1 Corintios 10:13 - Biblia Dc en Mixe de Quetzaltepec

¹³ Ka'anëm miits xypyaatë ja ëyo'on jotmay mëti'ipë ka'ap yajmëmëta'akëtyën. Jyëkyejpy miits ëmuumtu'uk ja Dios xymyëpëktëty ko ka'ap mtukpaata'anëtë ja ëyo'on wäänë mëkpë mëti'ipë ka'ap myëmëtaknëtyën ets pën jää ënety ja ëyo'on jotmay xypyaatë, Dios nëjkx mputëkëtë ets xymyënax xyajnaxtëty.

Biblia Mixe de Quetzaltepec

¹³ Ka'anëm miits xypyaatë ja ëyo'on jotmay mëti'ipë ka'ap yajmëmëta'akëtyën. Jyëkyejpy miits ëmuumtu'uk ja Tios xymyëpëktëty ko ka'ap mtukpaata'anëtë ja ëyo'on wäänë mëkpë mëti'ipë ka'ap myëmëtaknëtyën ets pën jää ënäty ja ëyo'on jotmay xypyaatë, Tios nëjkx mputëkëtë ets xymyënax xyajnaxtëty.

1 Corintios 10:13 ပူးပေါင်းရင်းမြစ်များ

Salmos 124:7

Tëë nkukäkëmë ja o'ktakn, jëtu'un ijxtëm yë joon tkuke'ekyën yë o'ktakn mëti'ipë muum yu'utsy ijtpën; ja n'o'ktakn'ajtëm jëtu'unyë të pyojtakta'ay, paatykyëjxm të tjëkyepy wi'ix nkäkmëtyën.

Salmos 125:3

Tu'uk yë yajkutujkpë mëti'ipë ka'ap tukjatyën oy y'ënä'ämëty, ka'ap tjëkyepy jeky yajkutukëty ma naaxwiinyëtën mëti'ipë ja Dios të tmo'oyën ja nyaax kyajpn, jä'ä ko pën jëtu'un, tsojk ja'ay tii tuntëkoytyëty.

Salmos 36:5

E yë mtsojkën mja'awën, Wintsën, jampaat tsajpwinm jyä'ty; ets mwa'atsajtën pyätyp yë tsuxk tsajp.

Salmos 89:33

E ma David ja jyuukyajtënën ka'apës ja ntsojkën nja'awën tu'ukyë njëpëka'any, ja n'oyjot n'oywyinma'anyës xëmë jam yajpaata'any.

Éxodo 3:17

Näyjyëtu'unës të xy'ënëëmë, ko mmo'oja'anëtë ëwaatsëtuuy'ajtën yaa Egiptë ma ëxëëk mjatën mkëpätën, ets myajnëjkxa'anëtë jam ma nyaax kyajpnëtyën yë Canaán ja'ayëty, Hit ja'ayëty, Amor ja'ayëty, Ferez ja'ayëty, Heve ja'ayëty ets Jebús ja'ayëty; jam ka'ap yë jë'kxy pëky y'ëmaaytyä'äky, jam jëtu'un yë jë'kxy këtii y'ëmaayëty, tä tu'uk yë komnëë pyëyi'ikyën.

Isaías 11:5

Tääpë ja'ay yë'ë xëmë kyajpxäämpy myëtya'akäämpy ja oypyë nipaye'eyën ets ja mëtëypyë.

Isaías 25:1

Wintsën, mijts nTios'ajtyp; mijts nyajmëjnajxyp ets nmëjja'aw nkënu'kxyjya'apës yë mxëëw, jä'ä ko tëë xytyuny mëjwiin këjää winë ijxtëm ojts xynyikäjpxyën, jëtu'un tyimtso'ontäky tëëyëp.

Isaías 49:7

Yë Wintsën, mëti'ipë yaj'ëwaatsëpëtsëëmpën, ja Wa'atspë yajpaatyën ma Israel kajpnën, jëtu'un t'ënëëmë ja naax kajpn mëti'ipë ëxëëk të yaj'ixyën, mëti'ipë je'eyë të myëtunyën ma ënä'ämpë yajkutujkpën wiinktsowpë tsyoontën: Ko ënety ja yajkutujkpëtëjk ets wintsëntëjk m'ixëtë, ënät nëjkx mniwä'ätsë'ëkyë ets mkajpxpo'kxëtëty mëët tu'uk ja näywyinkutsë'kën, jä'ä ko ëjts Wintsën, ja Wa'atspë ma Israel kajpnën, ëjts mijts të nwin'ixy ets npatuumpyës ja n'aaw n'ayuk ijxtëmës të nikäjpxyën.

Jeremias 12:5

Pën mijts m'ënu'kxëp ko mpëyë'kijpxy mëët yë ja'ay, ¿wi'ix mpëyë'kijpxa'any mëët ja kwaay? Joytyuuy jotkujk mpëyi'iky, e jam ma Jordán yukjotmën ¿wi'ix mpëyë'ëka'any?

Jeremias 29:11

Ëjts nija'ap wi'ixës nimay nitajën winë mëët miitsëty ets oy mjuuky'atëty ka'ap y'ëxëëkëty, jotkujk myajpaatëty. Ëjts Wintsën, ëjts ënaanp.

Lamentaciones 3:23

Jopy jopy y'ajämë; mëjwiin këjää yë tsyojkën jya'awën.

Daniel 3:17

Ëëts ja nTiosëty, mëti'ipë n'ëwtajtëpënës, yë'ëjës xyajtso'oktëp jap jëënjoty ets muum ëxëëktum ma ënety ja yajkutujkpë ëëts xypyëjkta'aka'antën, yë Wintsën yë'ë ëëts xyajtso'okantëp.

Oseas 2:20

Mijts mpëkäämpy ets nwinkutsë'ëkëjäämpy, etsës näjyëtu'un xy'ixkäpëty ko ëjts Wintsën.

Mateo 6:13

Ka'ap mëpaat ëxëëk n'ëtë'ëtstë n'ëna'antës, ni'ikyës jap xyjyuutëty ma ja ëxëëkpën.

Lucas 11:4

Nimä'kxtëkës ja npoky nkëtyey, jä'ä ko tëëjës nimä'kxtë mëti'ipës xymyëtëkooytyëpën. Ka'apës mëpaat ja ëxëëkpë xymyëmëta'aktë.

Lucas 16:26

Ëpëky näjyëtu'un, tää tu'uk ja mëjjut mëti'ipë ëpëkyjyäty xyaj'ijtëmën. Pën yaa yajpatp ets jyanaxa'any ma miitsëtyën, ka'ap tjëkyepy. Näy ka'ap tjëkyepy ets yam myinëty ja ja'ay mëti'ipë yajpatëpën ma miitsëtyën.

Lucas 22:46

Tääts ja y'ijxpëjkpëtëjk t'ënëmaay: ¿Tii ko mma'atë? Pëtë'ëktë. Ja'amyätstë Dios ets ka'ap ja ku'oypyë mnätyukmëmëta'akëtëty.

Hechos 27:44

Ets näjyëtu'un y'ënäny pën ka'ap tjaty nyëëyunëty, wä'än tnëjkxtë nëwinkëjxm mëët ja kepy nëëwinye'epyë y'atëjk. Tääts ni'ëmukë pyëtsëëmtë aak juuky mejyjoty.

1 Corintios 1:9

Dios, mëti'ipë y'ayuk pyatuumpyën, yë'ë të xywyin'ijxëmë ets tu'ukyë mëët njuuky'ajtmëty ja y'u'unk Jesukristë, ëëts yë nWintsën'ajtëmë.

2 Corintios 1:10

Ets ja Dios të xyaj'ëwaatsëpëtsëmtës o'kënjëjp'am. Njëjp'ijxtëpës ets xëmë xy'akëëytyuk xy'axajtuktëtyës

Deuteronomio 7:9

E paaty ja'amyätstë, këtii xyjyä'äytyëkoytyëty ko yë Wintsën mëti'ipë mTiosajtëpën, yë'ë tëy jaanty, mëti'ipë kyuuytyuunpyën ja y'aaw y'ayuk oy kanaak yë xëëw jëmëjt tyimnaxëty, ma ja mëti'ipë tsojkëyëpën ja'awëyëpën ja y'ënä'ämën tyiyajtën.

1 Tesalonicenses 5:24

Ja Dios mëti'ipë të mwootsowëtën, tëy tëtä'äky yë'ë, tyunäämpy tu'kë'ëyë ya'atë.

2 Tesalonicenses 3:3

E yë Wintsën kyuuytyuunpy ja y'ayuk, yë'ë yajkëjääjëjäämpy ja mmëpëjkënëty ets m'akëëytyuk m'axajtukëtëty këtiipë mka'atëty ëxëëktum.

2 Timoteo 4:18

ets xyaj'ëwaatsëpëtsëmaanpnëmës maajaty ja ku'oypyën ets xyajnëjkxa'anyës jam tsajpjotm ma yë'ë yajkutukyën. Yë'ë jyä'ä'ajtyp ja mëj'ajtën jaanty'ajtën xëmëkyëjxm. Tëy jëtu'un.

Hebreos 10:23

Tsojk njëjp'ijxëm ëmuumtu'ukjot mëti'ipë ja'ay ntukmëmëtyakëmën, jä'ä ko Dios, kyuuytyuunpy mëti'ipë wyaantäkpyën.

Hebreos 11:11

Abraham myëpëjk ja Dios. Paaty ja Sara ja u'unk maay tyajmiiny naaxwiiny, oy ënety të jyamëjja'ayënëtë nimäjtsk. Abraham ojts myëjaawpëky ets teety nyaxëty, jä'ä ko tmëpëjky ëmuumtu'ukjot ko Dios kyuuytyuunpy mëti'ipë të twinwanën.

Hebreos 12:4

Ka'anëm miits m'ooktë ko mtsiptuntë mëët ja poky.

Hebreos 6:18

Ya'atë mäjtskpëkpyë mëti'ipë ka'ap tyëkatsyën ets ka'ap tjëkyepyën yë Dios wyin'ëënëty, paaty të n'ëxajëm ja jotkujk'ajtën, ko të n'ixta'ayëm ja Dios myajts'ijtën ets të ntukjotkujk'ajtëm ja ëwxijt mä'kxtujkën mëti'ipë të xymyo'oyëmën.

1 Pedro 4:19

Paaty, pën ëyoop ijxtëm ja Dios të tuknipëjktaakën, wä'än tuun'ëtë'ëtsy ja oypyë ets ja jyot jya'awën tpëjkta'akëty ma Tiosën mëti'ipë të yajkojyën, jä'ä ko yë'ë oypyë xëmë tyuunpy.

2 Pedro 2:9

Yë Dios nyija'ap wi'ix tyajpëtsëmëtyën ëyo'ontum mëti'ipë yë'ë ets nän nyija'ap wi'ix ja ëxëëkja'aytyëjk tuk'ëwxityën ja ëyo'on jotmay.

1 Juan 1:9

Pën nmaaywyajtsëm ja npoky'ajtëmë, jyëkyejpy ntuk'ijxpäjtmëty ja Dios, wa'atspë, ko myä'kxäämpy ja npoky'ajtëmë ets tu'kë'ëyë mëti'ipë të ntuuntëko'oyëmën.

Apocalipsis 19:11

Tääts n'ijxyës ko ja tsajp y'ëwatsy. Jamts kyëxë'ëky tu'uk ja poop kwaay ets mëti'ipë tuk'u'unyääyëpën jä'ä xyëëwajtyp, Mëtëypyë ets ja Oypyë winë tunyën, jä'ä ko tëytyuunp, paye'epy ets tsiptuump jä'ä ijxtëm pyaat'atyën.

Apocalipsis 2:10

Këtii mtsë'ëkëty ko m'ëyowa'any, jä'ä ko ja mëjku'u tëë tuknipëjktaakë ko tsuma'an tmatsa'any ja mmëku'uktëjk ets t'ixa'any pën mëk mëpëktë; ets majk xëëw jëtu'un m'ëyowa'antë. Mëk m'itëty oy mtimy'ooktëty, ëjts mijts nmo'ojäämpy ja juukyajtën tä tu'uk ja kuma'ayënën.

Apocalipsis 3:10

Jä'ä ko të xypyatuny ja n'ënä'ämënës xëmë, paaty miits n'ijx'ita'an nkëwent'ata'antë ko ënety ja ëyo'on jotmay yaa myiny mapaat ja naaxwiinyëtë y'ëwëtityën ets yajwinma'any'ixa'antë mëti'ipë tsënaaytyëpën naaxwiiny.

1 Samuel 29:10

Paaty yam nmëpëjktsoy ets mijts mëët yë mja'ay mwinpitëty, jëpom jopy ko ënety xyiinytyä'äky, tääts mtu'upëktëty.