1 Corintios 10:11 - Biblia Dc en Mixe de Quetzaltepec

¹¹ Paaty jëtu'un jyajtë ja n'ap'ajt n'ok'ajtëm ets ja ijxpäjtën wyë'ëmëty ma ëëts'ajtëmë ets ojts yajkuja'ay ma ja Dios ja y'aaw y'ayukën ets nnija'awëmëty ma tyam njaakjuuky'ajtëmën ma ja xëëw kyëxanën.

Biblia Mixe de Quetzaltepec

¹¹ Paaty jëtu'un jyajtë ja n'ap'ajt n'ok'ajtëm ets ja ijxpäjtën wyë'ëmëty ma ëëts'ajtëmë ets ojts yajkuja'ay ma ja Tios ja y'aaw y'ayukën ets nnija'awëmëty ma tyam njaakjuuky'ajtëmën ma ja xëëw kyëxanën.

1 Corintios 10:11 ပူးပေါင်းရင်းမြစ်များ

Romanos 15:4

Paaty ojts tu'kë'ëyë winë yajjaaywyi'imy ets xytyuk'ijx xytyuknija'awëmëty, ets amëk jotmëk nmëtënä'ämyëty ja ëyo'on mëti'ipë nmënajx nyajnajxëmën, jëtu'un nmëët'ajtmëty ja jotkujk'ajtën ko ja Dios ëmuumtu'ukjot njëjp'ijxëmë.

Romanos 13:11

Ixtë tuntë wi'ix ja xëëw jëmëjt tyu'uye'eyën, ets yë'ë mëmay mëtajtë ko tëë tpatnë jëna'a ja ja'ay myä'äywijtëtyën. Jä'ä ko ja nitsokën'ajtëm tim winkon ja yajpatnë, ka'ap y'ëkjëtu'un'ajnë ijxtëm ojts nmëpëjktso'onëmën.

1 Juan 2:18

U'unk maayëty, tëë ja tiempo tpaaty ma ja naaxwiinyëtë kyëxanën. Tëë myaj'ëwaanëtë ko myina'antë ja mëti'ipë myëtsip'atantëpën ja Kristë ets tää ja tyamëtynyë may mëti'ipë ja Kristë myëtsip'ajtëpën; paaty nnija'awëmë ko tëë ja tiempo tpaaty ma ja naaxwiinyëtë kyëxanën.

1 Corintios 9:10

ëëts ja Dios xytyijëm ko jëtu'un y'ënä'äny, ëëtskyëjxm ojts jëtu'un tyajja'ayë ja ënä'ämën; jëtu'unts mëti'ipë yuup ets mëti'ipë yajpëtë'ktëpën ja pëjktä'äky, jyä'ä'atëp näjyëtu'un ja pëjktä'äky mëti'ipë paat'ajtëtëpën.

Filipenses 4:5

Wä'än ja ja'ay nijawëtë ko yujy naxym mja'ay'atë. Tää ja Wintsën tyimwiinkony.

Romanos 4:23

Ko ojts yajjaaywyi'imy ko ja Abraham ojts wa'ats nyäxy Dios wintum mëpëjkënkyëjxm, ka'ap yi'iyëty ja Abraham ojts jëtu'un yajnimëtyä'äky,

Hebreos 10:25

Ka'ap nye'eytyujkmëty ma nye'eymyujkëmën, ijxtëm jënaakën y'ëtë'ëtstën, näjyotmëkwinkajpxëmë nixim niyam; tyam wäänëni'ik tsyokyë ko ja xëëw wyinkoonën ma ja Jesukristë myina'anyën.

Hebreos 10:37

Jëtu'un ja Dios ja y'aaw y'ayuk y'ënä'äny: Mëti'ipë minaanpën, tsojk jä'ä myina'any, ka'ap pyo'oxa'any.

1 Corintios 7:29

Mëku'uktëjkëty, yë'ëjës ya'atë njatijpy, yiin wäänë njaakjuuky'ata'anëmë yaa naaxwiiny. Paaty, mëti'ipë pëkyëtyën jëtu'un tsyëënëtë ijxtëm jeexyë ka'ap pyiky'atën, ja Dios jyä'ä tyukjotëkoytyëp.

Salmos 102:18

Wä'än ya'atë këxja'ay twë'ëmy, ets nijawëtëty yë ja'ay mëti'ipë juuky'atantëpnëm, ets jëtu'un tyajmëjnaxtëty yë Wintsën mëti'ipë mëxu'unk'atantëpnëm.

Ezequiel 5:15

Ko ënety të nyajnitukë ets ëxëëk mjatëty mkëpätëty ets mëj këjää myajtëytyunëty, aak nëjkxëp ja'ay m'ojyë ets mtukwinmëtoyë ja mpoky ets mijts je'eyë nëjkx myajjoot'anpëky ets myajtsipke'exy ma ja naax kajpnëtyën mëti'ipë na'ëwtity yajpatpën ma mkajpnën. Ëjts Wintsën, ëjts yam jëtu'un nikäjpxyp.

Mateo 13:39

Ja mëtsip yë'ë ja mëjku'u mëti'ipë nyipën ja ëxëëk ujts. Ko ja pëjktä'äky pyëti'iky yë'ë tyijpy ko ja naaxwiinyëtë kyukëxëja'any; e mëti'ipë ja pëjktä'äky yajpëtë'ktëpën yë'ë ja anklëstëjkëty.

Mateo 13:40

Jëtu'un ijxtëm ja ëxëëk ujts yajwijxmukyën ets yajjëënkupëky ets jap nyitoy, näjyëtu'un jyata'any ko ënety ja naaxwiinyëtë kyukëxë.

Romanos 13:12

Tëë ja tsu'um'it nyajxnë, jëtu'un tyamnë ijxtëm jeexyë xyiinyëjanën, paaty ka'ap n'ëkpokytyu'unënëty, ka'ap n'ëk'ijtënëty akootstuuy; wä'än nyajpatëmë ajajtuuy ijxtëm tu'uk ja tsiptuunpë y'ijx'ity kyëwent'atyën.

1 Corintios 10:6

Tu'kë'ëyë ya'atë, paaty ojts jëtu'un tyunyë jyätyë ets ja ijxpät wyë'ëmëty ets ka'ap n'atsojkmëty ja ka'apë y'oyëtyën, ijxtëm yë'ëty t'atsojktën.

Gálatas 4:24

Ijxpäjtën ya'atë mpëjktä'äkyës. Ja to'oxytyëjk nimäjtskpë, mäjtsk ja käjpxytyu'unën tkutänë. Mëtu'uk ja käjpxytyu'unën, mëti'ipë ja Moisés yajmooyën ma ja Sinaí kopkën, yë'ë ja Agar kyutënääpy. Pën tyuk'ijtëtëp ya'atë käjpxytyu'unën, jëtu'un ja y'u'unk y'ëna'k myintë kyä'äxtë ets y'itëty ijxtëm ja mëtuunpë nitookpyën.

Génesis 19:35

Jä'ä tsu'um ojts ja tyeety jatëkok t'a'uukëtë ets ojts tyajmuktëkoyëtë, ënät ja mutskpë nyäkyo'kë mëët ja tyeety. Ja tyeety ka'ap tja'awëy wi'ix ojts tpuki'itë ets wi'ix ojts tpuki'tutkojnëpë.