko yajnatsujk'ëwtitëty ja ye'etyëjkajtën ets ja Moisés ja y'ënä'ämën yajpatunëty.

Hechos 20:30

Näy tam jënaakën ma miitsëtyën mëti'ipë nëjkx wyin'ëënyën ets jëtu'un yaj'ixpëka'any ets ja mëpëjkpë pyanëjkxëtëty.

Hechos 24:14

Yi'iyës nkupëjkpy koos ja Dios nmëtuny ijxtëmës ja n'ap n'ok tmëtuuntën. Yë'ës npanëjkxyp mëti'ipë yajtijpën Në'ë Tu'u Jempyë, mëti'ipë yë'ë tyijtëpën ijxpëjkën ka'apë myëtëyëtyën ets nmëpëjkpyës ja Moisés ja y'ënä'ämën ets mëti'ipë ja Dios ja kyäjpxynyajxpë ojts tnikajpxtën.

Hechos 24:5

Tëës yajxon nijawëtë ko ya'atë ja'ay y'ëyo'onpëjktä'äky ets ja jutiis ja'ay tyajjoot'anpëky ets tyajnäwyä'kxyë tu'kë'ëyë naaxwiinyëtë ja'ay ets yë'ë nyikopk'ajtyp ko t'ijxpëktë tu'uk ja Nazaretëtë ja'ay ja y'ijxpëjkën.

Hechos 26:5

Pën nyikajpxantëp, oy tnikajpxtëty, nyija'wëtëpts yë'ëty koos mutsknëm mpatso'ontä'äky yë fariseë ja'ay y'ijxpëjkën, ja ijxpëjkën tsipë ets mëkpë.

Hechos 28:22

Yë'ës njamëtowantëp wi'ix mijts mmay mtajy, jä'ä ko nija'awëtëpës ko oymyaajëty aak ëxëëk ja'ay tnikäjpxy tnimëtya'aktë ya'atë jemypyë ijxpëjkën.

Hechos 5:17

Ënet ja teety wintsën mëët ja saduceos mëktä'äky tukjoot'anpëjktë ja ijxpëjkpëtëjk,

1 Corintios 11:20

Ko mye'eymyuktë ets xy'atuunaxtë ja Wintsën ja y'a'ux, ka'ap jëtu'un xytyuntë ijxtëm ja Wintsën ojts tni'ënä'ämën.

2 Corintios 12:20

Tsë'këpës ko ënety nëjkx nku'ixëtë ets nkapaatëty ijxtëmës njatsokyën ets ko miits nëjkx mjamintë nän ka'apës xypyaatëty ijxtëm xyjyatsoktën. Tsë'këpës ko wä'änxyëp ënety miits jam xymyëët'atë ja tsip äkë, näkya'oy'ixë; ëkë pi'tskäjpxy pi'itsmëtyä'äky, xim yam myajpaatë, mnäy'ëxëëk'ijxëtëp, nixim niyam; mnanyi'oj mnanyiyaaxëtë ets je'eyë tii të xyajma'ta'atë.

Gálatas 5:20

y'ëwtajtëp mëti'ipë ka'ap Tyiosëtyën, patooy panajxtëp, atsip a'äkë jyuuky'atë, mëtsip'ajtëp, pojën jyoot'anpëktë mëët yi'inëm tii, kyë'ëm oyajtën y'ixtaaytyëp, yajnäwya'kxëtëp ja ja'ay, ëpëky nyäpyëjkta'akëtë,

Deuteronomio 13:3

Këtii nëkoo xymyëpëktëty, jä'ä ko yë Wintsën mëti'ipë mTiosajtëpën je'eyë nëkoo mwinma'any'ixëtë ets t'ëkjanty'ixa'any pën mjantytsyojk mjantyjya'awëtëp winë aaw winëjot.

Tito 3:10

Pën jam pën tyajnäwya'kxa'anyë ja mëpëjkpëtëjk, wiinkukajpxë tëkok ëkë mäjtsk ok; pën ka'ap mmëmëtoyë, tim käjxpëtsëm ma ja mëpëjkpëtëjkëtyën.

1 Juan 2:19

Yë'ëjëty tëë jam yajpaatë ma ëëtsajtëmën. Je'eyëp ko ka'ap oy të myëpëktë. Ko jeexyë tu'ukyë ja jyot wyinma'any të tpëjkta'aktë, ka'ap jeexyë të xypyuye'eytyutëmë. Jëtu'un të nyikëxë'ëky ko ka'ap ëëtsajtëm nja'ay'ajtëmë.