1 Corintios 1:9 - Biblia Dc en Mixe de Quetzaltepec

⁹ Dios, mëti'ipë y'ayuk pyatuumpyën, yë'ë të xywyin'ijxëmë ets tu'ukyë mëët njuuky'ajtmëty ja y'u'unk Jesukristë, ëëts yë nWintsën'ajtëmë.

Biblia Mixe de Quetzaltepec

⁹ Tios, mëti'ipë y'ayuk pyatuumpyën, yë'ë të xywyin'ijxëmë ets tu'ukyë mëët njuuky'ajtmëty ja y'u'unk Jesukristë, ëëts yë nWintsën'ajtëmë.

1 Corintios 1:9 ပူးပေါင်းရင်းမြစ်များ

Salmos 100:5

Jä'ä ko yë Wintsën oy Tyios'aty; yë tsyojkën jya'awën ijtëëp xëmëkyëjxm, ets wya'atsajtën nijëna'a kyajëjpkëxy.

Isaías 11:5

Tääpë ja'ay yë'ë xëmë kyajpxäämpy myëtya'akäämpy ja oypyë nipaye'eyën ets ja mëtëypyë.

Isaías 25:1

Wintsën, mijts nTios'ajtyp; mijts nyajmëjnajxyp ets nmëjja'aw nkënu'kxyjya'apës yë mxëëw, jä'ä ko tëë xytyuny mëjwiin këjää winë ijxtëm ojts xynyikäjpxyën, jëtu'un tyimtso'ontäky tëëyëp.

Isaías 49:7

Yë Wintsën, mëti'ipë yaj'ëwaatsëpëtsëëmpën, ja Wa'atspë yajpaatyën ma Israel kajpnën, jëtu'un t'ënëëmë ja naax kajpn mëti'ipë ëxëëk të yaj'ixyën, mëti'ipë je'eyë të myëtunyën ma ënä'ämpë yajkutujkpën wiinktsowpë tsyoontën: Ko ënety ja yajkutujkpëtëjk ets wintsëntëjk m'ixëtë, ënät nëjkx mniwä'ätsë'ëkyë ets mkajpxpo'kxëtëty mëët tu'uk ja näywyinkutsë'kën, jä'ä ko ëjts Wintsën, ja Wa'atspë ma Israel kajpnën, ëjts mijts të nwin'ixy ets npatuumpyës ja n'aaw n'ayuk ijxtëmës të nikäjpxyën.

Mateo 24:35

Këxaanp naxaanp yë tsajp ets naaxwiinyëtë, e yë n'aaw n'ayukës nijëna'a kyakëxa'any kyanaxa'any.

Juan 17:21

N'amëtoy npëjktsoy ets tu'ukyë y'itëty; ijxtëmës tu'ukyë n'ityën mëët mijts ets mijts tu'ukyë mëët ëjts. Näjyëtu'unës n'amëtoy ets tu'ukyë y'itëty mëët ëëtsëty ets tmëpëktëty ja naaxwiinyëtë ja'ayëty ko mijtsës të xykyexy.

Romanos 11:17

Jëtu'un ja jutiis ja'ayëty ijxtëm ja olivë kepyxye'entyën mëti'ipë të yajkatspuxyën; ets mijts mëti'ipë ka'ap jyutiis ja'ayëty, jëtu'un ijxtëm ja pa'olivos xe'entyën ets të myatukpu'ootsë ja olivë kepy mëti'ipë mëtëyën. Ets të m'awinpity ijxtëm jeexyë mijts mjanty olivë'atën.

Romanos 8:28

Nnija'awëm ëëtsajtëm ko ja Dios yë'ë të tpëjktä'äky winë ets tuk'oy'atëty ja ja'ay mëti'ipë tsojkëpën, mëti'ipë të twoowtsoyën ijxtëm të tuknipëjktaakën.

Romanos 8:30

Mëti'ipë ja Dios tëëyëp wyin'ijxën tëë ja tmëkäjpxy; mëti'ipë ojts tmëkäjpxyën ojts wa'ats tyajnaxy ets mëti'ipë wa'ats yajnajxën ojts mëj'äämpy tpëjktä'äky.

Romanos 9:24

Jëtu'un, ëëtsajtëm Dios të xywoowtso'owëmë, tam mëti'ipë jutiis ja'ayën ets tam ka'apë jyutiisëty.

1 Corintios 1:30

Dios miits kë'ëm të mpëjkta'akëtë tu'ukyë mëët ja Kristë Jesús. Kristë Jesús mëët ëëtsajtëm nwijëm nkäjëm ets nän yë'ëkyëjxm ja Dios mëët oy nwë'ëmëm, jëtu'unts ja Dios xyjyä'äy'ajtmëty ets najtspëkë n'ijtmëty.

1 Corintios 10:13

Ka'anëm miits xypyaatë ja ëyo'on jotmay mëti'ipë ka'ap yajmëmëta'akëtyën. Jyëkyejpy miits ëmuumtu'uk ja Dios xymyëpëktëty ko ka'ap mtukpaata'anëtë ja ëyo'on wäänë mëkpë mëti'ipë ka'ap myëmëtaknëtyën ets pën jää ënety ja ëyo'on jotmay xypyaatë, Dios nëjkx mputëkëtë ets xymyënax xyajnaxtëty.

1 Corintios 10:16

Ko ojts n'ukëm ja kënu'kxynyëë a'ukënjoty ets ojts nyajmëjnajxëmë ja Dios, tu'ukyë ënety tpaaty n'ijtëmë mëët ja Kristë ja nye'pyny, ko ojts nka'ayëm ja tsajpkääky mëti'ipë ojts ntujkwa'kxëmën, tsojk ni'ëmukë ntukjotkujk'ajtëmë ja Kristë ja jyot nyini'kx.

2 Corintios 1:18

Wa'ats ja Dios nijawë ko mëtëy winë të ntukmëmëtya'aktë.

Gálatas 1:15

E tëëtëm ënety ja Dios xywyin'ixyës naamka'anëm nmëxu'unk'atynyëmës ets tëëtëm ënety myëyajtën mëët xyaxtsoyës,

Gálatas 2:20

ka'ap y'ëjtsëty n'ëkjuuky'ajnë, Kristë juuky'ajnëp maas ja njot nwinma'anyën. Ja juukyajtën mëti'ipës ja nnini'kx tyuk'oy'äjtypyën, paaty jyuuky'äty jä'äs ko nmëpëky ja Dios ja y'U'unk, mëti'ipës të xytsyokyën etsës të xykyu'oo'kë.

Efesios 3:6

Ya'atë ijty kayajnija'ap: mëët ja oy aaw oy ayuk Dios tmëkajpxta'ay ja naax kajpn ets yajpaatëty mëët ja Kristë Jesús ets t'ëxajëtëty mëti'ipë ja Dios të twaantä'äkyën.

Deuteronomio 32:4

Yë Wintsën yë'ë xykyuwa'an xykyënu'kxëm, yë'ë aak'oy winë tuny, ko tii tuny aakyë'ë mëti'ipë mëtëyën. Yë'ë Tios'ajtp ets yë'ë tëy'ajtën'ajtp, yë'ë nijëna'a winë tëkatsy tkatuny, yë'ë tyuunpy mëti'ipë oyën ets mëtëyën.

Deuteronomio 7:9

E paaty ja'amyätstë, këtii xyjyä'äytyëkoytyëty ko yë Wintsën mëti'ipë mTiosajtëpën, yë'ë tëy jaanty, mëti'ipë kyuuytyuunpyën ja y'aaw y'ayuk oy kanaak yë xëëw jëmëjt tyimnaxëty, ma ja mëti'ipë tsojkëyëpën ja'awëyëpën ja y'ënä'ämën tyiyajtën.

Colosenses 1:24

Jotkujkës näjyawëty ko miits nku'ëyowëtë, jëtu'unës nyajkä'pxy ja ëyo'on maas ja njot nini'kxën, mëti'ipë ja Kristë kyayajka'pxën ma tku'ëyo'owëyën ja mëpëjkpëtëjkëty, mëti'ipë yë'ë nyi'kx'ajtyp kyopk'ajtypyën.

1 Tesalonicenses 2:12

Tëë njotmëkwinkajpxëtë, tëë nyajjotkujk'atë ets tëë ntukmënu'kxta'aktë wi'ix mja'ay'atëty ijxtëm pyaat'atyën mëti'ipë jä'ä''ajtëtëpën ja Dios, mëti'ipë të myaxtsowëtë ma yajkutukyën ets ma ja myëj'ajt y'oyajtënën.

2 Tesalonicenses 2:14

Paaty ja Dios të mwootsowëtë ko të xymyëpëktë ja oy aaw oy ayuk mëti'ipës të nkajpxwa'kxtën, jëtu'un jam myajpaatëty ma ja Wintsën Jesukristë myëj'ajtën y'oyajtënënën.

2 Tesalonicenses 3:3

E yë Wintsën kyuuytyuunpy ja y'ayuk, yë'ë yajkëjääjëjäämpy ja mmëpëjkënëty ets m'akëëytyuk m'axajtukëtëty këtiipë mka'atëty ëxëëktum.

2 Timoteo 1:9

Dios të xyajtsokëm ets të xywoowtso'owëm tääts npatmëty ja juukyajtën wa'atspë, ka'ap yë'ëkyëjxmëty ko tii oy ntu'unëm, yë'ë ko jëtu'un tëëyëp tuknipëjktaakë mëët ja Kristë Jesús.

2 Timoteo 2:13

Pën ka'ap ëëts npatu'unëm ja y'aaw y'ayuk, yë'ë pyatunäämpy ja y'aaw y'ayuk, jä'ä ko ka'ap tjëkyepy kë'ëm nyätyuxi'ikëtëty.

Tito 1:2

mëti'ipë ijtpën ko yajjëjp'ixy ja juukyajtën xëmëkyëjxmëpë. Dios ka'apë y'antä'äkyën, mëti'ipë ya'atë juukyajtën ojts twinwanën ka'anëm ënety yë naaxwiinyëtë tsyo'ontä'äky,

Hebreos 10:23

Tsojk njëjp'ijxëm ëmuumtu'ukjot mëti'ipë ja'ay ntukmëmëtyakëmën, jä'ä ko Dios, kyuuytyuunpy mëti'ipë wyaantäkpyën.

Hebreos 11:11

Abraham myëpëjk ja Dios. Paaty ja Sara ja u'unk maay tyajmiiny naaxwiiny, oy ënety të jyamëjja'ayënëtë nimäjtsk. Abraham ojts myëjaawpëky ets teety nyaxëty, jä'ä ko tmëpëjky ëmuumtu'ukjot ko Dios kyuuytyuunpy mëti'ipë të twinwanën.

Hebreos 2:17

Paatykyëjxm näjyëtu'un kopkpëky yajpëjktäky ijxtëm ja myëku'uktëjkën ets jam Dios wyintuuy y'itëty teety wintsën oypyë ets pa'ëyoopë ets ja Dios ja ja'ay tpokmyä'kxëty mëët ja wintsë'kën.

Hebreos 3:1

Paaty mëku'uktëjkëty, ninu'un ja Dios mja'ay'atëtën, tëëpë yajyaxtsowtën, pëjkta'aktë mjootjoty mwinma'anyjyotyëty ja Kristë Jesús, ja ayukkajpxwa'kxpë, ja mëj teety wintsën.

Hebreos 3:14

Tëë mëët ja Kristë npatëm ja oyajtën, mëët yi'iyë ko ntukjotkujk'ajtmëty mapaat njuuky'ajtëmën ijxtëm të nyajtso'ontakëmën.

Hebreos 6:18

Ya'atë mäjtskpëkpyë mëti'ipë ka'ap tyëkatsyën ets ka'ap tjëkyepyën yë Dios wyin'ëënëty, paaty të n'ëxajëm ja jotkujk'ajtën, ko të n'ixta'ayëm ja Dios myajts'ijtën ets të ntukjotkujk'ajtëm ja ëwxijt mä'kxtujkën mëti'ipë të xymyo'oyëmën.

1 Pedro 5:10

E ko ënety të m'ëk'ëyowtë, ko wäänë ja tiempo nyaxëty, ënät ja Dios mpokymyä'kxa'anëtë ets jotmëk m'itëty ets mëtëy winë xytyuntëty. Yë'ë ja Dios mëti'ipë të xyaxtso'owëmën ets xëmëkyëjxm nyajpatmëty mëët ja Kristë.

1 Juan 1:3

Yë'ë yam ntuk'ëwa'anëtyëp mëti'ipë të n'ijxtë nmëto'owëmën ets jëtu'un tu'kmukyë n'ijtmëty, ijxtëm mëët n'ijtëmën ja Dios Teety ets ja y'u'unk Jesukristë.

1 Juan 1:7

E ko njuuky'ajtmëty ma jyäjy tyi'kxyën, ënät nixim niyam ja winma'any tu'knax nmëët'ajtmëty ets ja Jesukristë ja jyot nye'pyny xyajwatsmëty.

1 Juan 4:13

Jä'ä ko Dios tëë xymyo'oyëm ja Kënu'kxymyëkajtën, jëtu'un nnija'awëmëty ko Dios y'ity ma ëëtsajtëmën ets ëëtsajtëm n'ijtëm ma yë'ëjën.

Apocalipsis 19:11

Tääts n'ijxyës ko ja tsajp y'ëwatsy. Jamts kyëxë'ëky tu'uk ja poop kwaay ets mëti'ipë tuk'u'unyääyëpën jä'ä xyëëwajtyp, Mëtëypyë ets ja Oypyë winë tunyën, jä'ä ko tëytyuunp, paye'epy ets tsiptuump jä'ä ijxtëm pyaat'atyën.