1 Corintios 1:8 - Biblia Dc en Mixe de Quetzaltepec

⁸ Dios miits myaj'itëtëp tu'ukyë koonëm tpaatëty ja tiempo, ets këtiipë ënety mpokymyëët'atë ko wyimpitëty yë Wintsën Jesukristë.

Biblia Mixe de Quetzaltepec

⁸ Tios miits myaj'itëtëp tu'ukyë koonëm tpaatëty ja tiempo, ets këtiipë ënäty mpokymyëët'atë ko wyimpitëty yë Wintsën Jesukristë.

1 Corintios 1:8 ပူးပေါင်းရင်းမြစ်များ

Salmos 37:17

Jä'ä ko yë Wintsën yajkutëkoyäämpy yë ëxëëkja'aytyëjk, e ja oyjyä'äytyëjk jotkujk tyaj'ita'any.

Salmos 37:28

Yë Wintsën yë'ë xëmë tsyojkpy mëtëypyë ets oypyë, ka'ap nijëna'a t'ëxmatsy mëti'ipë oy mëtuunëpën; yajkutëkoopy mëti'ipë ëxëëk ja'ay'ajtpën ets ka'ap nitu'uk yë y'u'unk y'ok tyajwë'ëmë.

Lucas 17:24

Jä'ä ko jëtu'un ijxtëm ja wëtsukën, ko tyi'kxy, tyukjajëtyääpy yë tsajp, jëtu'un ja naaxwiinyëtë ja'ay ja y'U'unk kyëxë'ëka'any ko ënety wyimpity.

Lucas 17:30

Näyjyëtu'un jyata'any ko ënety ja naaxwiinyëtë ja'ay ja y'U'unk nyikëxë'ëky.

Romanos 14:4

¿Mpën mijts ko xypyoky'ixy ja ja'ay mëti'ipë Dios myëtuumpyën? Pën oy ëkë ëxëëk winë tuny, yë'ë kë'ëm nyija'ap. E yë'ë oy wyë'ëma'any, jä'ä ko yë Wintsën myëët'ajtyp yë mëk'ajtën ets oy yajwë'ëmëtëty.

Romanos 16:25

Nmëjja'aw njaantyjya'awëm ja Dios. Wä'än yë'ë mputëkëtë ets tu'ukyë xymyëpëktëty ja oy aaw oy ayuk mëti'ipës të nkajpxwä'kxyën. Näy yë'ë mëti'ipë ja Dios ja ja'ay tyuknija'awëyën mëti'ipë ijty kayajnija'apën ma kanaak xëëw kanaak jëmëjt të y'ityën,

Romanos 8:19

Tu'kë'ëyë mëti'ipë ja Dios të tyajkojyën jyëjp'ijxtëp ja xëëw ma ja Dios tyajnikëxë'ëkanyën mëti'ipë y'u'unk'ajtypyën.

1 Corintios 3:13

jäänëm nëjkx yaj'ixy yajnijawë ko ja näpyaye'eyë tyunëtëty pën wi'ixjaty ënety pën të tyuny, jä'ä ko jëën jää nëjkx tyuny ets tyajnikëxë'ëka'any wi'ixjaty ënety pën të tyunyën.

1 Corintios 5:5

Tääts ya'atë ja'ay yajkë'ëyakëty ma ja mëjku'ujën ets ka'ap t'ëktuunëty ja kyë'ëm winma'any ets kyutëkoyëty ja nyi'kx kyopk pokymyëëtpë ets ja jya'awën nyitso'okëty ko ja Wintsën myinëty.

2 Corintios 1:13

Ma ja nokyën, ka'ap jap ojts nkëxja'atës mëti'ipë ka'ap tjëkyepy xykyajpxtëtyën ets xywyinmëtowtëtyën. Njëjp'ijxtëpës ets yajxon xyjyä'äkyukëtëty

2 Corintios 1:14

ko miits tëë xynyijawëtë wi'ix ëëts ja jot winma'any nmëët'atën, ko ënety wyimpity ja Wintsën Jesús, jää nëjkx mnäyjyawëtë akëtä'äky jotkëtä'äky ëëtskyëjxmëty, näjyëtu'un ijxtëm ëëts nëjkx näjyawëtën akëtä'äky jotkëtä'äky mëët miitskyëjxmëty.

2 Corintios 1:21

Dios tëë tuknipëjktaakë ets ëëtsëty mëët miitsëty tu'ukyë nyajpatmëty mëët ja Kristë, ets kënu'kxy nwë'ëmëty.

Efesios 5:27

ets tyaj'ita'any wa'ats, oy, ka'ap xyootsëty ets ka'ap y'äämyëty.

Filipenses 1:10

ets xynyijawëtëty wi'ix xywyin'ixtëty mëti'ipë oyën, jëtu'unts ja juukyajtën wa'atspë xymyëët'attëty ets ka'ap tii poky xytyuntëty ko ja Kristë wyimpitëty.

Filipenses 1:6

Njëjp'ijxypës ko ja oypyë tuunk mëti'ipë ja Dios yajtso'ontakën ma miitsëtyën, yë'ë oy yajtu'uye'eyäämpy koonëm ja Jesukristë wyimpitëty.

Colosenses 1:22

E tëë ja Dios tpëjktä'äky ja näykyajpx'oyë mëët miitsëty ko Kristë të myajjootwinpitëtë ets ko ja Kristë wyimpijty ja'ayën ets ojts mku'ookëtë kruutskëjxm. Paaty jëtu'un të tuny ets miits wa'ats myaj'ita'anëtë Dios wyintum, ka'ap tii poky xy'ëkmëët'ajnëtëty ets ka'ap m'ëk yajpoky'ijxnëtëty.

Colosenses 2:7

Ijxtëm tu'uk ja kepy tyikts në'p yajpaatyën, jëtu'un miits mëk yajpaatë tu'ukyë mëët ja Jesukristë. Jëtu'un ijxtëm myajtukni''ijxëtën ets xëmë ja Dios xykyukajpxëtëty.

1 Tesalonicenses 3:13

Wä'än yë Wintsën tu'ukyë tyaj'ity ja mjot mwinma'anyëty, wa'ats, ka'ap tii poky xymyëët'attëty Dios wyintum ko ënety myiny ja Wintsën Jesús mëët ni'ëmukë mëti'ipë jyä'ä'ajtypyën. Jëtu'un y'itëty.

1 Tesalonicenses 5:2

Wa'ats miits xynyijawëtë ko ja Wintsën myina'any oyjyëna'ajëty ma ënety ka'ap pën tjëjp'ixyën, ijxtëm tu'uk ja mä'tspë koots jyä'tyën.

2 Tesalonicenses 2:2

ets këtii ja mwinma'any xyajtëkatstëty, këtii mtsë'ëkëtëty ko pën y'ëna'anëty ko tëë ja Dios tyukmëmëtyä'äkyë mëët ja Kyënukxymyëk'ajtën; ëkë ko pën y'ëna'anëty ko tëë tpaaty ja ijxpëjkën ko të yajtukmëmëtyä'äky ëkë ko të yajtuknijayë, jëtu'unpë ja winma'any ijxtëm ojts ëëts nnikajpxtën ko tëë ja xëëw po'o tpaaty ma ja Wintsën myina'anyën.

2 Tesalonicenses 3:3

E yë Wintsën kyuuytyuunpy ja y'ayuk, yë'ë yajkëjääjëjäämpy ja mmëpëjkënëty ets m'akëëytyuk m'axajtukëtëty këtiipë mka'atëty ëxëëktum.

2 Timoteo 1:12

Paatyës tyam nku'ëyowë ya'atë. Je'eyëp ko ka'apës ntuktsëtyuny, jä'ä ko nnija'apës koos yë'ë ntuk'ijxpety; ets nnija'apës ko yë'ë myëët'ajtyp ja mëk'ajtën es tpëjkë'ëkëty ja kuma'ayën jekpyaat mëti'ipës të xytyukwinwanën.

2 Timoteo 1:18

Dios pa'ëyowëtëp ko myinëty ja Jesús. Mijts wa'ats xynyijawë wi'ix ojts xypyutëjkëmën jam Éfeso.

1 Pedro 5:10

E ko ënety të m'ëk'ëyowtë, ko wäänë ja tiempo nyaxëty, ënät ja Dios mpokymyä'kxa'anëtë ets jotmëk m'itëty ets mëtëy winë xytyuntëty. Yë'ë ja Dios mëti'ipë të xyaxtso'owëmën ets xëmëkyëjxm nyajpatmëty mëët ja Kristë.

2 Pedro 3:10

Ko ënety ja Wintsën myiny, jëtu'un nëjkx myiny ijxtëm ja mä'tspën tsuu koots tyëjktëkën. Ënet ja tsajp nëjkx mya'ta'ay, pëmiimpën nëjkx yajmëtoy, näjyëtu'un nëjkx tyooytyëkooytyä'äy mëët yë jëën ets ja naaxwiinyëtë mëët tu'kë'ëyë winë nëjkxëp ja Dios tpaye'eytyä'äy.

2 Pedro 3:14

Paaty, mëku'uktëjkëty, tsojk njëjp'ijxëmë ko jëtu'un jyata'any; tuntë ja Dios ja tyuunk mapaat ja tiempo jyaak jää'atyën ets ja Dios mpaatëtëty akujk jotkujk; nitii poky nitii ëxëëkajtën xykyamëët'atëty ko ënety myiny.