1 Corintios 1:28 - Biblia Dc en Mixe de Quetzaltepec

²⁸ Dios tëë ja ja'ay twinwitsy mëti'ipë ka'ap yajtsoktën ets mëti'ipë ka'ap yajmëjjaw yajjaantyjyawëtën yaa naaxwiiny ets këtiipë yë'ë mëj'äämpy y'itëty mëti'ipë mëj këjxm näyajnajxëtëpën yaa naaxwiiny,

Biblia Mixe de Quetzaltepec

²⁸ Tios tëë ja ja'ay twinwitsy mëti'ipë ka'ap yajtsoktën ets mëti'ipë ka'ap yajmëjjaw yajjaantyjyawëtën yaa naaxwiiny ets këtiipë yë'ë mëj'äämpy y'itëty mëti'ipë mëj këjxm näyajnajxëtëpën yaa naaxwiiny,

1 Corintios 1:28 ပူးပေါင်းရင်းမြစ်များ

Job 34:24

Ka'ap tsyokyë jeky t'ixëty tunëty ets tpaye'eyëty ja nëë poky ets tyajkutëkoyëty mëti'ipë mëj'äämpy ijtpën ets tmo'ojëty yë wiink ja'ay ma yajkutukyën.

Romanos 4:17

Ijxtëm ja Dios ja y'aaw y'ayuk y'ënä'änyën: Tëë mijts npëjktä'äky ets ja naaxwiinyëtë ja'ay may xy'u'unk'at xy'ok'atëty. Abraham ëëts nteety'ajtëmë Dios wyintuuy wyinkujk, ja Dios mëti'ipë myoopyën ja juukyajtën ja o'kpë ets tyajkoj'ëtë'ëtsy mëti'ipë kaka'atpnëmën.

Isaías 2:11

Ja mëti'ipë ënety amëj akëjxm të nyäjyawëtën, winta'ak naaxkow yajpaata'antë; mëti'ipë mëj'äämpy të y'itën je'eyë nëjkx yaj'atään yajtuktääntë. Yë'ënëm ja Wintsën nëjkx ja myëj'ajtën tyaj'ixyë,

Isaías 41:12

Nëjkxëp ja mmëtsip xyjya'ijxta'ay, ka'ap maa xypyaata'any; mëti'ipë tsiptunaanpën mëët mijts jëtu'un nëjkx nyäxy ijxtëm jeexyë tii kyatimkyä'tyën.

Isaías 2:17

Ja ja'ayëty mëti'ipë nämyëjja'aw näjyääntyja'awëtëpën ets mëti'ipë amëj akëjxm ja'ay'ajtëpën je'eyë nëjkx yaj'atään yajtuktääntë. Yi'iyë yë Wintsën yë myëj'ajtën nëjkx yaj'ixy jä'ä xëëw,

Apocalipsis 18:17

Ets tim tu'ktsojkyë të kyixy ja mjuukyajtën ets ja mkumeenyajtën. Näyjyëtu'un mëti'ipë yajkepy nëëwinye'eytyëpën, mëti'ipë tuuntëpën mejynyux mejypya'a, mëti'ipë ye'eytyëp najxtëpën kepy nëëwinye'epyëjoty, jëkäm të jyaak tänëtë.

Isaías 37:36

Ënet ja Wintsën ja kyukäjpxy ojts tsyoony ets ojts nyijkxy jam ma ja Asiria ja'ayëtyën, tääts tyaj'o'ky nimëko'px ja majkta'px mëkoxk mil ja Asiria ja'ay. Komjëpom aak ooky ojts kyuxëënyëtë.

Deuteronomio 28:63

Jëtu'un tä ënety ja Wintsën janty'oy të nyäjyawëtyën ko të mayëtë, nëjkxëp oy nyäjyawëty ko ënety o'ktëy mjajnëtë mkëpäjnëtë ets ni'ikyë mkukëjx mkutujkënëtë, ma ja it naaxwiinyëtën mëti'ipë të mjayajmo'otën, atsip nëjkx jam mtso'ontaaynyëtë.

1 Corintios 2:6

E ma ja mëti'ipë tëë ënety myëpëjknëtën yajxon, nyajtuuntës ja aaw ayuk tsipëtypë. Je'eyëp ko ka'ap yë'ëjëty wijyajtën kejyajtën mëti'ipë ja naaxwiinyëtë ja'ay ets yajkutujkpëtëjk yajtuuntëpën, mëti'ipë ka'ap tii mëk'ajtën tmëët'atyën.

Salmos 32:10

Yë ëxëëkja'aytyëjk kanaakpëky yë pëjkën ijxën tyajnaxa'antë, e yë Wintsën yë tsyojkën jya'awën jam xëmë y'ita'any ma ja'ayëtyën mëti'ipë tukjotkujk'ajtëtëpën.

2 Corintios 12:11

Jëtu'unës yam nkäjpxy nmëtyä'äky ijxtëm tu'uk ja ja'akyupojën, je'eyëp ko miits të xy'akwanë'atës etsës jëtu'un n'ëtë'ëtsëty. Jä'ä ko miits mjapatëtëp jeexyë oy xynyimëtya'aktës, ëjts ka'apës tii nkëjxmëty ma tääpë ja'ayëtyën mëti'ipë nätyijëtëp mëj ayuk käjpxynyajxpë. Ma yë'ëjëtyën, ëjts ka'apës tii ntsowëty.

1 Corintios 1:20

¿Maa ja ixpëkyjyä'äy, ja yaj'ijxpëjkpë ets mëti'ipë tii nyimëtyaktëpën të nyëjkxta'atë? Dios, tsuuwinma'any të tpëjktä'äky ja wijyajtën kejyajtën naaxwiinypë.

2 Tesalonicenses 2:8

Ko yajjëpëkëty, jää yajnijawëja'any pën ëxëëk'ajtën'ajtpën, mëti'ipë ja Wintsën Jesús nëjkx pyixtëkoyën ets yajkutëkoyä'änyë ko ënety myiny mëët ja y'ajaj y'atë'kxën.

Hebreos 2:14

Jëtu'un ijxtëm ja ja'ay tu'kjëëky tu'kmëku'ukpë ja jot ne'pyny tmëët'atën, jëtu'un ja Jesús y'ijty mëët ja Dios ets mëët ja o'kën tmëmëtaktaay ja ëxëëkpë, mëti'ipë ijty o'kën tëko'oyën myëët'ajtypyën.