1 Corintios 10:22 - Biblia Dc en Mixe de Quetzaltepec

²² Ëkë ¿yë'ë Wintsën nyajjoot'anpëka'anëmë? ¿Wäänë mëj jëtää ja winma'any nmëët'ajtëm këtiinëm yë'ëjë?

Biblia Mixe de Quetzaltepec

²² Ëkë ¿yë'ë Wintsën nyajjoot'anpëka'anëmë? ¿Wäänë mëj jëtää ja winma'any nmëët'ajtëm këtiinëm yë'ëjë?

1 Corintios 10:22 ပူးပေါင်းရင်းမြစ်များ

1 Reyes 14:22

Je'eyëp ko ja Roboam aak ëxëëkjaty ojts winë tuny jam Wintsën wyintum, yë Wintsën ni'ik ojts twiink'ixy ja Roboam ja tyuunk këtiinëm ja y'aptëjk mëti'ipë jëyëjp yajkutujktën.

Job 9:4

Yë Dios mëj këjää tmëët'aty yë mëk'ajtën kuttujkën ets wijyajtën, ¿pën nëkoo ëkmëmayëtëp ets ka'ap yajmëta'akëtëty?

Salmos 78:58

Ojts tyajjoot'anpëktë mëët ja wintsë'këntyakn, ma ja wiink tios t'ëwtatën,

Éxodo 20:5

Ka'ap jëtu'unpë xywyinkoxtänëty, ëkë xymyëjjaw xyjyäänty jyawëty. Jä'ä ko ëjts jëtu'un mWintsën Dios, mëti'ipë ni'äkë'ajtp ets tmo'oy ja tëytyu'unën ja taak teety ja y'ëxëëktu'un y'ëxëëkkajpxën ma ja u'unk ëna'kën ets ma ja ok'u'unk ok'ëna'kën ets ma ja ok'u'unk ok'ëna'kën ja y'u'unk y'ëna'këty, tëkëëk ets taxk najtskä'äxë paat.

Éxodo 34:14

Këtii wiinkëtypë wintsën xy'ëwtatëty, jä'ä ko yë Dios ni'äkë'ajtp yë'ë, jä'ä xyëëwajtyp Ni'äkë'ajtpë.

Eclesiastés 6:10

Mëti'ipë tyam jää yajpatpën, tëëyëp yë yajxëëwmo'oy, je'eyëp ko tyam yajnijawë tii txëëwatyën. Ka'ap tjëkyepy tsyiptunëty pën mëët mëti'ipë ni'ik mëjën.

Isaías 45:9

Tu'uk naaxtu'ts ets oymyëti'ipë tu'tsëty, ka'ap mëët nyäy'ojyë mëti'ipë yajkojëpën. Yë naax mo'onts ka'ap t'ënëëmë mëti'ipë pojtsëpën: ¿Tii mtuumpy?, ets ka'ap tjëkyepy t'ënëëmëty mëti'ipë të yajkojyën: Mijts ka'ap xyjäty mtunëty.

Jeremias 44:8

¿Wi'ixës ko xyajjoot'anpëktë mëët mëti'ipë mtuuntëpën, ko yë poom xytyukwintsë'ëkëtë wiink tios yaa Egiptë ma të mintën tsënääpyë? Ko jëtu'unpë xytyuntë, kë'ëm mnäyajkutëkoya'anëtë ets ijxpät mwa'antëty ma të myajpoktën ets o'ktëy mjatëty ma ja naax kajpnëtyën naaxwiinyëtë apëtsëmy.

Jeremias 7:19

E kajts y'ëjtsëty y'ëxëëktuntë, kë'ëm nyäy'ëxëëktunëtë ets kë'ëm tmëxuuk tmëjoktëty. Ëjts Wintsën, ëjts ënaanp.

Ezequiel 22:14

Mijts nitii mëk'ajtën xykyamëët'ata'any ko ënety nnipëtë'ëky ets ntëytyuny. Ëjts Wintsën ëjts ënaanp ets koonëmës nkuuytyuna'any:

Sofonías 1:18

Ma ënety ja Wintsën të y'ëwa'antä'äkyën ka'ap nëjkx ni pën tsyo'oky ets yë'ëpaat yë pu'ts pujxn poop pujxn wa'ats kyutëkooytya'aja'any, jä'ä ko ja Wintsën ja tsyip y'äkë jëtu'un nëjkx jyëtity jëënën ets nëjkxëp ja naax kajpn nyitooytyä'äy. Tu'kë'ëyë ja ja'ayëty mëti'ipë ënety kajpnjoty tsënaaytyëpën poj'am y'o'kta'aja'antë.

Deuteronomio 32:16

Tëë yë Dios tyajjoot'anpëktë ko të t'ëwtatë naaxpotsy.

Deuteronomio 32:21

Yë'ëjëty je'eyës xëmë xyajjoot'anpëktë. Jä'ä ko ënätyë wiink wintsën tpanëjkxtëkëtë, ëxëëkës njanäjyawëty, ko yë'ë tmëjjawëtë ka'apë wyintsënëtyën. E kajts wyi'ixëty oy ko jyëtu'unëty, nëjkxëp yë ja'ay ëxëëk tyunëtë mëti'ipë jëtu'unyë jëtijtëpën, ka'apë yajnijawën maajën kyukajpn'atë, nëjkxëp yajtsipkä'äxëtë yë ja'ay mëti'ipë ka'ap ninu'un jyä'äkyukën.

Deuteronomio 4:24

Jä'ä ko miits yë mWintsën Tiosëty, yë'ë Dios mëti'ipë ni'akë'ajtpën. Ko tii tka'oy'ixy, jëtu'un yë jyoot'anpëky tä tu'uk yë mëj jëën tyajtooytyä'äyën winë.

Deuteronomio 6:15

Jä'ä Ko yë Wintsën mëti'ipë miits mTiosajtëpën, mëti'ipë yajpatpën mëët miitsëty jä'ä yë Wintsën mëti'ipë ni'akë'ajtpën; tsojk mtukjoot'anpëkëtëty ets myajkutëkoyëtëty ko xykyamëmëtowtëty.

Hebreos 10:31

Mëj ëyo'on yë'ë ko Dios Juukpyë xytyiytyu'unmëty.

Josue 24:19

E ja Josué tyaa y'ëtsoowëtë: Miitsëty ka'ap xyjyëkyäptë Dios xymyëtuntëty. Jä'ä ko wa'ats yë'ë ets ni'äkë'ajtp; ko pën je'eyë kyäjpxykyutëjy ets pyokytyuny, ka'ap jëtu'unyë tnani''ijxnaxy.